[᭒᭔ 24B]
᭒᭔
ᬭᬸᬲᬓ᭄᭞ᬳᬶᬭᬓ᭄ᬱᬵᬲᬳᬶᬃᬱ᭄ᬬᬚᬸᬢ᭄ᬢᬶ᭟ᬳᬓᬾᬢᭀᬳᬸᬘᬧᬦ᭄ᬲᬸᬭᬢ᭄᭞ᬳᬶᬤᬲᬗ᭄ᬳ᭄ᬬᬂᬳᬶ᭠ᬦ᭄ᬤ᭄ᬭᬓᬤᬶᬗ᭄ᬮᬸᬕ᭄ᬭᬳᬶᬦ᭄᭞ᬚᬗ᭄ᬕᭂᬮ᭄ᬲᬂᬨᬮ᭄ᬕᬸᬡᬤᬶᬢᬸ᭞ᬤᬾᬦᬶᬂᬬᬓᬫᬵᬦᬸᬱᬦ᭄᭞ᬳᬾᬮᬶᬂᬤᬦᬾ
ᬭᬶᬂᬭᬓᬵᬭᬳᬶᬦᬾᬓᬦ᭄ᬢᬸᬦ᭄᭞ᬤᬾᬦᬶᬂᬢᬸᬗ᭄ᬕᬮ᭄ᬧᬗ᭄ᬭᬱᬦ᭄ᬜ᭞ᬦᬾᬚᬸᬫᬄᬭᬶᬂᬦᬾᬗᬮᬳᬶᬦ᭄᭟ᬳᭂᬦ᭄ᬢᭀᬲᬗ᭄ᬓᬦ᭄ᬓᬳᭂᬡ᭄ᬥᭂᬧᬂ᭞ᬳᬸᬢᬸᬲᬦᬾᬤᬤᬶᬩ᭄ᬯᬶᬦ᭄ᬫᬫᬸᬜᬶ᭞ᬩᭀᬬᬤᬸᬭᬸᬲᬂᬓᬾᬩᬕᬸᬲ᭄᭞᭠
ᬓᬶᬃᬢ᭄ᬢᬶᬦᬶᬦ᭄᭞ᬲᬗ᭄ᬳ᭄ᬬᬂᬳᬶᬦ᭄ᬤ᭄ᬭ᭞ᬗ᭄ᬕᬶᬄᬩᭂᬘᬶᬓᬂᬓᬾᬦ᭄ᬤ᭄ᬭᬦᬾᬫᬗᬕᭂᬦ᭄ᬳᬸᬯᬸᬕ᭄᭞ᬯ᭄ᬬᬓ᭄ᬢᬶᬳᬶᬤᬾᬯᬜᬡ᭄ᬥᬂ᭞ᬗᬶᬃᬢ᭄ᬢᬶᬦᬶᬦ᭄᭞ᬦᬾᬓᬯ᭄ᬮᬲ᭄ᬳᬲᬶᬄ᭟ᬓᬾᬦ᭄ᬓᬾᬦ᭄ᬲᬗ᭄ᬓᬦ᭄ᬫᬫᭂᬡ᭄ᬥᭂᬧᬂ᭞ᬲᬂᬨᬮ᭄ᬕᬸᬡᬭᬭᬶᬲ᭄ᬳᬶᬤ
ᬜᬯᬸᬭᬶᬦ᭄᭞ᬤᬾᬦᬶᬂᬢᬶᬢ᭄ᬬᬂᬫᭂᬡ᭄ᬥᭂᬧ᭄ᬩᬯᬸ᭞ᬩᭀᬬᬢᬶᬢ᭄ᬬᬂᬲᬓᬶᬂᬢᬸᬮᬓ᭄᭞ᬳᬶᬩᬸᬓ᭄ᬧᬶᬲᬦ᭄ᬳᬶᬥᬧ᭄ᬢᬶᬢ᭄ᬬᬗᬾᬓᬳᬚᬸᬫ᭄᭞ᬲᭂᬗ᭄ᬕᬸᬄᬧᬮᬶᬂᬯᬶᬭᬜ᭞ᬢᬶᬢ᭄ᬬᬂᬫᬸᬮᬚᬦ᭄ᬫᬵᬫᬶᬲ᭄ᬓᬶᬦ᭄᭟ᬤᬶᬓᬧ
