[᭒᭒ 22B]
᭒᭒
ᬭᬶᬦ᭄᭞ᬘᬳᬶᬧ᭄ᬬᬦᬓ᭄ᬩᬧᬩᬕᬸᬲ᭄᭞ᬢᬢᬲ᭄ᬲᬸᬩᬩᬦ᭄ᬩᬧ᭞ᬭᬲᬦ᭄ᬘᬳᬶ᭞ᬫᬓ᭄ᬚᬂᬲᬸᬩᬓᬢ᭄ᬧᬸᬓ᭄᭞ᬳᭂᬦᬾᬚᬦᬶᬩᬧᬫ᭄ᬩᬳᬂ᭞ᬘᬳᬶᬧᬦᬄᬘᬤ᭄ᬥᬹᬰᬓ᭄ᬢᬶ᭟ᬫᬳᬤᬦ᭄ᬧᬗ᭄ᬭᬓ᭄ᬱᬚᬶᬯᬵ᭞ᬓ
ᬧᬶᬢᬸᬤᬸᬄᬦᬾᬚ᭄ᬯᬂᬘᬳᬶᬢᬫ᭄ᬧᬶ᭞ᬓᬾᬢᭀᬯᬘ᭄ᬙᬦᬦ᭄ᬲᬗ᭄ᬳ᭄ᬬᬂᬢᬸᬤᬸᬄ᭞ᬲᬗ᭄ᬳ᭄ᬬᬂᬰᬶᬯᬵᬫᬶᬤᬃᬣᬬᬂ᭞ᬤᬤᬶᬧᭂᬲᬸᬳᬧᬶᬳᬸᬮᬶᬢᬗᬦ᭄ᬫᬸᬭᬸᬩ᭄᭞ᬮᬢ᭄ᬢᬲ᭄ᬫᬳᬯᬓ᭄ᬭᬓ᭄ᬱᬵᬲ᭞ᬧᬥᬗᬩᬧᬦᬄᬢᬸᬯᬶ
᭟ᬦᬾᬍᬯᬶᬄᬲᬵᬫ᭄ᬧᬸᬦ᭄ᬓᬚ᭄ᬯᬂ᭞ᬤᬶᬢᬸᬤᬦᬾᬕ᭄ᬮᬶᬲ᭄ᬳᬶᬤᬦᬫ᭄ᬧᭂᬓᬶᬦ᭄᭞ᬳᬧᬶᬦᬾᬫᬗᭂᬡ᭄ᬥᬶᬄᬫᬸᬭᬸᬩ᭄᭞ᬫᬳᬯᬓ᭄ᬤᬤᬶᬧᬦᬄ᭞ᬤᬶᬢᬸᬳᬶᬤᬫᬜᬫ᭄ᬩᬸᬢ᭄ᬧᬦᬳᬾᬮᬯᬸᬢ᭄᭞ᬤᬾᬦᬶᬂᬢᬸᬗ᭄ᬕᬮ᭄ᬧᬯ᭄ᬢᬸᬦ᭄ᬜ
᭞ᬧᬦᬳᬾᬢ᭄ᬓᬾᬦᬶᬂᬳᬧᬶ᭟ᬲᬸᬩᬧᬸᬧᬸᬢ᭄ᬧᬦᬸᬕ᭄ᬭᬳ᭞ᬲᬂᬳᬵᬃᬚ᭄ᬚᬸᬦᬭᬭᬶᬲ᭄ᬜᭂᬫ᭄ᬩᬄᬧ᭄ᬭᬚᬦᬶ᭞ᬧᬦᬄᬢ᭄ᬓᬾᬦ᭄ᬢᬸᬢᬸᬧ᭄ᬕᭂᬮᬸᬂ᭞ᬦ᭄ᬢᭀᬧᬥᬓᬕᭂᬦ᭄ᬢᬶᬦᬦ᭄᭞ᬭᬭᬶᬲ᭄ᬓᬯᬶᬲᬶᬓᬶᬦ᭄ᬳᬦ᭄ᬢᬸᬓ᭄ᬲᬗ᭄ᬳ᭄ᬬᬂᬕᬸᬭᬸ᭞ᬲᭀ
