[᭒᭓ 23B]
᭒᭓
ᬦᬶᬤᬶᬢᬸ᭞ᬢᬸᬯᬶᬧᬘᬂᬓᬧᬗ᭄ᬕᬶᬄ᭞ᬬᬦ᭄ᬳᬦᬵᬗᬾᬱ᭄ᬝᬶᬭᬳᬬᬸ᭞ᬢᬸᬃᬫᬲᬥᬡᬫ᭄ᬮᬄ᭞ᬬᬦ᭄ᬢ᭄ᬯᬄᬚ᭄ᬮᬾᬮᬓ᭄ᬱᬡᬦᬾᬤᬤᬶᬍᬢᬸᬄ᭞ᬧᬮᬶᬂᬓᬮᬸᬤᬶᬦ᭄ᬢᭂᬗᬄ᭞ᬳᬶᬥᬧᬾᬫ᭄ᬮᬄᬢᬸᬗ᭄ᬓᬲᬶᬦ᭄᭟ᬤᬶ
ᬕ᭄ᬦᬳᬾᬬᬓᬢ᭄ᬓᬦ᭄᭞ᬳᭂᬦ᭄ᬢᭀᬢᬸᬮᬤ᭄ᬧᬚᬮᬦ᭄ᬲᬂᬓᬶᬭᬶᬝᬶ᭞ᬲᬂᬧᬵᬃᬣᬚᬦᬶᬓᬯᬸᬯᬸᬲ᭄᭞ᬚᬦᬶᬓᬲᬶᬤ᭄ᬥᬦ᭄ᬫᬦᬄ᭞ᬢ᭄ᬯᬭᬤᬦᬾᬳ᭄ᬦᬸᬲᬗ᭄ᬰᬬᬤᬶᬓᬳ᭄ᬬᬸᬦ᭄᭞ᬲᬸᬓᬵᬕᬶᬭᬂᬤᬶᬧᬗ᭄ᬭᬱ᭞᭠
ᬚᬦᬶᬤᬦᬾᬗᬗᭂᬦ᭄ᬫᬸᬮᬶᬄ᭟ᬭᬯᭀᬲᬂᬤᬦᬾᬤᬶᬫᬦᬄ᭞ᬕᬶᬭᬂᬧᬶᬲᬦ᭄ᬭᬩᬶᬦ᭄ᬦᬾᬦᭂᬮᭀᬓᬶᬓᬶᬸᬦ᭄᭞ᬧᬘᬂᬫᬫᭂᬡ᭄ᬥᬓᬶᬦ᭄ᬫᬦ᭄ᬢᬸᬓ᭄᭞ᬦ᭄ᬢᭀᬩᬸᬯᬶᬦ᭄ᬓᬭᬯᭀᬲᬂ᭞ᬢ᭄ᬯᬄᬢᬦ᭄ᬳᬸᬭᬸᬂᬓᬢᬶᬩᬾ
ᬦ᭄ᬫᬦᬄᬳᬸᬮᬗᬸᬦ᭄᭞ᬯᬸᬯᬸᬳᬶᬦ᭄ᬩᬵᬦ᭄ᬓᬫᬵᬦᬸᬱᬦ᭄᭞ᬫᬗ᭄ᬮᬶᬧᬸᬢ᭄ᬢᬦ᭄ᬳᬸᬭᬸᬂᬧᬮᬶᬂ᭟ᬓᬾᬢᭀᬭᬯᭀᬲ᭄ᬲᬂᬆᬃᬚ᭄ᬚᬸᬦ᭞ᬦᬤᬓ᭄ᬱᬭᬳᬤᬢ᭄ᬓᬵᬦ᭄ᬮᭀᬓᬶᬦ᭄᭞ᬩᬚᬂᬩᬕᬸᬲ᭄ᬤ᭄ᬯᬂᬳᬸᬓᬸᬤ᭄᭞
[᭒᭔ 24A]
᭒᭔
