[᭙ 9 B]
᭙
ᬢᬦᬶ᭞ᬓᬧᬶᬮᬶᬄᬓᭂᬮᬶᬬᬦ᭄ᬤᬾᬰ᭟ᬳᬚᬶᬦᬾᬫᬳᬦ᭄ᬦᬸᬢᬸᬭᬂ᭞ᬗᬓᬸᬳᬰᬲᬶᬩᬓ᭄ᬫᬳᬢᬶ᭞ᬩᬶᬦ᭄ᬳᬲᬶᬩᬓ᭄ᬲᬸᬩᬫᬢᬶᬗ᭄ᬕᬮ᭄᭞ᬇᬩᬸᬦᬾᬫᬗᬩᬮᬫ᭄ᬧᬸᬲ᭄᭞ᬳᬯᬦᬦ᭄ᬧᬶᬂᬓᬸᬤᬢᭂᬓ᭞ᬳᬤᬢᬸᬮᬶᬲ᭄᭞ᬉ
ᬮᬶᬩᬮᬶᬫᬶᬲᭂᬋᬗᬂ᭟ᬭᬱᬳᬶᬬᬶᬲ᭄ᬩᬳᬦ᭄ᬳᭂᬗᬤ᭄᭞ᬓᭂᬦᭂᬳᬾᬲᬢᬸᬗ᭄ᬕᬮ᭄ᬳᬾᬮᬶᬂ᭞ᬭᬱᬗᭂᬦᬄᬪᬸᬓᬶᬢ᭄ᬓᭂᬮᬩ᭄᭞ᬓᬲᬦ᭄ᬥᬶᬂᬩᬵᬦ᭄ᬕᬸᬦᬸᬗᬕᬸᬂ᭞ᬦᬵᬗ᭄ᬳᬶᬂᬓᬬᬸᬦᬾᬢᬦ᭄ᬭᭀᬩᬄ᭞ᬓᬭᬶᬫᬾᬮᬶᬂ᭞ᬇᬮᬦ᭄ᬮᬦᬂᬢᭀ
ᬦ᭄ᬤᬾᬦ᭄ᬧ᭄ᬭᬕᬢ᭄᭟ᬳᭂᬦ᭄ᬢᭀᬓ᭄ᬭᬡᬫᬗᬯᬦᬂ᭞ᬢᬸᬲᬶᬂᬓᬬᬸᬦ᭄ᬢᬸᬮᬓ᭄ᬫᬮᬶᬄ᭞ᬧᬘᬂᬫᬯᬮᬶᬓᬤᬸᬤ᭞ᬤᭂᬧᬂᬤᬶᬦᬶᬲᬸᬩᬮᬫ᭄ᬧᬸᬲ᭄᭞ᬤᬾᬦᬶᬂᬲᬸᬩᬓᭂᬥᭂᬂᬢᬶᬢᬄ᭞ᬢᬶᬢᬶᬬᬂᬢᬶᬡ᭄ᬥᬶᬄ᭞ᬲᬫ᭄ᬩᬶᬮ᭄ᬤᬦᬾᬗᭂᬫ᭄ᬧᬸᬮᬦᬂ᭟᭠
ᬓᬓᬮᬶᬄᬧᬶᬦᬓᬢᬫ᭄ᬩ᭞ᬓᬧᭂᬃᬢᬫᬫᬫ᭄ᬩᬯᭀᬲᬶᬦ᭄᭞ᬥᬃᬫ᭄ᬫᬰᬵᬲ᭄ᬢ᭄ᬭᬫ᭄ᬯᬂᬢ᭄ᬭᬶᬲᬦ᭄ᬥ᭄ᬬ᭞ᬓᬧᬶᬂᬓᬮᬶᬄᬬᬳᬗᭂᬫ᭄ᬧᬸ᭞ᬲᬫ᭄ᬩᬶᬮ᭄ᬤᬦᬾᬫᬢᬢᭂᬫ᭄ᬩᬗᬦ᭄᭞ᬅᬤᬶᬫᬢᬶ᭞ᬯᬃᬡ᭄ᬦᬦ᭄ᬳᬤᬶᬦᬸᬫᬭᬯᬢ᭄᭟ᬫᬶᬭᬶᬩ᭄ᬲᬸᬩᬕᬦ᭄ᬢᬶ
[᭑᭐ 10 A]