[᭒᭕ 25A]
᭒᭕
ᬦ᭄ᬢᬶᬢ᭄ᬬᬂᬜᬶᬤ᭄ᬥᬬᬂ᭞ᬩᭀᬬᬜᬡ᭄ᬥᬂᬢᬶᬢ᭄ᬬᬂᬓᬳᬗ᭄ᬕᬾᬦ᭄ᬓᬦ᭄ᬢᬶ᭞ᬲᬶᬜᬗ᭄ᬕᬯᬾᬤᬸᬮᭂᬕ᭄ᬓᬳ᭄ᬬᬸᬦ᭄᭞ᬤᬤ᭄ᬬᬦ᭄ᬜᬢᬦ᭄ᬧᬓᬃᬬ᭄ᬬ᭞ᬢᬦ᭄ᬮ᭄ᬬᬦ᭄ᬧᬘᬂᬧ᭄ᬭᬕᬢᬂᬓᬃᬬ᭄ᬬᬦᬾᬩᬾᬲᬸᬓ᭄᭞ᬢ᭄ᬯᬄᬮᬾᬶᬸᬦᬍᬯᬶᬄᬤᬶ
ᬰ᭄ᬯᬃᬕ᭄ᬕᬦ᭄᭞ᬗ᭄ᬭᬸᬲᬓᬂᬫᬸᬲᬸᬳᬾᬲᬫᬶ᭟ᬓᬾᬢᭀᬲᬯᬸᬃᬲᬂᬨᬮ᭄ᬕᬸᬡ᭞ᬤᬤ᭄ᬬᬦ᭄ᬜᬧᬥᬲᬮᬾᬂᬮ᭄ᬬᬢᬶᬦ᭄᭞ᬤᬾᬦᬶᬂᬧᬥᬯ᭄ᬭᬸᬄᬭᬶᬂᬲ᭄ᬫᬸ᭞ᬲᬾᬍᬩ᭄ᬗᭂᬧᬾᬢ᭄ᬩᭂᬢᬾᬦᬦ᭄᭞ᬲᬂᬨᬮ᭄ᬕᬸᬡᬫᬤᬩ᭄ᬤᬩ᭄ᬢᬸᬃ
ᬭᬭᬶᬲ᭄ᬩᬗᬸᬦ᭄᭞ᬜᬮᬸᬓ᭄ᬓᬸᬮᬫ᭄ᬩᬶᬧᬦᬄ᭞ᬗᬫ᭄ᬩᬭᬲᬋᬂᬓᬓᬮᬶᬄ᭟᭜᭟ᬧᬸᬄᬲᬶᬦᭀᬫ᭄᭟᭜᭟ᬲᬶᬦᭀᬫ᭄ᬫᬧᬫᬶᬢ᭄ᬲᬂᬧᬵᬃᬣ᭞ᬳᬸᬮᬶᬤᬶᬧᬢᬧᬦ᭄ᬕᭂᬮᬶᬲ᭄᭞ᬳᬋᬧ᭄ᬩᬓ᭄ᬢᬶᬦᬾᬢᬦ᭄ᬮ᭄ᬬᬦ᭄
᭞ᬢᬸᬓ᭄ᬢᬸᬓ᭄ᬕᬸᬦᬸᬗᬾᬧᬢᬶᬢᬶᬲ᭄᭞ᬢᬸᬯᬶᬤᬦᬾᬢᬦ᭄ᬮᬮᬶ᭞ᬭᬶᬂᬳᬯᬦᬦᬾᬭᬳᬬᬸ᭞ᬓᬾᬢᭀᬢᬶᬗ᭄ᬓᬄᬲᬂᬢᬧ᭞ᬤᬶᬲᬸᬩᬦᬾᬧᭀᬮᬶᬄᬓᬦ᭄ᬢᬶ᭞ᬲᬸᬩᬧᬸᬧᬸᬢ᭄᭞ᬧᬫᬃᬕ᭄ᬕᬶᬦᬾᬫᬮᭀᬦ᭄ᬮᭀ
