[᭒᭗ 27B]
᭒᭗
ᬲᬂᬧᬃᬣᬤᬤᬶᬗᭂᬮᬄᬲᬶᬲᬶᬧ᭄᭞ᬤᬾᬦᬶᬂᬳᬶᬥᬧ᭄ᬜᬦᬾᬢᬫ᭄ᬬᬸ᭞ᬢ᭄ᬓᬾᬦ᭄ᬲᬂᬩᬯᬸᬢ᭄ᬓᬵ᭞᭠ᬓᬤᬸᬂᬲᬸᬩᬜᬸᬲᬸᬧ᭄ᬳᬶᬥᬧᬾᬳᬸᬮᬗᬸᬦ᭄᭞ᬢᬦ᭄ᬮ᭄ᬬᬦ᭄ᬦᬾᬤᬶᬧᬫᬺᬫᬦ᭄᭞ᬧᬘᬂᬫᬗᬢᬸᬭᬂᬲᬕᬶ
᭟ᬮᬾᬦ᭄ᬢᭀᬥᬥᬭᬶᬘ᭄ᬭᬶᬢᬬᬂ᭞ᬓᬲᬸᬲᬸᬧᬦ᭄ᬳᬸᬮᬗᬸᬦᬾᬢᬦ᭄ᬲᬶᬦᬶᬧᬶ᭞ᬢ᭄ᬯᬭᬫᬦᭂᬮᭀᬓ᭄ᬫᬩ᭄ᬭᬶᬬᬸᬓ᭄᭞ᬫᬳᬶᬭᬶᬩ᭄ᬢ᭄ᬯᬭᬍᬕᬵ᭞ᬧᬗᬶᬦ᭄ᬢᬾᬦᬾᬓᬯᬸᬓᬶᬦ᭄ᬜᬤᬶᬢᬸᬮᬯᬸᬢ᭄᭞ᬳᬯᬲ᭄
ᬤᬶᬲ᭄ᬩᭂᬂᬫᬘᬭ᭞ᬤᬶᬢᬸᬬᬦᬕᬶᬄᬧᬬᬲᬶᬦ᭄᭟ᬫᬓᬶᬲᬶᬓᬶᬲᬶᬦ᭄ᬤᬲᭂᬓᬂ᭞ᬦᬕᬶᬄᬲ᭄ᬯᬄᬧᬘᬂᬜᬮᬶᬫᬸᬭᬂᬳᬢᬶ᭞ᬳᬤᬢ᭄ᬯᬭᬜᬓ᭄ᬫᬗ᭄ᬭᬗ᭄ᬲᬸᬓ᭄᭞ᬕ᭄ᬤᭂᬕᬾᬳᬗ᭄ᬕᭀᬦ᭄ᬭᬭᬲ᭄᭞ᬢᭀᬫ
ᬓ᭄ᬭᬡᬫᭂᬘᬸᬓ᭄ᬳᬮᬶᬲ᭄ᬫ᭄ᬭᬗᬲ᭄ᬫ᭄ᬭᬗᬸᬲ᭄᭞ᬢᬸᬃᬓᬤᬾᬦ᭄ᬜᬫᬓᬕᬾᬮᬦ᭄᭞ᬢ᭄ᬓᬾᬦ᭄ᬤᬦᬾᬲᬂᬓᬶᬭᬶᬣᬶ᭟ᬳᬤᬫᬧᬶᬢ᭄ᬯᬭᬦᬯᬂ᭞ᬜᬭᬸᬜᬭᬸᬩᬶᬓᬲ᭄ᬗᬮᬶᬄᬗᬮᬶᬳᬶᬦ᭄᭞ᬳᬦ᭄ᬢᭂᬗᬾ
[᭒᭘ 28A]
᭒᭘
ᬓ᭄ᬮᬾᬲᬂᬤᬶᬢᬸ᭞ᬢᬧᬶᬳᬾᬓᬳᬸᬗ᭄ᬓᬩᬂ᭞ᬳᬤᬦ᭄ᬢᭀᬦᬾᬗ᭄ᬕᬯᬾᬧᬚᭂᬂᬫᬧᬶᬢᬦ᭄ᬯ᭄ᬭᬸᬄ᭞᭠ᬩᬦ᭄ᬓᬫ᭄ᬧᬶᬤ᭄ᬢᬫ᭄ᬩᬸᬮᬶᬮᬶᬗᬦ᭄᭞ᬓᬸᬓᬸᬦᬾᬳᬗ᭄ᬕᭀᬦ᭄ᬦᬮᬶᬦᬶᬦ᭄᭟ᬚᬦᬶᬩᬸᬯᬶᬦ᭄ᬘᬭᬶᬢᬬᬂ᭞ᬦᬾᬧ
ᬧᬶᬢᬸᬧᬥᬳᬶᬗᭂᬢ᭄ᬤᬶᬳᬢᬶ᭞ᬩᬵᬦ᭄ᬢᬶᬗ᭄ᬓᬳᬾᬩᬵᬲ᭄ᬓᬤᬸᬭᬸᬲ᭄᭞ᬤᬸᬓᬾᬤᬶᬢᬸᬤᬶᬕᬸᬯ᭞ᬧᬥᬚᭂᬗᬄᬮᬸᬢ᭄ᬗᬮᬶᬄᬤᬮᬶᬳᬦ᭄ᬤᬶᬢᬸ᭞ᬩᬢᬸᬘᬸᬓᬶᬦᬾᬧᬲᬗᬂ᭞ᬳᬤᬗᬗ᭄ᬕᬶᬢ᭄ᬲᭂᬓᬃᬢᬚᬶ᭟᭠
ᬢ᭄ᬯᬭᬲᬸᬳᬸᬤ᭄ᬫᬫ᭄ᬩᭂᬦᭂᬳᬂ᭞ᬦᬾᬩᬵᬧ᭄ᬭᬕᬢ᭄ᬤᬶᬢᬸᬩᬸᬯᬶᬦ᭄ᬓᬕᬕᬳᬶᬦ᭄᭞ᬩᬶᬦ᭄ᬧᬶᬤᬦ᭄ᬬᬧᬘᬂᬧᬸᬧᬸᬢ᭄᭞ᬦᬾᬫ᭄ᬮᬄᬩᬶᬦ᭄ᬳᬸᬲᬓᬂ᭞ᬩᬵᬦ᭄ᬓᭂᬦᭂᬳᬾᬧᬮᬶᬂᬳᬗ᭄ᬕᭀᬦ᭄ᬧᬜᬮᬶᬫᬸᬃ᭞ᬬᬾᬦ᭄ᬳᬤ
ᬳᬤᬫᬱ᭄ᬝᬵ᭞ᬧᬤᬶᬗᭂᬳᬂᬲᬳᬶᬳᬶᬦ᭄ᬢᬶᬧ᭄᭟ᬳᬤᬜᬶᬮᬶᬩ᭄ᬗᬯᬾᬢᬶᬗ᭄ᬓᬄ᭞ᬮᬯᬸᬢ᭄ᬫᭂᬥᭂᬫ᭄ᬢᬶᬗ᭄ᬓᬳᬾᬕᬶᬸᬗ᭄ᬕᬶᬸᬗ᭄ᬕᬯᬾᬲᬓᬶᬢ᭄᭞ᬧᬸᬧᬸᬢ᭄ᬜᬦᬾᬫᬶᬳᬶᬓ᭄ᬜᬗ᭄ᬮᬸᬄ᭞ᬫ᭄ᬥᭂᬫ᭄ᬫᬫᬢᬶᬭᬕ᭞ᬩ
