Kaca:Bali-lontar-paparikan-arjuna-wiwaha-02-300ppi.pdf/22

[᭒᭑ 21B]
᭒᭑
ᬫ᭄᭟᭜᭟ᬤᬾᬯᬭᬢᬸᬳᬢᬸᬃᬢᬶᬢ᭄ᬬᬂ᭞ᬭᬶᬂᬳᬶᬤᬪᬝᬵᬭᬰᬓ᭄ᬢᬶ᭞ᬳᬶᬤᬾᬯᬗᬦ᭄ᬢᬶᬦᬶᬦ᭄ᬢᬶᬢ᭄ᬬᬂ᭞ᬓᬦ᭄ᬢᭂᬦ᭄ᬢᬦ᭄ᬓᬦ᭄ᬢᭂᬦ᭄ᬧᬶᬢ᭄ᬯᬶ᭞ᬢᬶᬢ᭄ᬬᬂᬯᬦ᭄ᬢᬄᬗᬩᬓ᭄ᬢᬶ᭞ᬢᬦ᭄ᬮ᭄ᬬᬦ᭄ᬳᬶᬤᬓᬲᬸᬳᬸᬦ᭄᭞ᬪᬝᬵᬭᬳᬾᬱ᭄ᬝᬶᬦ᭄ᬢᬶᬢ᭄ᬬᬂ
᭞ᬓᬾᬢᭀᬓᬳ᭄ᬬᬸᬦ᭄ᬤᬦᬾᬫᬶᬚᬶᬮ᭄᭞ᬩᬸᬓᬍᬗᬶᬲ᭄᭞ᬫᬶᬚᬶᬮ᭄ᬲᬓᬶᬂᬲᬦ᭄ᬢᭂᬦ᭄ᬳᬶᬓ᭟ᬳᬶᬤᬾᬯᬯᬦ᭄ᬢᬄᬗᬯᬾᬦ᭄ᬢᭂᬦᬂ᭞ᬲᬤᬕᬶᬂᬚᬕᬢᬾᬲᬫᬶ᭞ᬲᬫᬶᬢ᭄ᬯᬄᬕᭂᬦᬄᬳᬶᬤᬾᬯ᭞ᬓᬵᬮᬶᬄᬲᬂ
ᬫᬗᬾᬱ᭄ᬝᬶᬍᬯᬶᬄ᭞ᬬᬤᬶᬦ᭄ᬦᬾᬩᭂᬮᭀᬕ᭄ᬢᬸᬯᬶ᭞ᬫᬲᬶᬄᬳᬶᬤᬾᬯᬓᬳ᭄ᬬᬸᬦ᭄᭞ᬫᬮᬶᬄᬢ᭄ᬓᬾᬦ᭄ᬲᬸᬕᬶᬄᬤᬳᬓ᭄᭞ᬬᬤᬶᬦ᭄ᬭᬶᬂᬦᬾᬕ᭄ᬤᬾᬘᭂᬦᬶᬓ᭄᭞ᬚᭂᬮᬾᬫ᭄ᬮᬄ᭞ᬳᬶᬤᬾᬯᬢ᭄ᬯᬄᬫᬗ᭄ᬯᬾᬦ᭄ᬢᭂᬦᬂ᭟
ᬤᬾᬦᬶᬂᬚᬦ᭄ᬫᬦᬾᬗᬸᬗ᭄ᬕᬸᬳᬂ᭞ᬗᬵᬃᬘ᭄ᬙᬡᬧ᭄ᬭᬮᬶᬡᬭᬭᬶᬲ᭄᭞ᬯᬦ᭄ᬢᬄᬳᬶᬤᬾᬯᬫᬓᬤ᭞ᬫᬓ᭄ᬚᬂᬢ᭄ᬯᬄᬓᬤᬕᬶᬗᬶᬦ᭄᭞ᬢ᭄ᬯᬭᬢᬓᬾᬦᬂᬩᬸᬯᬶᬦ᭄᭞ᬧᬮᬶᬂᬚᬦ᭄ᬫᬦᬾᬫᬗ᭄ᬭᬸᬭᬸᬄ᭞ᬫᬲᬶᬄ

