[᭒᭐ 20B]
᭒᭐
ᬮᬾᬩᬂ᭞ᬢᬸᬃᬧᬥᬳᬩ᭄ᬭᬶᬬᬸᬓᬦ᭄᭞ᬲᬂᬳᬃᬚ᭄ᬚᬸᬦᬲᬾᬧ᭄ᬳᬦᬗ᭄ᬓᬶᬲ᭄᭞ᬩᬵᬦ᭄ᬓᬧ᭄ᬭᬧᭂᬓᬦ᭄᭞ᬜᭀᬂᬓᭀᬓ᭄ᬤᬦᬾᬫᬓ᭄ᬮᬶᬤ᭄᭟ᬘᬮᬶᬂᬓᬵᬮᬦᬾᬤᬶᬢᬸᬮᬯᬸᬢ᭄ᬗᭂᬦᬬᬂ᭞ᬢᬕᭂᬮ᭄ᬧᬦᬳᬾᬭᬭᬶᬲ᭄᭞
ᬕᭂᬮᬸᬂᬲᬫ᭄ᬩᭂᬄᬩᬸᬬᬃ᭞ᬲᬲᭀᬘᬦ᭄ᬜᬦᬾᬢ᭄ᬮᬲ᭄᭞ᬧᬓᬜᬄᬜᬄᬧᬮᭂᬂᬓ᭄ᬢᬶᬓ᭄᭞ᬢᬦ᭄ᬧᬕᬦ᭄ᬢᬸᬮᬦ᭄᭞ᬲᬂᬧᬵᬃᬣᬮᬯᬸᬢ᭄ᬩᭂᬭᬂᬢᬶ᭟ᬲᬂᬆᬃᬚ᭄ᬚᬸᬦᬵᬕ᭄ᬮᬶᬲ᭄ᬜᬫ᭄ᬩᬸᬢ᭄ᬮᬸᬗᬦ᭄ᬧᬦᬄ᭞ᬧᬘᬂᬳᬗ᭄ᬕᭀ
ᬦ᭄ᬫᬦᬶᬕ᭄ᬢᬶᬕ᭄᭞ᬕᭂᬮᬶᬲ᭄ᬪᬝᬵᬭᬰᬶᬯᬵ᭞ᬦᬫ᭄ᬧᭂᬓᬂᬧᬘᬂᬜᬫ᭄ᬩᬓ᭄᭞ᬧᬥᬫᬫᭀᬕᭀ᭠ᬮ᭄᭞ᬦᬾᬚᬦᬶ᭞ᬦ᭄ᬢᭀᬓ᭄ᬭᬡᬧᬥ᭞ᬲᬮᬾᬂᬲᬯᬸᬧ᭄ᬧᬍᬕᭂᬦ᭄ᬢᬶ᭟ᬫᬳᬶᬍᬳᬦ᭄ᬲᬫᬶᬧᬥᬵ
ᬗᬮᬶᬄᬘᬶᬤ᭄ᬭ᭞ᬫᬓ᭄ᬮᭀᬲᬮᬾᬂᬧᬦ᭄ᬢᬶᬂ᭞ᬤᬾᬦᬶᬂᬓᬲ᭄ᬯᬾᬬᬦ᭄᭞ᬓᬲᭀᬭᬦ᭄ᬲᬂᬆᬃᬚ᭄ᬚᬸᬦ᭞ᬲᬾᬧᬦᬦ᭄ᬢᬸᬃᬓᬚᬫ᭄ᬩᬓᬶᬦ᭄᭞ᬤᬶᬢᬸᬲᬂᬧᬵᬃᬣ᭞ᬧᭀᬮᬶᬄᬭᬭᬶᬲ᭄ᬫᬗᬶᬦ᭄ᬢᬶᬧ᭄᭟ᬘᭀ
[᭒᭑ 21A]
᭒᭑
ᬓᭀᬃᬳᬶᬤᬧᬘᬂᬲᬯᬸᬧ᭄ᬫᬓᬤᬤ᭄ᬯ᭞ᬓᬳ᭄ᬬᬸᬦ᭄ᬲᬂᬧᬵᬃᬣᬚᬦᬶ᭞ᬧᬘᬂᬫᬫᬦ᭄ᬢᬶᬕᬂ᭞ᬳᬶᬤᬪᬝᬵᬭᬰᬶᬯᬵ᭞ᬤᬤᬶᬳᬶᬮᬂᬧᬭᬚᬦᬶ᭞ᬮᬯᬸᬢ᭄ᬓᬧ᭄ᬮᭂᬕᬦ᭄᭞ᬓᬳ᭄ᬬᬸᬦᬾᬲᬂᬓᬶᬭᬶᬝᬶ᭟ᬲᬳᬶᬮᬗᬾᬤ
ᬤᬶᬮᬩᬸᬄᬳᬸᬚᬦ᭄ᬩᬸᬗ᭞ᬚᬬᬚᬬᬫᬋᬗᬶᬦ᭄᭞ᬫᬤᬸᬮᬸᬭᬦ᭄ᬕᭂᬦ᭄ᬢ᭞ᬧᬸᬦᬶᬓᬓᬧᬶᬋᬗᬂ᭞ᬓᬳ᭄ᬬᬸᬦ᭄ᬲᬂᬧᬵᬃᬣᬦᬾᬭᬭᬶᬲ᭄᭞ᬤᬦᬾᬗᬵᬘᬶᬸᬲ᭄ᬣᬯ᭞ᬲᬳᬶᬡ᭄ᬥᬶᬓᬦ᭄ᬜᬲᬫᬶ᭟ᬤᬤᬶᬧ᭄ᬥᬲ᭄ᬦᬶᬓᬵᬲ
ᬗ᭄ᬳ᭄ᬬᬂᬦᬶᬮᬓᬡ᭄ᬝ᭞ᬓᬵᬮᬶᬄᬲᬂᬦᬭᬾᬲ᭄ᬯᬭᬷ᭞ᬫᬢᬾᬚᬤᬸᬫᬶᬮᬄ᭞ᬢᬹᬃᬫᬧ᭄ᬭᬪᬯᬫᬸᬜ᭄ᬘᬃ᭞ᬫᬮᬶᬗ᭄ᬕᬶᬄᬤᬶᬧᬤ᭄ᬫᬫᬡᬶᬓ᭄᭞ᬤᬤᬶᬲᬂᬧᬵᬃᬣ᭞ᬤᬦᬾᬗᬢᬸᬭᬂᬩᬓ᭄ᬢᬶ᭟ᬤᬾᬦᬶᬂᬲᬸᬩᬳᬶᬤᬢ
ᬢᬲ᭄ᬫᬢᬶᬢᬶᬲᬂ᭞ᬭᬶᬂᬦᬶᬮᬵᬓᬡ᭄ᬝᬯ᭄ᬬᬵᬓ᭄ᬢᬶ᭞ᬗᬾᬱ᭄ᬝᬶᬭᬶᬂᬲᬹᬓ᭄ᬱ᭄ᬫ᭞ᬧᬸᬧᬸᬢ᭄ᬭᬶᬂᬧᬓᬳ᭄ᬬᬸᬦᬦ᭄᭞ᬧᬸᬦᬶᬓᬵᬳᬗ᭄ᬕᬾᬦ᭄ᬫᬩᬓ᭄ᬢᬶ᭞ᬲᬓᬶᬂᬲᬹᬓ᭄ᬱ᭄ᬫ᭞ᬳᬢᬸᬭᬾᬲᬶᬦᭀᬫ᭄ᬫᬮᬶᬄ᭟᭜᭟ᬧᬸᬄᬲᬶᬦᭀ