ᬦ᭄ᬢᭀᬓᬢᬸᬦ᭄ᬤᬾᬦ᭄ᬫᬗᬸᬡ᭄ᬥᬂ᭞ᬳᬦ᭄ᬢᬸᬓ᭄ᬲᬗ᭄ᬳ᭄ᬬᬂᬳᬶᬦ᭄ᬤ᭄ᬭᬲᬧ᭄ᬭᬡᬦ᭄ᬜᬵᬭᬯᬸᬄ᭞ᬗᬩᬓᬸᬮᬫ᭄ᬩᬶᬩᬭᬓ᭄᭞ᬫᬫᭀᬤ᭄ᬭᬾᬯᬶᬦ᭄ᬢᭂᬦᬾᬍᬯᬶᬄ᭟ᬢ᭄ᬓᬾᬦ᭄ᬢᬸᬮᬶᬲ᭄ᬢᬶᬫ᭄ᬧᬮᬶᬦ᭄ᬜ᭞ᬫᬘᬘᬶᬭᬾᬦ᭄ᬳᬶᬤᬲᬗ᭄ᬳ᭄ᬬᬂᬲᬘᬶᬧ᭠
ᬢᬶ᭞ᬦ᭄ᬢᭀᬓᬲ᭄ᬭᬳᬂᬲᬵᬫ᭄ᬧᬸᬦ᭄᭞ᬮᬶᬦ᭄ᬢᬂᬍᬯᬶᬄᬳᬸᬘᬧᬦ᭄ᬜ᭞ᬲᬤᬗᬲᬩ᭄ᬢᬸᬃᬧ᭄ᬭᬵᬡᬫ᭄ᬬᬮᬶᬦ᭄ᬢᬂᬧᬵᬢᬹᬢ᭄᭞ᬗᬲᬶᬄᬳᬲᬶᬄᬓᬯ᭄ᬮᬲ᭄ᬳᬃᬱ᭞ᬤᬸᬄᬢᬸᬢᬸᬕᬂᬲᬸᬓᬘᬳᬶ᭟ᬦᬾᬢᬸᬮᬶᬲ᭄ᬩᬧᬦᬾᬤᬾ
ᬯ᭄ᬯ᭞ᬦᬶᬸᬢ᭄ᬓᬵᬚᬸᬯᬂᬢᬸᬢᬸᬕᬂᬚ᭄ᬯᬳᭀᬮᬲᬶᬦ᭄᭞ᬬᬦ᭄ᬳᬶᬤᬾᬯᬫᬦᬸᬮᬸᬂ᭞ᬢ᭄ᬯᬄᬢᬦ᭄ᬧᬓᬦ᭄ᬢᬶᬩᬧᬵ᭞ᬢᭀᬫᬓ᭄ᬭᬡᬩᬧᬵᬚᬦᬶᬤᬤᬶᬳᬶᬩᬸᬓ᭄᭞ᬬᬦ᭄ᬢᬦ᭄ᬘᬳᬶᬜᬶᬤ᭄ᬥᬬᬂ᭞ᬗ᭄ᬭᬸᬲᬓ᭄ᬳᬶᬓᬯᬘ᭄ᬙᬚᬸ
ᬢᬶ᭟ᬦ᭄ᬢᭀᬲᬤ᭄ᬥ᭄ᬬᬬᬂᬩᬧᬤᬾᬯ᭄ᬯ᭞ᬲᬗ᭄ᬕᬸᬧᬶᬦ᭄ᬚᬬᬦ᭄ᬳᬤᬲᬸᬓᬘᬳᬶ᭞ᬢᭀᬧᬦᬸᬕ᭄ᬭᬳᬦᬾᬮᬸᬳᬸᬂ᭞ᬫᬦᬳᬾᬢᬸᬯᬶᬳᬸᬢ᭄ᬢᬫ᭞ᬬᬧᬧᬲᬂᬤᬵᬚᬳ᭄ᬦᬸᬯᬮᬂᬓᬳ᭄ᬬᬸᬦ᭄᭞ᬢᬦ᭄ᬳᬸᬭᬸᬂᬢᬳᬶᬬ