[᭒᭒ 22A]
᭒᭒
ᬢ᭄ᬯᬭᬤᬵᬩᬓᬢ᭄᭞ᬬᬶᬸᬯ᭄ᬬᬓ᭄ᬢᬶᬳᬶᬤᬾᬯᬘᭂᬮᬶᬄ᭞ᬭᬶᬂᬲᬓᬵᬮ᭞ᬦᬶᬲ᭄ᬓᬵᬮᬲᬸᬗ᭄ᬲᬸᬂᬳᬶᬤᬾᬯ᭟ᬳᬡ᭄ᬥᬾᬩᬸᬓᬮᬯᬢ᭄ᬩᬸᬮᬦ᭄᭞ᬤᬶᬚᬸᬦᬾᬫᬶᬲᬶᬬᬾᬄᬳᭂᬦᬶᬂ᭞ᬬᬤᬶᬦ᭄ᬧ᭄ᬯᭂᬓ᭄ᬫᬲᬶᬗᭂᬦᬄ᭞
ᬤᬤᬶᬢ᭄ᬯᬭᬓᬦ᭄ᬢᭂᬦ᭄ᬩᭂᬘᬶᬓ᭄᭞ᬓᬾᬦ᭄ᬢᭂᬦ᭄ᬳᬶᬤᬾᬯᬢᬸᬯᬶ᭞ᬭᬕᬦ᭄ᬳᬶᬤᬾᬯᬦᬾᬭᬢᬸ᭞ᬲᬫᬶ᭠ᬢ᭄ᬯᬄᬓᬤᬕᬶᬗᬦ᭄᭞ᬓᬸᬤ᭄ᬬᬂᬩᬓᬢ᭄ᬩᬵᬦ᭄ᬫᬗᬮᬶᬄ᭞ᬭᬶᬂᬲᬂᬧᬸᬢᬸᬲ᭄᭞ᬳᬶᬭᬶᬓᬵᬳᬶᬤᬾᬯᬗᭂᬦᬄ᭟
ᬧᬶᬢ᭄ᬯᬶᬓᬧᬗ᭄ᬕᬶᬄᬳᬶᬤᬾᬯ᭞ᬳᬦ᭄ᬢᬸᬓ᭄ᬚᬦ᭄ᬫᬵᬦᬾᬫᬗᬮᬶᬄ᭞ᬢ᭄ᬯᬄᬲᬓᬶᬂᬲ᭄ᬯᬾᬘ᭄ᬙᬦ᭄ᬳᬶᬤᬾᬯ᭞ᬤᬾᬦᬶᬂᬳᬶᬧᬸᬦ᭄ᬫᬫᬗ᭄ᬕᬶᬳᬶᬦ᭄᭞ᬓᬭᬱᬩᬵᬦ᭄ᬜᬗᬾᬱ᭄ᬝᬶ᭞ᬳᬶᬤᬾᬯᬳᬯᬦᬦ᭄ᬳᬶᬧᬸᬦ᭄᭞ᬤᬤᬶᬓᬭ᭠
ᬱᬩᬳᬦ᭄ᬜᬵ᭞ᬬᬤᬶᬦ᭄ᬩᬓᬢ᭄ᬩᬵᬦ᭄ᬜᬗᬾᬱ᭄ᬝᬶ᭞ᬫᬲᬶᬄᬳᬶᬤ᭞ᬢ᭄ᬯᬄᬳᬯᬦᬦ᭄ᬜᬦᬾᬩᬓᬢ᭄᭟᭜᭟ᬧᬸᬄᬧᬗ᭄ᬓᬸᬃ᭟᭜᭟ᬓᬧᬸᬗ᭄ᬓᬸᬃᬫᬮᬶᬄᬧᬸᬧᬸᬢᬂ᭞ᬳᬢᬸᬃᬤᬦᬾ᭞ᬲᬗ᭄ᬳ᭄ᬬᬂᬰᬶᬯᬵᬜᬯᬸ