Kaca:Bali-lontar-paparikan-arjuna-wiwaha-02-300ppi.pdf/20

[᭑᭙ 19B]
᭑᭙
ᬦ᭄᭞ᬫᭂᬢᬸᬭᬶᬂᬳᬚ᭄ᬜᬡᬢᬸᬯᬶ᭞ᬦ᭄ᬢᭀᬫᬫᬸᬦ᭄ᬢᬲᬂ᭞ᬫᬸᬲᬸᬳᬾᬧᬥᬵᬚ᭄ᬭᬶᬄ᭟ᬓᬾᬯᬮᬓᬭᬶᬪᬝᬵᬭᬵᬰᬶᬯᬵᬫᬢᬗ᭄ᬕᬮ᭄᭞ᬧᬕᭂᬄᬢ᭄ᬯᬭᬤᬵᬕᬶᬗ᭄ᬲᬶᬃ᭞ᬤᬤᬶᬧᬢᬸᬗ᭄ᬕᬮᬦ᭄᭞ᬲᬮᬾᬂᬲᬩᬶᬢ᭄ᬫ
ᬬᬸᬤ᭄ᬥ᭞ᬲᬗ᭄ᬳ᭄ᬬᬂᬰᬶᬯᬵᬤᬶᬢᬸᬕ᭄ᬮᬶᬲ᭄᭞ᬭᬭᬶᬲ᭄ᬫᬫᬦᬄ᭞ᬳᬃᬤ᭄ᬥᬘᬦ᭄ᬤ᭄ᬭᬓᬮᬾᬩᬗᬶᬦ᭄᭟ᬤᬾᬦᬶᬂᬲᬬᬂᬳᭂᬦ᭄ᬢᭀᬢ᭄ᬯᬭᬫᬗᭂᬦᬬᬂ᭞ᬳᬧᬦ᭄‌‌ᬓᬭᬸᬲᬓᬂᬕ᭄ᬮᬶᬲ᭄᭞ᬳᬦ᭄ᬢᬸᬓ᭄ᬲᬂᬨᬮ᭄ᬕᬸᬡ᭞ᬳᬶᬤᬪᬝᬵᬭᬰᬶ
ᬯᬵ᭞ᬬᬭᬢᬂᬳᬸᬕᬶᬦᬶᬫ᭄ᬧᬮᬶᬦ᭄᭞ᬭᬭᬶᬲ᭄ᬫᬫᬦᬄ᭞ᬳᬦ᭄ᬢᬸᬓ᭄ᬧᬦᬄᬰᬾᬮᬢᬸᬯᬶ᭟ᬓᬤᬶᬕᬸᬦᬸᬂᬕ᭄ᬤᬾᬦᬾᬓᬪᬶᬦᬪᬶᬦ᭞ᬲᬂᬧᬵᬃᬣᬤᬶᬢᬸᬕ᭄ᬮᬶᬲ᭄᭞ᬫᬤᬩ᭄ᬤᬩ᭄ᬧ᭄ᬭᬬᬢ᭄ᬦ᭞ᬫᬜᬫ᭄ᬩᬸᬢ᭄ᬳᭂᬭᬹᬢ᭠
ᬗ᭄ᬕᬮᬵ᭞ᬧᬗᬶᬕᬶᬯᬚᬵᬫᬳᬶᬗᬶᬤ᭄᭞ᬲᬶᬬᬸᬲᬶᬬ᭄ᬯᬦ᭄᭞ᬓᬤᬶᬫᬾᬭᬸᬓᬳᬓ᭄ᬱᬶ᭟ᬦ᭄ᬢᭀᬫᬧᬧᬲ᭄‌‌ᬧᬦᬄᬧᬥᬵᬫᬕ᭄ᬭᬤᭂᬕᬦ᭄᭞ᬩᬢᬸᬦᬾᬧᬮᭂᬂᬓ᭄ᬢᬶᬓ᭄᭞ᬢ᭄ᬯᬭᬫᬕᬦ᭄ᬢᬸᬮᬦ᭄᭞

