[᭘ 8 B]
᭘
ᬦᬾᬮᬯᬸᬢ᭄ᬓᬕᭂᬮᬸᬢ᭄᭞ᬗᬋᬋᬱ᭄ᬗᬮᬯᬦᬶᬦ᭄ᬗᬸᬘᬧ᭄᭞ᬭᬶᬂᬳᬶᬳᬚᬶ᭞ᬕᬸᬲ᭄ᬢᬶᬕᭂᬥᬾᬳᬧᬂᬫᭂᬮᬄ᭟ᬜᬕᬳᭀᬓᬳᭂᬤᬮᬾᬗ᭞ᬉᬭᬸᬓᬂᬬᬲᬓᬾᬂᬳᬮᬶᬢ᭄᭞ᬳᬧᬂᬤᬤᬶᬳᭀᬓᬫᭂᬮᬄ᭞ᬮᬜ᭄ᬚᬸᬢᬂᬫ᭠
ᬫᬦᬸᬦ᭄ᬢᬸᬢ᭄ᬳᬶᬮ᭄ᬫᬸ᭞ᬯᬮᬶᬬᬂᬓᬤᬾᬰᬤᬸᬤ᭞ᬫᬸᬜᬶᬫᬦᬶᬲ᭄᭞ᬇᬩᬸᬦᬾᬫᬳᬂᬳᬶᬲᬭᬢ᭄᭟ᬓᬢᬸᬦ᭄ᬤᬾᬦ᭄ᬳᭀᬓᬦᬾᬧᭂᬲ᭄ᬯᬦ᭄᭞ᬳᬧᬂᬢ᭄ᬯᬭᬓᬘᬶᬗᬓᬶᬦ᭄᭞ᬤᬾᬦᬶᬂᬲᬵᬫ᭄ᬧᬸᬦ᭄ᬧᬳᬶᬗᬦᬦ᭄᭞ᬇᬩᬸᬦᬾᬗ
ᬭᬭᬶᬲ᭄ᬫᬦ᭄ᬢᬸᬓ᭄᭞ᬓᭂᬫ᭄ᬩᬮᬶᬓᬳᬮᬫ᭄ᬩᬓ᭞ᬲᬵᬫ᭄ᬧᬸᬦ᭄ᬕᬦ᭄ᬢᬶ᭞ᬲᬸᬗ᭄ᬓᬦᬾᬓᬮᬗ᭄ᬓᬸᬂᬩᭂᬭᬢ᭄᭟ᬳᬚᬶᬦ᭄ᬮᬦᬂᬩᬶᬗᬸᬂᬧᬶᬲᬦ᭄᭞ᬓᬓᬯᭀᬦᬶᬦ᭄ᬳᬦ᭄ᬢᬸᬓ᭄ᬓ᭄ᬭᬩᬶ᭞ᬤᬾᬦᬶᬂᬧᬲᬩᬢᭂᬓ᭄ᬢᬺᬱ᭄ᬡ᭞ᬲᬂᬳ᭄ᬬᬂᬯᬶᬘᬷᬕᭂᬮᬶᬲ᭠
ᬦ᭄ᬜᬩᬸᬢ᭄᭞ᬩᭂᬗᭀᬂᬩᭂᬗᭀᬂᬧᬭᬭᬕᬦ᭄᭞ᬯᬦ᭄ᬢᬄᬕᬦ᭄ᬢᬶ᭞ᬫᬸᬮᬢᬸᬥᬸᬄᬲᬂᬳ᭄ᬬᬂᬢᬶᬢᬄ᭟᭠ᬳᬯᬶᬦᬦ᭄ᬲᬩᬶᬮᬂᬲᬜ᭄ᬚ᭞ᬳ᭄ᬚᬶᬦ᭄ᬮᬦᬂᬫᬦᭂᬮᭀᬓᬶᬦ᭄᭞ᬢᭀᬗᭀᬲ᭄ᬳᬶᬩᬸᬦᬾᬤᬶᬲᬾᬢᬺ᭞ᬳᬤᬧᬶ
[᭙ 9 A]
