Kaca:Bali-lontar-kidung-dampati-lalangon-01-300ppi.pdf/16

[᭑᭕ 15 B]
ᬳᬢᬧ᭄ᬗᭂᬦᬄᬳ᭄ᬮᬸᬲ᭄᭞ᬫᬕᬢ᭄ᬭᬕᬢ᭄ᬭᬫᬢᬸᬮᬶᬲ᭄᭞ᬳᬶᬭᬶᬩ᭄ᬓᬭᬵᬢ᭄ᬰᬵᬲ᭄ᬢ᭄ᬭ᭞ᬢᬫ᭄ᬧᬦ᭄ᬫᬭᬶᬚᬶᬦ᭄ᬜᬦᬾᬮᬶᬬᬸ᭞ᬧᬦ᭄ᬢᭂᬲᬸᬘᬧᬜ᭞ᬓᭂᬤᬶᬲ᭄ᬮᬂᬮᬗᬾᬗᭂᬗ᭄ᬓᬶᬓ᭄᭞ᬫᬫᬸᬜᬶᬧᬲᬮᬾᬂᬢᬶᬫ᭄ᬩᬮ᭄᭞ᬫᬸᬃᬫᬦ᭄ᬤᬃᬣᬬᬂᬧᬲᬶ
ᬳᬾᬫᬢᬸᬃ᭟᭐᭟ᬓᬮᬗᭂᬦ᭄ᬕᬸᬗᬾᬧᬥᬚᬦᬶᬳᬸᬬᬂ᭞ᬫᬧᬶᬦ᭄ᬤᬧᬶᬦ᭄ᬤᬕᬸᬧᬸᬄ᭞ᬧᬸᬥᬓᬾᬦᬾᬮᬸᬳᬸᬂ᭞ᬢᭀᬦ᭄ᬤᬾᬦ᭄ᬫᬬᬂᬧᬕᬸᬮᬶᬦ᭄ᬢᬶᬓ᭄᭞ᬦᬸᬭᬄᬓᬤᬶᬲᬸᬭᬵᬢ᭄᭞ᬳᬢᬸᬃᬧᬓᬶᬭᬶᬫᬶᬕᬸᬦᬸᬂ᭞ᬯᬶᬭᬲᬜᬢᬸᬗ᭄ᬕᬮ᭄᭞ᬳ
ᬫ᭄ᬩᬸᬓ᭄ᬫᬸᬜᬶᬦᬶᬧᬲᬶᬄ᭞ᬢᬫ᭄ᬩᬸᬮᬶᬮᬶᬗᬦᬾᬗᬭᬲ᭄᭞ᬫᬗᬸᬘᬧᬂᬢᬸᬮᬶᬲ᭄ᬧᬗ᭄ᬭᬸᬫ᭄ᬭᬸᬫ᭄᭟᭐᭟ᬫᬚᬮᬭᬦ᭄ᬳᬗᬶᬦᬾᬗᬩᬩᭀᬦ᭄ᬩᬸᬗ᭄ᬳ᭞ᬫᬶᬬᬶᬓ᭄ᬫᬗᬮᬸᬩᬮᬸᬩ᭄᭞ᬫᬦ᭄ᬤᬸᬮᬸᬭᬶᬦ᭄ᬫᬢᬸᬃ᭞ᬭᬶᬂᬤᬦᬾᬲᬂᬫᬓᬭᬰ᭄ᬫᬶᬦ᭄᭞ᬓ
ᬮᬗᭃᬦᬾᬲᬸᬩ᭞ᬭᬲᬜᬫᬗᭀᬜᬂᬳᬢᬸᬃ᭞ᬩᬸᬓᬦᬸᬦᬲᬶᬘ᭞ᬫᬸᬜᬶᬦ᭄ᬜᬦᬾᬗᬲᬶᬳᬲᬶᬄ᭞ᬤᬶᬢᬸᬲᬸᬩᬓᬢ᭄ᬕᬾᬢᬾᬳᬂ᭞ᬩᬳᬦ᭄ᬕᬺᬳᬾᬫᬗᬦ᭄ᬢᬸᬦᬦ᭄ᬢᬸᬦ᭄᭟᭐᭟ᬤᬸᬄᬤᬾᬯᬭᬢᬸᬫᬲ᭄ᬫᬡᬶᬓᬢ᭄ᬫ