[᭒᭓ 23A]
᭒᭓
ᬭᭀᬄᬢᬶᬗ᭄ᬓᬄᬤᬶᬧᬲ᭄ᬬᬢᬦ᭄᭞ᬢ᭄ᬓᬾᬦᬶᬂᬧᬶᬢᬸᬤᬸᬄᬲᬫᬶ᭟ᬧᬢ᭄ᬫᬸᬫ᭄ᬯᬄᬧᬫ᭄ᬮᬲ᭄᭞ᬭᬭᬶᬲ᭄ᬳᬶᬘ᭄ᬙ᭠ᬳᬶᬤᬲᬗ᭄ᬳ᭄ᬬᬂᬲᬘᬶᬧᬢᬶ᭞ᬫ᭄ᬯᬄᬯᬢᭂᬓ᭄ᬤᬾᬯᬣᬲᬵᬫ᭄ᬧᬸᬦ᭄᭞ᬳᬚᬳᬦ᭄ᬧᬥᬩᬸᬤᬮ᭄᭞ᬤᬤ᭄ᬬᬦ᭄ᬜ
ᬳᬶᬥᬧ᭄ᬲᬂᬧᬵᬃᬣᬦᬾᬲᬸᬳᬸᬂ᭞ᬩᬸᬓᬢ᭄ᬯᬭᬦᬸᬤᬶᬚᬕᬢ᭄᭞ᬓ᭄ᬭᬱᬩᬵᬦ᭄ᬲᬂᬧᬵᬃᬣᬚᬦᬶ᭟ᬩᬸᬓᬢ᭄ᬯᬄᬫᬲᬮᬶᬦ᭄ᬭᬕ᭞ᬲᬸᬓᬕᬶᬭᬂᬢ᭄ᬯᬭᬫᬩᬮᬶᬓ᭄ᬲ᭄ᬥᬶᬄ᭞ᬲ᭄ᬥᭂᬂᬢᬸᬮᬤ᭄ᬳᬚᬓ᭄ᬮᬶᬬᬸ᭞ᬓᬶᬃᬢ᭄ᬢᬶᬦᬾᬧᬕᭂᬄ
ᬧᬶᬲᬦ᭄᭞ᬬᬤᬶᬦ᭄ᬚᬦ᭄ᬫᬵᬢᭀᬂᬳᬤᬫᬩ᭄ᬭᬢᬢᬸᬳᬸ᭞ᬲᬓᬾᬂᬮᬾᬤᬂᬗᬮᬶᬄᬯᬶᬃᬬ᭄ᬬ᭞ᬫᬲᬶᬄᬓᬳᬶᬘ᭄ᬙᬦ᭄ᬩᬵᬦ᭄ᬯᬶᬥᬶ᭟ᬦᬵᬗ᭄ᬳᬶᬂᬬᬦ᭄ᬢᬩᬮᬶᬓᬂ᭞ᬓᬲᬸᬓᬦᬾᬬᬳᭂᬦ᭄ᬢᭀᬤᬤᬶᬲᬓᬶᬢ᭄᭞ᬚᭂᬓ᭄ᬚᭂ
ᬓᬾᬩᬵᬦ᭄ᬧᬗᬦ᭄ᬓᬶᬦᬸᬫ᭄᭞ᬳᭂᬦ᭄ᬢᭀᬬᬕ᭄ᬮᭀᬕ᭄ᬮᭀ᭞ᬳᬡ᭄ᬥᬾᬩᬸᬓᬮᬓ᭄ᬱᬡᬫᬓᬃᬬ᭄ᬬᬳᬬᬸ᭞ᬧᬕᭂᬄᬦᬧᬓᬂᬳᬕᬫᬵ᭞ᬢᬸᬃᬧᬗ᭄ᬭᬱᬲᬸᬩᬢᬶᬮᬶᬂ᭟ᬢᭀᬓ᭄ᬭᬡᬫᬜᬶᬤ᭄ᬥᬬᬂ᭞ᬤᬶ
