[᭗ 7 B]
᭗
ᬳᬶᬦ᭄ᬳᬦᬓ᭄ᬳᬤᬶᬭᬶ᭞ᬚᬦ᭄ᬫᬤᬸᬤᬢᭂᬩᭂᬂᬓᬦ᭄ᬢᬸᬦ᭄᭞ᬧᬸᬦᬶᬓᬓᬦᬾᬓᬳᬾᬮᬶᬗᬂ᭞ᬫᬳᬯᬶᬦᬦ᭄᭞ᬦᬾᬦ᭄ᬢᭂᬦ᭄ᬫᬗᬾᬢᬗᬶᬦ᭄ᬯᬓ᭄ᬢᬸ᭞ᬧᭂᬢᭂᬂᬍᬫᬄᬗᬫ᭄ᬩᬶᬮ᭄ᬮᬵᬃᬬ᭄ᬬ᭞ᬳᬾᬮᬶᬂᬭᬶᬂᬭᬕᬦᬾᬗᭂᬫ᭄ᬧᬶ᭟ᬢ᭄ᬭᬶᬲᬦ᭄ᬥ᭄ᬬ
ᬦᬾᬓᬢᭂᬢᭂᬧᬂ᭞ᬩᬶᬮᬂᬲᭂᬫᭂᬂᬗᬱ᭄ᬝᬯᬭᬶᬂᬲᬂᬳ᭄ᬬᬂᬯᬶᬥᬷ᭞ᬦᬸᬦᬲ᭄ᬫᬗ᭄ᬤᬳᬶᬤᬳᬲᬸᬂ᭞ᬫᬗᬶᬘ᭄ᬙᬾᬦᬶᬦ᭄ᬧᬗᭂᬃᬢ᭄ᬢᬶᬬᬦ᭄᭞ᬩᬸᬤ᭄ᬥᬶᬲᬢ᭄ᬯᬷ᭞ᬧᬘ᭄ᬘᬬᬫᬶᬯᬄᬭᬶᬂᬲᬸᬚᬸᬤ᭄᭞ᬫ᭄ᬩᬾᬩᬲᬂᬳᬶᬓᬦᬧ᭄ᬲᬸᬯᬦ᭄᭞ᬫᬗ᭄ᬤ
ᬩᭂᬘᬶᬓ᭄ᬓᬤᬶᬭᬶᬳᬶᬦ᭄᭟ᬫᬗ᭄ᬤᬳᬶᬤᬳᬲᬸᬂᬮᬸᬕ᭄ᬭᬳ᭞ᬫᬗᭀᬘ᭄ᬙᬾᬦᬶᬦ᭄ᬓᬩᭂᬘᬶᬓᬦ᭄ᬢᬶᬢ᭄ᬬᬂᬫ᭠ᬗ᭄ᬓᬶᬦ᭄᭞ᬫᬸᬮᬦ᭄ᬤᬦᬾᬲᬓᬶᬂᬢᬸᬳᬸ᭞ᬧᬕᭂᬄᬭᬶᬂᬧᬓᬬᬸᬦᬦ᭄᭞ᬩᬶᬮᬂᬲᭂᬗ᭄ᬕᬂ᭞ᬢᬦ᭄ᬫᬭᬶᬫᬫᬘᬢᬸᬢᬹᬃ᭞ᬫᬶ
ᬦᭂᬳᬶᬦ᭄ᬪᬕᬯᬗᬶᬢ᭞ᬅᬱ᭄ᬝᬲᬰᬦᬾᬢᬦ᭄ᬫᬭᬶ᭟ᬯᬶᬯᬳᬓᬮᬶᬄᬭᬵᬫᬬᬡ᭞ᬫ᭄ᬯᬂᬯᬭᬶᬕᬲᬫᬶ᭠ᬢᬍᬃᬧᬳᬸᬭᬸᬓᬶᬦ᭄᭞ᬲᬫ᭄ᬩᬶᬮᬂᬚᬸᬫᬄᬫᬗᭂᬫ᭄ᬧᬸ᭞ᬳᭀᬓᬦᬾᬮᬂᬲᬦᬸᬗ᭄ᬕᬓ᭄᭞ᬓᬧᬭᬩᬶᬦ᭄᭞ᬤ᭠
[᭘ 8 A]
