[᭑᭖ 16 B]
ᬕᬘᬫ᭄ᬧᬓ᭞ᬢᬥᬳᬮᬲᬶᬧᬸᬦᬾᬕᬥᬸᬂ᭟᭐᭟ᬳᬗ᭄ᬕ᭄ᬭᬾᬓ᭄ᬕᬭᬶᬗ᭄ᬲᬶᬂᬕᬸᬲ᭄ᬢᬶᬢᬥᬄᬧᬓ᭄ᬱᬶᬦ᭄ᬬᬾᬫᬮᬫ᭄ᬩᬂᬦᬵᬕᬲᬦ᭄ᬢᬸᬦ᭄᭞ᬫᬧᬮᬗ᭄ᬓᬦ᭄ᬢᬸᬜ᭄ᬚᬸᬂ᭞ᬳᬶᬭᬶᬓᬕᬸᬲ᭄ᬢᬶᬫᬮᬶᬗ᭄ᬕᬶᬄ᭞ᬫᬓᬲᬸᬃᬳ
ᬗ᭄ᬰᬡ᭄᭞ᬫᬕᬍᬂᬩᬳᬦ᭄ᬫᭂᬦᬸᬄᬲᬸᬲᬸᬦ᭄᭞ᬫᬮᬗ᭄ᬲᬾᬧᬤᬧ᭞ᬕᬸᬕᬸᬮᬶᬕᬫ᭄ᬩᬶᬭᬗ᭄ᬕᬶᬢ᭄᭞ᬬᬦ᭄ᬕᬸᬲ᭄ᬢᬶᬯᬦᭂᬄᬳᬶᬭᬶᬓ᭞ᬮᬮᬶᬮᬮᬶᬫᬗᬮᬧ᭄ᬲᬦ᭄ᬢᬸᬦ᭄᭟᭐᭟ᬲᭂᬓᬭᬂᬕᬸᬲ᭄ᬢᬶᬫᬗ᭄ᬭᬭᬶᬲ᭄ᬫᬓᬓᬭᬂ᭞
ᬗᬮᬶᬄᬉᬦᭂᬫᬾᬳᬭᬹᬫ᭄᭞ᬧᬘᬂᬳᬗ᭄ᬕᬾᬩᬸᬓᬸᬧ᭄᭞ᬢᬦ᭄ᬓᬤᬶᬭᬾᬂᬭᬾᬗᬾᬩᭂᬘᬶᬓ᭄᭞ᬢᭂᬧᬶᬦᬶᬦ᭄ᬩᬳᬦ᭄ᬫᬵᬲ᭄᭞ᬦᬾᬜᬦ᭄ᬤᬂᬤᬶᬓᬲᬶᬂᬭᬢᬸ᭞ᬩᬗ᭄ᬲᬄᬳᬶᬧᬸᬦ᭄ᬓᬢᬄ᭞ᬳᬗ᭄ᬕᬾᬦ᭄ᬕᬸᬲ᭄ᬢᬶᬗᬲᬢᬶᬦ᭄᭞ᬲᬸᬩᭂᬗᬾᬳᭂᬫ᭄ᬧᭂ
ᬢᭂᬫ᭄ᬧᭂᬢᬦ᭄᭞ᬳᬧᬦᬶᬧᬸᬦ᭄ᬧᬸᬢᬶᬳᬾᬜᬫ᭄ᬧᬸᬄ᭟᭐᭟ᬮᬶᬬᬸᬭᬲᬜᬯᬶᬭᬲᬜᬦᬾᬗᬭᬂ᭞ᬤᬶᬧᬸᬥᬓᬾᬦᬾᬳᬸᬮᬸᬂ᭞ᬧᬕᬸᬮᬶᬦ᭄ᬢᬶᬓ᭄ᬤᬶᬢᬸ᭞ᬩᬋᬗᬶᬦ᭄ᬢᬸᬮᬶᬲ᭄ᬧᬲᬶᬲᬶ᭞ᬕᬺᬳᬾᬗᬸᬘᬧᬂ᭞ᬫᬢ᭄ᬭᬫᬢ᭄ᬭ
[᭑᭗ 17 A]
