Kaca:Bali-lontar-kidung-dampati-lalangon-01-300ppi.pdf/15

[᭑᭐ 14 B]
ᬢᬶᬳᬶᬲ᭄᭞ᬲᬸᬫᬗ᭄ᬓᬶᬦ᭄ᬤᬶᬢᬸᬬᬫᭂᬮᬄ᭞ᬓᬓᬭᬗᬦᬾᬚᬫ᭄ᬩᬢ᭄ᬮᬸᬳᬸᬂ᭟᭐᭟ᬉᬗ᭄ᬕᬸᬮᬾᬗᬶᬗ᭄ᬕᬶᬮᬸᬮᬢ᭄ᬧᬥᬫ᭄ᬩᭂᬗᭀᬗᬂ᭞ᬓᬸᬢᬸᬦ᭄ᬓᬳᬗᬾᬮᬶᬬᬸ᭞ᬳᬶᬭᬶᬩ᭄ᬫᬶᬮᬸᬲᬸᬗ᭄ᬲᬸᬢ᭄᭞ᬤᬶᬓᭂᬫ᭄ᬩᭂᬗᭂᬦᬾᬓᬧᭂ
ᬜ᭄ᬘᬶᬮ᭄᭞ᬘᬸᬦ᭄ᬤᬶᬗᬾᬫᬸᬮᬶᬜ᭄ᬘᬂ᭞ᬲᭂᬧᬢᬾᬉᬮᬢ᭄ᬫᬲᬤᬸ᭞ᬫᬗᬘᬸᬳᬂᬳᭀᬃᬣ᭞ᬓ᭄ᬭᬧᬸᬦᬾᬗᬫ᭄ᬩᬂᬕᭂᬲᬶᬢ᭄᭞ᬢᬫ᭄ᬧᬓ᭄ᬥᬭᬦᬾᬗ᭄ᬕᬭᬬᬂ᭞ᬫᬗᭀᬭᬳᬶᬦᭀᬦᭂᬫᬾᬳᬭᬹᬫ᭄᭟᭐᭟ᬳᭀᬫ
ᬗᭀᬫᬗᬾᬧᬮᬶᬂᬫᬗᬮᬶᬄᬳᬫ᭄ᬩᬄ᭞ᬫᬦ᭄ᬤᬤᬶᬧᬢᬶᬧᬲᬸᬓ᭄᭞ᬮᬸᬯᬲ᭄ᬫᬜᬮᬸᬓ᭄ᬱᬸᬓ᭄᭞ᬉᬫᬄᬭᭀᬯᬗᬾᬘᭂᬮᬸᬧᬶᬦ᭄᭞ᬩᬸᬦ᭄ᬢᭂᬓᬾᬫ᭄ᬩᭂᬤᭂᬕᬂ᭞ᬫᬗᬩᬯᬶᬱ᭄ᬬᬦᬾᬮᬶᬬᬸ᭞ᬤᬸᬬᬸᬗᬾᬫᬭᬓᬂ᭞ᬍᬗᬶᬲ᭄ᬜᬦᬾ
ᬧ᭄ᬭᬚᬦᬶ᭞ᬓᬸᬫᬦ᭄ᬤᭂᬮ᭄ᬢᭂᬓᬾᬦ᭄ᬓᬕᬸᬡᬦ᭄᭞ᬫᬲᬶᬄᬤᬦᬾᬢ᭄ᬯᬭᬤᬭᬯᬸᬄ᭟᭐᭟ᬫᬮᬶᬫᬮᬶᬦᬾᬫᬮᬮᬶᬫᬮᬶᬧᭂᬢᬦ᭄᭞ᬧᬘᭂᬫᬶᬓᬶᬩᬶᬲᬸᬲᬸᬮ᭄᭞ᬓᬢ᭄ᬭᬸᬂᬢᬸᬗᬾᬮᬶᬬᬸ᭞ᬩᬸᬮᬸᬦᬾᬫᬗᬺᬲᬂᬳᬢᬶ᭞ᬤᭀᬮᭀ