[᭑᭖ 16 A]
ᬚᬶᬯ᭞ᬲᬭᬷᬦ᭄ᬭᬲᬦᬾᬕᬧᬸᬮ᭄᭞ᬧᬦ᭄ᬤᬤᬶᬳᬶᬭᬢᬸᬍᬗᬸᬢ᭄᭞ᬢᭀᬂᬩᬓᬢ᭄ᬯᬶᬮᬗᬶᬦ᭄᭞ᬓᬯᬶᬓᬯᬶᬭᬵᬕᬦ᭄᭞ᬫᬗᬗ᭄ᬕᬾᬮᬶᬗ᭄ᬕᬲᬢᬸᬯᬸᬓ᭄᭞ᬳ᭄ᬬᬗᬶᬂᬲ᭄ᬫᬭᬮᬬ᭞ᬫᬶᬮᬶᬮ᭄ᬲᬓᬶᬂᬲᭂᬦᭃᬦᬶᬂᬭᬯᬶ᭞ᬫᬯᬦ
ᬦ᭄ᬧᬥ᭞ᬫᬧᬗ᭄ᬕᬦ᭄ᬢᬦ᭄ᬮᬸᬗ᭄ᬕᬳᬶᬂᬕᬕᬸᬂ᭟᭐᭟ᬦᬾᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬕᬸᬲ᭄ᬢᬶᬤᬶᬫᬺᬘᬧᬤ᭞ᬫᬗ᭄ᬮᬂᬮᬂᬲᬓᬮᬗᬸᬦ᭄᭞ᬤᬸᬭᬸᬲᬂᬓᬾᬭᬢᬸ᭞ᬓᬮᬗᭃᬦᬾᬳᬢᬶᬳᬢᬶ᭞ᬗᬢᬸᬭᬶᬦᬶᬤᬾᬰ᭞ᬳ
ᬧᬂᬕᬸᬲ᭄ᬢᬶᬢᭂᬓᭂᬤ᭄ᬤᬶᬢᬸ᭞ᬧᬸᬦᬶᬓᬢᬾᬘᬶᬗᬓ᭄᭞ᬩᬸᬗᬦᬾᬦᭂᬤᭂᬂᬫᬶᬳᬶᬓ᭄᭞ᬧᬲᬶᬲᬶᬦᬾ᭠ᬲᬫ᭄ᬧᬸᬦᬲᬢ᭄᭞ᬳᬶᬧᬸᬦ᭄ᬯᬦ᭄ᬢᬄᬗᬦ᭄ᬢᭀᬲᬶᬭᬢᬸ᭟᭐᭟ᬧᬲᬗ᭄ᬕ᭄ᬭᬳᬦ᭄ᬕᬸᬲ᭄ᬢᬶᬲᬵᬫ᭄ᬧᬸᬦ᭄ᬫᬘᬯᬶᬲᬦ᭄᭞
ᬢᭂᬧᬶᬦ᭄ᬢᬫᬦᬾᬫᬸᬗ᭄ᬕᬸᬄ᭞ᬲᬃᬯ᭄ᬯᬲᭂᬓᬃᬳᬭᬹᬫ᭄᭞ᬧᬧᬮᬶᬳᬦ᭄ᬩᬢᬸᬃᬲᬭᬷ᭞ᬫᬲᬲᬓᬧᬸᬥᬓ᭄᭞ᬦᬶᬦ᭄ᬤᬓᬫᬓᬶᬜ᭄ᬘᬸᬢ᭄ᬢᬜ᭄ᬚᬸᬂ᭞ᬫᬤᬸᬭᬾᬧᬮᬲ᭞ᬫᬭᬳᬩ᭄ᬲᬸᬗᬾᬗᬾᬓᬸᬦᬶᬂ᭞ᬫᬳᬶᬕᬳᬶ