[᭒᭐ 20A]
᭒᭐
ᬤᬶᬢ᭄ᬗᬄᬧᬲ᭄ᬬᬢᬦ᭄᭞ᬕᬮᬂᬳᭂᬦᬶᬂᬧᬥᬵᬩ᭄ᬭᬲᬶᬄ᭞ᬢᭀᬓ᭄ᬭᬡᬳᬶᬤ᭞ᬳᬾᬯᭂᬄᬳᬶᬤᬗ᭄ᬭᬯᭀᬲᬶᬦ᭄᭟ᬤᬾᬦᬶᬂᬩᬢᬸᬦᬾᬳᬕᬸᬦᬸᬂᬲᬸᬩᬩ᭄ᬭᬱ᭄ᬝ᭞ᬫᬮᬶᬄᬳᬶᬤᬗᬯᬲ᭄ᬢᬸᬦᬶᬦ᭄᭞ᬧᬘᬂᬫᬧᬸᬮᬶᬳᬂ᭞
ᬕᭂᬮᬶᬲ᭄ᬳᬶᬤᬫᬜ᭄ᬫᬓ᭄᭞ᬕᬕᬶᬢᬶᬓ᭄ᬫᬕᭀᬩᬵᬳᬧᬶ᭞ᬦ᭄ᬢᭀᬦᬾᬫᬸᬳᬸᬦᬂ᭞ᬤᬾᬢ᭄ᬬᬢ᭄ᬭᬶᬧᬹᬭᬗᬹᬦᬶ᭟ᬤᬾᬦᬶᬂᬓᬾᬢᭀᬲᬂᬳᬶᬸᬆᬃᬚ᭄ᬚᬸᬦᬲᬸᬩᬢᬗᬃ᭞ᬗᬭᬤ᭄ᬕᬸᬍᬫᬾᬕ᭄ᬮᬶᬲ᭄᭞ᬫᬤᬸᬮᬸᬭᬦ᭄ᬳᬸᬚᬦ᭄᭞
ᬳᬯᭀᬭᬶᬦ᭄ᬳᬗᬶᬦ᭄ᬬ᭞ᬢᭀᬗ᭄ᬭᬸᬲᬓ᭄ᬳᬧᬶᬦᬾᬕ᭄ᬮᬶᬲ᭄᭞ᬢᬦ᭄ᬧᬕᬦ᭄ᬢᬸᬮᬦ᭄᭞ᬩᬸᬓᬲᭂᬳᭂᬩ᭄‌‌ᬧ᭄ᬭᬚᬦᬶ᭟ᬲᬗ᭄ᬳ᭄ᬬᬂᬰᬶᬯᬵᬳᬶᬭᬶᬓᬫᬧᬶᬡ᭄ᬥᬤᬸᬓ᭞ᬦᬖᬧᬰᬄᬓᬲᬩᬶᬢ᭄᭞ᬫᬵᬯᬓ᭄ᬳᭂᬭᬹᬳᬶᬓ᭞
ᬦᬾᬦᬾᬫᬫᬸᬯᬦᬵᬖ᭞ᬓ᭄ᬭᬸᬭᬵᬕᬮᬓ᭄ᬯᬶᬱ᭄ᬬᬲᬡ᭄ᬥᬶ᭞ᬢᬸᬃᬓᬕᬫ᭄ᬧᬾᬮᬂ᭞ᬘᬮᬶᬗ᭄ᬓᬵ᭠ᬮᬫᬋᬗᬶᬦ᭄᭟ᬭᬭᬶᬲ᭄ᬓᬢᬶᬫ᭄ᬧᬮᬶᬦ᭄ᬳᬦ᭄ᬢᬸᬓ᭄ᬲᬂᬆᬃᬚ᭄ᬚᬸᬦ᭞ᬕᬭᬸᬥᬕᬮᬓ᭄ᬢᬸᬯᬶ᭞ᬧᬸᬦᬶᬓᬓ