[᭑᭕ 15 A]
ᬕᬾᬫ᭄ᬩᭂᬮᭀᬕᬂ᭞ᬓᬸᬦᬶᬭᬦᬾᬲᬸᬩᬳᬘᬸᬫ᭄᭞ᬩᬗ᭄ᬲᬳᬾᬫᬲᬄᬲᬄ᭞ᬳᬶᬭᬶᬩ᭄ᬫᬭᬸᬭᬸᬩ᭄ᬧᬸᬢᬶᬄ᭞ᬧᬢᬶᬦᬾᬫᬲᬶᬓᭂᬧ᭄ᬜᬜᬧ᭄᭞ᬩᬸᬓᬗ᭄ᬮᬮᬸᬗᬦ᭄ᬢ᭄ᬬᬂᬫᬗᬫᬸᬓ᭄᭟᭐᭟ᬋᬫᭂᬗᬾᬫᬘᭂᬮᬸᬧ᭄ᬤᬶᬤᭀᬗᬦᬾ
ᬮᬶᬗ᭄ᬕᬄ᭞ᬫᬦᬸᬭᬄᬦᬦᬶᬧᬶᬧᬸᬄ᭞ᬧᭂᬲᬸᬫᬸᬮᬶᬄᬤᬶᬢᬸ᭞ᬕᬸᬮᬸᬂᬕᬸᬮᬸᬗᬾᬗᬶᬮᬶᬤᬶᬦ᭄᭞ᬓᬶᬫᬦᬾᬫᬜᭂᬩᬓ᭄᭞ᬕᬯᭀᬓ᭄ᬓᬧᬾᬗᭂᬦ᭄ᬫᬗ᭄ᬭᬸᬗᬸ᭞ᬳᭀᬃᬣᬦᬾᬳᬶᬧᬗ᭄ᬮᬂ᭞ᬩᬢᬸᬦᬾᬕᬸᬤᬃᬕᬸᬤᬶᬃ᭞ᬕᬫᭂᬢᬾᬫᬶᬮᬸᬜᭂ
ᬤᬶᬳᬂ᭞ᬧᬢᬫ᭄ᬩ᭄ᬬᬲ᭄ᬗᬾᬗᬾᬲᬾᬧᭂᬲᬸ᭟᭐᭟ᬕᬸᬭᬶᬢᬦᬾᬗ᭄ᬕᭂᬫᬶᬤᬶᬢᬸᬫᬗᭂᬲ᭄ᬓᭂᬲᬂ᭞ᬧᭂᬜᬸᬦᬾᬓᭂᬲᬸᬮ᭄ᬓᭂᬲᬸᬮ᭄᭞ᬓᬾᬧᬾᬲᬾᬤᬶᬫᬮᬸ᭞ᬫᬳᬶᬭᬶᬗ᭄ᬩᬸᬓᬗᬸᬮᬧᬶᬦ᭄᭞ᬩᬸᬮᬶᬳᬾᬧᬲᬦ᭄ᬢᬮ᭄᭞ᬩᬸᬮᬸᬦ᭄ᬩᬗ᭄ᬓᬸᬗᬾ
ᬗᬋᬫ᭄ᬩᬸᬦ᭄᭞ᬫᬓᭀᬤᭀᬦ᭄ᬓᭀᬤᭀᬓᬦ᭄᭞ᬢᬸᬦ᭄ᬤᬶᬓᬾᬧᬥᬦᬸᬤᬶᬂ᭞ᬉᬮᬢ᭄ᬢᬾᬢᬾᬄᬫᬢᬸ᭠ᬚ᭄ᬯᬂ᭞ᬉᬗ᭄ᬕ᭄ᬯᬦ᭄ᬤᬦᬾᬦᬾᬮᬗ᭄ᬳᬳᬬᬸ᭟᭐᭟ᬓᬬᬸᬬᬸᬦᬾᬤᬶᬧᬲᬶᬲᬶᬧᬥᬗ᭄ᬕ᭄ᬭᬬᬂ᭞ᬤᬶᬩ᭄ᬬᬲᬾᬧᭂᬢᬓ᭄ᬕᬗ᭄ᬲᬸᬄ᭞