ᬦᬾᬕᬸᬲ᭄ᬢᬶᬅᬃᬣᬢᬸᬳᬸ᭞ᬤᬦᬾᬩᭂᬗᭀᬂᬧᬭᬕᬬᬦ᭄᭞ᬭᬶᬂᬩᬢᬦ᭄ᬯᬶᬢ᭄ᬦᬵᬕᬲᬭᬶ᭟᭚᭜᭚ᬧᬸᬄᬕᬶᬦᬤ᭚᭜᭚ᬫᬾᬦ᭄ᬢᭂᬕᭂᬄᬚᬦᬶᬢᬸᬢᬸᬭᬂ᭞ᬢᭂᬓᬾᬦ᭄ᬓᬢᬢ᭄ᬯᬦᬾᬭᬶᬬᬶᬦ᭄᭞ᬫᭂᬍᬤ᭄ᬢᬶᬢᬶᬬᬂᬳ᭠
ᬧᬂᬢᬢᬲ᭄᭞ᬧᬫᬃᬕ᭄ᬕᬶᬦ᭄ᬳᬚᬶᬫ᭄ᬯᬂᬇᬩᬸ᭞ᬫᬾᬦ᭄ᬢᭂᬕᭂᬄᬮᬯᬸᬢ᭄ᬦᬸᬢᬸᬭᬂ᭞ᬲᬧᬸᬦᬶᬓᬶ᭞ᬫᬗ᭄ᬤᬮᬦᬂᬢᬢᬲ᭄ᬯᬶᬓᬦ᭄᭟ᬤᬸᬓ᭄ᬧᬸᬦᬶᬓᬫᬲᬦ᭄ᬲᬬᬄ᭞ᬮᬦᬂᬓᬦ᭄ᬢᬸᬦ᭄ᬩᬗᭂᬢ᭄ᬳᬮᬶᬢ᭄᭞ᬓᬭᬶᬫᬕᬳᬂᬭᬶᬂᬢᬦᬄ᭞᭠
ᬢᬶᬢᬶᬬᬂᬦᭂᬕᬓ᭄ᬱᬫ᭄ᬧᬶᬂᬇᬩᬸ᭞ᬲᬫ᭄ᬩᬶᬮ᭄ᬫᬓᬚᭂᬗᬶᬦ᭄ᬮᬦᬂ᭞ᬮᬗ᭄ᬓᬸᬂᬓᬶᬭᬶᬲ᭄᭞ᬇᬩᬸᬦᬾᬲᬸᬗ᭄ᬓᬦᬾᬭᬳᬢ᭄᭟ᬮᬶᬦ᭄ᬢᬂᬲᬸᬗ᭄ᬲᬸᬢ᭄ᬧᬘᬂᬲᬾᬥ᭞ᬫᬗᬮᬶᬳᬶᬦ᭄ᬳᭀᬓᬳᬮᬶᬢ᭄᭞ᬳᬚᬶᬦ᭄ᬮᬦᬂᬍᬩᬶᬄᬢᬺᬱ᭄ᬡ᭞᭠
ᬗᭂᬮᬶᬂᬤᬶᬕᬍᬗᬾᬩᭂᬓᬸᬢ᭄᭞ᬫᬾᬫᬾᬫᬜᬧ᭄ᬘᬧ᭄ᬬᬾᬄᬫᬢ᭞ᬫᬗᭂᬦᭂᬳᬶᬦ᭄᭞ᬘᭂᬦᬶᬂᬘᭂᬦᬶᬓ᭄ᬓᬢᬶᬗ᭄ᬕᬮᬦ᭄᭟ᬇᬩᬸᬦᬾᬭᬭᬶᬲ᭄ᬳᬗᬸᬘᬧ᭄᭞ᬦ᭄ᬤᬶᬓᬳᬶᬦ᭄ᬳᬶᬬᬳᬶᬘᭂᬦᬶᬂ᭞ᬧᬳᭂᬓᬂᬫᬭᬶᬓᬶᬳᬚᬓ᭄᭞ᬭᬭᬾ
Kaca:Bali-lontar-geguritan-anggreni-300ppi.pdf/8
Kaca puniki sampun kauji-wacén