ᬢᬶᬢᬄ᭞ᬚᬜ᭄ᬚᬶᬧᬘᬂᬫᬗᬯᭀᬦᬶᬦ᭄᭞ᬢ᭄ᬯᬭᬓᬶᬘ᭄ᬙᬾᬦ᭄ᬫᬦᬸᬢᬸᬕᬂ᭞ᬳᬧᬂᬓᬦ᭄ᬢᬶᬮᬦᬂᬤᬸᬳᬸᬃ᭞ᬮᬯᬸᬢ᭄ᬮᬦᬂᬓᬢᬶᬗ᭄ᬕᬮᬦ᭄᭞ᬳᭂᬦᬸᬘᭂᬦᬶᬓ᭄᭞ᬲᭂᬥᭂᬂᬤᭂᬫᭂᬦ᭄ᬫᬧᬮᬮ᭄ᬬᬦᬦ᭄᭟ᬧᬵᬢᬹᬢᬾᬓᭂᬜ᭄ᬚᭂᬓᬦ᭄ᬮᬾᬤᬂ᭞
ᬮᬫᬸᬦ᭄ᬮᬦᬂᬫᬩᬦ᭄ᬢᬸᬯᬶᬦ᭄᭞ᬓᬮᬾᬤᬗᬦ᭄ᬳᬚᬶᬩᬶᬬᬂ᭞ᬳᬶᬩᬶᬬᬂᬭᬶᬂᬳᬶᬦᬦ᭄ᬫᬦ᭄ᬢᬸᬓ᭄᭞ᬓᬭᬶᬳ᭠ᬚᬶᬦᬾᬗᬭᬕ᭞ᬯᬦ᭄ᬢᬄᬕᬦ᭄ᬢᬶ᭞ᬳᬚᬶᬦ᭄ᬮᬦᬂᬫᬲᬶᬄᬲᬾᬥ᭟ᬲᬾᬥᬦ᭄ᬳᬚᬶᬦᬾᬉᬧᬫ᭞ᬲᬓᬤᬶᬫᬫ᭄ᬧᬄᬓ᭠
ᬓᬮᬗᬶᬢ᭄᭞ᬤᬾᬦᬶᬂᬢ᭄ᬯᬭᬫ᭄ᬭᬯᬢ᭄ᬫᬢ᭄ᬣ᭞ᬭᬶᬓᬵᬮᬢᭂᬗᬳᬶᬂᬤᬮᬸ᭞ᬅᬗ᭄ᬕᬃᬓᬲᬶᬄᬫᬥᬗ᭄ᬲᬶᬬ᭞ᬤᬦᬾᬬᬵᬚᬶ᭞ᬫᬲᬶᬮᬫᬢ᭄ᬭᬶᬲᬦ᭄ᬥ᭄ᬬ᭟ᬦᬸᬦᬲᬂᬲᬮ᭄ᬯᬶᬭᬶᬂᬤᭀᬱ᭞ᬫᬗ᭄ᬤᬓᬩᬾᬩᬲᬂᬲᬫᬶ᭞ᬳᬦ᭄ᬢᬸᬓ᭄ᬲᬂᬳ᭄ᬬᬂ
ᬯᬶᬥᬷᬯᬰ᭞ᬳᬶᬬᬚᬶᬫᬗ᭄ᬭᬭᬶᬲ᭄ᬫᬦ᭄ᬢᬸᬓ᭄᭞ᬮᬦᬂᬫᬦᬗᬶᬲ᭄ᬫᬕᬸᬬᬂ᭞ᬫᬗᬯᬸᬓᬶᬦ᭄᭞ᬳᬚᬶᬳᬚᬶᬲᬸᬩᬲᬾᬥ᭟ᬓᬮᬶᬄᬲᬸᬩᬗᬩᬸᬮᬦᬂ᭞ᬲᬢᭀᬦ᭄ᬤᬾᬦ᭄ᬳᬶᬬᬚᬶᬗᬮᬳᬶᬦ᭄᭞ᬫᬶᬭᬶᬩ᭄ᬲᬸᬩᬤᬦᬾᬯᬶᬓᬦ᭄᭞ᬭᬶᬂ
Kaca:Bali-lontar-geguritan-anggreni-300ppi.pdf/10
Kaca puniki sampun kauji-wacén