ᬓᭂᬮᭀᬤ᭄ᬓᬯᬸᬄ᭞ᬫᬳᬶᬭᬶᬩ᭄ᬧᬲᬚᬦ᭄᭞ᬩᬸᬓᬗᬺᬲᭂᬧᬂᬳᬢᬶ᭞ᬲᬗ᭄ᬓᬦᬶᬂᬩᬸᬯᬸᬂᬓᬧᬃᬡ᭄ᬦ᭞ᬓᬮᬍᬗᭂᬦᬾᬲᬸᬩᬫᬗᬬᬸᬄ᭟᭐᭟ᬢ᭄ᬯᬭᬲᬳᬶᬫ᭄ᬩᬂᬢᭂᬓᬾᬦ᭄ᬤᬦᬾᬫᬓᭂᬚᬂ᭞ᬲᬓᬢᭀᬦᬾᬉᬮᬗᬸᬦ᭄᭞
ᬳᬧᬦ᭄ᬜᬦᬾᬳᬧᬸᬲ᭄᭞ᬢᬶᬫ᭄ᬩᬂᬢᬦ᭄ᬤᬶᬂᬕᬸᬮᬶᬕᬸᬮᬶ᭞ᬓᬲᭀᬃᬓᬫᭂᬮᬳᬦ᭄᭞ᬫᬦ᭄ᬤᬤᬶᬤᬦᬾᬫᬗ᭄ᬮᬯᬸᬢ᭄᭞ᬓᬳᬚᬓ᭄ᬫᬚᬮᬦ᭄᭞ᬩᬗᬸᬦ᭄ᬤ᭄ᬤᭂᬫᬓ᭄ᬓᬓᬶᬜ᭄ᬘᬶᬂ᭞ᬳᬶᬩᬕᬸᬲ᭄ᬦᬸᬮᬶᬄᬫᬦ᭄ᬤᬶᬫᬦ᭄᭞ᬗᬭᬲ᭄ᬧᬶᬧᬶᬲᬃ
ᬯ᭄ᬯᬶᬫᬢᬸᬦ᭄ᬢᬸᬦ᭄᭟᭐᭟ᬤᬶᬓᬭᬂᬳᬲ᭄ᬢᬶᬦᬾᬫᬗ᭄ᬮᬬᬶᬦ᭄ᬲᭂᬗ᭄ᬓ᭞ᬕᬺᬤᬸᬂᬳᬫ᭄ᬧᬦᬾᬘᭂᬧᬸᬂ᭞ᬧᬦᬸᬫ᭄ᬩᬸᬓᬦ᭄ᬕᬸᬦᬸᬂ᭞ᬳᭂᬜ᭄ᬚᬸᬗᬾᬗᭂᬜ᭄ᬚᭀᬃᬫᬗ᭄ᬕᬶᬢ᭄ᬕᬶᬢ᭄᭞ᬧᬫ᭄ᬩᬍᬤᬦ᭄ᬲᭂᬮᬂ᭞ᬕᭀᬳᭀᬓ᭄ᬢᭂᬧᬶᬦ᭄ᬜᬦᬾᬘᬗ᭄ᬓ᭄ᬭᬸᬂ᭞ᬥᬍ᭠
ᬫᬧᬶᬢ᭄ᬚᬸᬭᬂ᭞ᬳᬶᬬᬬᬸᬫᬭᬾᬭᬾᬦ᭄ᬦᬸᬮᬶᬄ᭟ᬲᬃᬯ᭄ᬯᬶᬦᬾᬫᬢᬸᬚ᭄ᬯᬂ᭞ᬫᬧᬶᬫᬧᬶᬫᬢᬓᭀᬦ᭄ᬕᬸᬬᬸ᭟᭐᭟ᬧᬸᬦᬧᬶᬧᬸᬦᬶᬓᬩᭂᬮᬶᬦᬾᬦᬾᬲᬯᬢ᭄᭞ᬤᬶᬲᬯᬗᬾᬦᬾᬲᬸᬯᬸᬂ᭞ᬦ᭄ᬤᬲᬃᬩᭂᬦᭂᬄᬓᬯᬸᬄ᭞ᬢᭂ
Kaca:Bali-lontar-kidung-dampati-lalangon-01-300ppi.pdf/17
Kaca puniki sampun kauji-wacén