ᬗᭂᬢ᭄ᬩᬳᬦ᭄ᬩᬢᬸ᭞ᬮᬦᬂᬳᬃᬣᬬᬩᭂᬮ᭄ᬩᭂᬮᬦ᭄᭞ᬗᭂᬫ᭄ᬩᭂᬂᬢᬗᬶᬲ᭄᭞ᬧᬧᬶᬦᭂᬳᬾᬭᬸᬲᬓ᭄ᬧᬶᬲᬦ᭄᭟ᬫᬾᬫᬾᬢᭂᬕᭂᬄᬫᬗ᭄ᬮᬦ᭄ᬢᬸᬭᬂ᭞ᬳᬯᬦᬦ᭄ᬫᬾᬫᬾᬦᬸᬤᬶᬦᬶ᭞ᬭᬸᬫᬲᬢ᭄ᬲᬸᬩᬫᬜᬫ᭞ᬚᭂᬮᬾᬫᭂᬮᬄᬫᬢᬶᬳᬶ᭠
ᬤᬸᬧ᭄᭞ᬢ᭄ᬯᬭᬫᬾᬫᬾᬧᬘᬂᬢᬸᬮᬓ᭄᭞ᬩᬸᬯᬶᬦ᭄ᬫᬸᬮᬶᬄ᭞ᬓᭂᬫᬓᬓᬭᬂᬲᬶᬮᬸᬫᬦ᭄᭟ᬓᭂᬦᭂᬄᬫᬾᬫᬾᬓᬵᬗᭂᬦ᭄ᬧᬶᬲᬦ᭄᭞ᬗᬮᬳᬶᬦ᭄ᬳᬚᬶᬦᬾᬤᬶᬦᬶ᭞ᬗᭂᬫ᭄ᬧᬸᬮᬦᬂᬧᬭᬕᬬᬦ᭄᭞ᬳᬯᬦᬦ᭄ᬫᬾᬫᬾᬫᬗᭂᬫ᭄ᬧᬸ᭞
ᬳᬚᬶᬦᬾᬲᬤᬶᬦᬮᬸᬯᬲ᭄᭞ᬗᬮᬶᬄᬕᬚᬶᬄ᭞ᬫᬗᬸᬓᬶᬃᬤᬶᬧᬸᬭᬧᬸᬭ᭟ᬲᬲᬸᬩᬦ᭄ᬳᬶᬩᬸᬦᬾᬲᬾᬥ᭞ᬫᬾᬫᬾᬲᬸᬩᬮᬶᬦ᭄ᬢᬂᬫᭂᬮᬶᬤ᭄᭞ᬦᬸᬦ᭄ᬤᬾᬦ᭄ᬳᬚᬶᬫᬭᬩᬶᬬᬦ᭄᭞ᬫᬲᬶᬄᬤᬦᬾᬢ᭄ᬯᬭᬓᬬᬸᬦ᭄᭞ᬗᬦ᭄ᬢᬶᬮᬦᬂᬧᬂᬤᬸ
ᬳᬸᬭᬦ᭄᭞ᬤᬾᬦᬶᬂᬓᬭᬶ᭞ᬇᬩᬸᬦᬾᬦᬸᬓᬳᬾᬮᬶᬗᬂ᭟ᬓᬸᬤᬂᬢᬶᬩᬜ᭄ᬘᬭᬶᬢᬬᬂ᭞ᬫᬾᬫᬾᬗᭂᬫ᭄ᬧᬸᬮᬦᬂᬤᬶᬦᬶ᭞ᬳᬚᬶᬦ᭄ᬮᬦᬂᬢ᭄ᬭᬸᬲ᭄ᬫᬗ᭄ᬓᬸᬯᬦ᭄᭞ᬤᬶᬓᬾᬦ᭄ᬓᬾᬦᬾᬤᬤᬶᬤᬸᬓᬸᬦ᭄᭞ᬓᬮᬶᬄᬗᬸᬭᬸᬓᬂᬅᬕᬫ᭞ᬮᬯᬸ᭠
Kaca:Bali-lontar-geguritan-anggreni-300ppi.pdf/9
Kaca puniki sampun kauji-wacén
