[᭑᭐ 10 B]
᭑᭐
ᬕᬦ᭄ᬢᬶᬦᬾᬧᬘᬂᬮᬫ᭄ᬧᬸᬲ᭄᭞ᬩᬸᬯᬶᬦ᭄ᬳᬤᬧᬩᭂᬲᭂᬦ᭞ᬬᬾᬦ᭄ᬩᭂᬮᬶᬫᬢᬶ᭞ᬮᬦᬂᬅᬃᬣᬜᬳᬶᬗᬚᬓ᭄᭟ᬓᬮᬶᬄᬩᭂᬮᬶᬲᬶᬂᬗᭂᬮᬄᬳᬧ᭞ᬲᬶᬦᬄᬜᬳᬶᬧᬘᬂᬲᬓᬶᬢ᭄᭞ᬗᬶᬢᬸᬗᬂᬲᬗᬶᬦ᭄ᬳᬶᬮᬦᬂ᭞ᬫᬾᬫᬾ᭠
ᬤᬶᬢᬸᬮᬯᬢ᭄ᬫᬵᬢᬹᬃ᭞ᬲᬵᬫ᭄ᬧᬸᬦ᭄ᬫᬮᬶᬄᬫᬫᬜ᭄ᬚᬗᬂ᭞ᬦᬧᬶᬧᬗ᭄ᬕᬶᬄ᭞ᬧᬸᬦᬶᬓᬳᬢᬹᬭᬶᬦ᭄ᬢᬶᬢᬶᬬᬂ᭟ᬭᬶᬲᭂᬥᭂᬓ᭄ᬗᬮᬶᬗ᭄ᬲᬶᬭᬂ᭞ᬫᬾᬫᬾᬮᬯᬸᬢ᭄ᬓᬦ᭄ᬤᬶᬓᬳᬶᬦ᭄᭞ᬓᬳᬶᬘ᭄ᬙᬾᬦ᭄ᬲᭂᬋᬕ᭄ᬫᬓᭂᬚᬂ᭞ᬫᬗᬦ᭄ᬤᬶᬓᬫᭂᬫᭂ
ᬅᬮᬸᬲ᭄᭞ᬉᬮᬶᬚᬦᬶᬩᭂᬮᬶᬜᭂᬭᬳᬂ᭞ᬢᭂᬓᭂᬳᬾᬦ᭄ᬜᬳᬶ᭞ᬲᬳᬤᬦᬾᬬᬫᬓᭂᬚᬂ᭟ᬳᭂᬦᬾᬲᭂᬋᬕ᭄ᬜᬳᬶᬗᬩ᭞ᬳᭂᬦᬾᬳᬦᬾᬲᭂᬋᬕ᭄ᬧᬸᬢᬶᬄ᭞ᬧᬳᬶᬗᭂᬢ᭄ᬩᭂᬮᬶᬤᬶᬗᭂᬳᬂ᭞ᬢᭂᬗᬄᬍᬫᬭᬶᬦᬾᬤᬶᬢᬸ᭞᭠
ᬳᬤᬧᭂᬢᬶᬘᭂᬦᬶᬓ᭄ᬧᬶᬲᬦ᭄᭞ᬤᬫᬮᬶᬳᬶᬦ᭄᭞ᬲᬢᭀᬦ᭄ᬤᬾᬦ᭄ᬩᭂᬮᬶᬦᬾᬧᭂᬚᬄ᭟ᬲᬸᬩᬳᬚᬶᬦ᭄ᬮᬦᬂᬲᬾᬤ᭞ᬫᬭᬫᬾᬫᬾᬫᬫᬮᬶᬳᬶᬦ᭄᭞ᬢᭂᬗᬄᬧᭂᬢᬶᬳᬤᬲᬸᬭᬵᬢ᭄᭞ᬰᬵᬲ᭄ᬢ᭄ᬭᬩᬮᬶᬤᬶᬢᬸᬫᬸᬗ᭄ᬕᬄ᭞᭠
[᭑᭑ 11 A]
ᬮᬦᬂᬅᬃᬣᬳᭂᬫ᭄ᬧᬸᬫᭂᬮᬳᬂ᭞ᬓᬬᬂᬓᭂᬮᬶᬄ᭞ᬳᬫᭀᬦ᭄ᬢᭀᬢ᭄ᬯᬄᬤᬕᬶᬂᬲᬸᬭᬵᬢ᭄᭟ᬩᬢᬦ᭄ᬢᬸᬮᬶᬲ᭄ᬳᬤᬚᬶᬦᬄ᭞ᬧᬾᬭᬓ᭄ᬯᬦ᭄ᬢᬄᬲᬶᬬᬸᬭᬶᬗ᭄ᬕᬶᬢ᭄᭞ᬳᭂᬦ᭄ᬢᭀᬬᬳᬗ᭄ᬕᭀᬦ᭄ᬓᬫᬸᬮᬦ᭄᭞ᬫᬲᬓᭀᬮᬄᬫᬶ
ᬯᬄᬥᬗᬸ᭞ᬓᬦ᭄ᬢᬶᬮᬦᬂᬚᬦᬶᬢ᭄ᬭᬸᬡ᭞ᬦᬾᬦᬾᬚᬦᬶ᭞ᬫᬾᬫᬾᬧᬘᬂᬫᬗᬾᬤᬾᬗᬂ᭟ᬲᬵᬫ᭄ᬧᬸᬦ᭄ᬯᬸᬲᬦ᭄ᬫᬢᬸᬢᬸᬭᬦ᭄᭞ᬧᭂᬢᬶᬦᬾᬭᬭᬶᬲ᭄ᬓᬳᬫ᭄ᬩᬶᬮ᭄᭞ᬧᭂᬦᬸᬄᬬᬫᬤᬕᬶᬂᬚᬶᬦᬄ᭞ᬓᬮᬶᬄᬢᬮᬶᬫᬶᬦᬩ᭄ᬭᬗ᭄ᬓᬸᬂ
᭞ᬲᬓᬶᬂᬩᬢᬶᬦᬾᬫᬵᬤᭀᬮᬦ᭄᭞ᬗᬯᭂᬯᭂᬳᬶᬦ᭄᭞ᬮᬦᬂᬅᬃᬣᬭᬭᬶᬲ᭄ᬗᬸᬘᬧ᭄᭟ᬓᬶᬃᬢ᭄ᬢᬶᬦ᭄ᬫᬾᬫᬾᬧᬕᭂᬄᬧᬶᬲᬦ᭄᭞ᬗᭂᬫ᭄ᬧᬸᬢᬶᬢᬶᬬᬂᬲᬓᬶᬂᬳᬮᬶᬢ᭄᭞ᬦᬧᬶᬳᬗ᭄ᬕᬾᬦ᭄ᬗᬯᬍᬲᬂ᭞ᬫᬤᬓ᭄ᬲ᭄ᬯᬾᬘ᭄ᬙᬲᬂᬳ᭄ᬬᬂᬢᬸᬥᬸᬄ
᭞ᬫᬗ᭄ᬤᬫᬾᬫᬾᬓᬶᬘ᭄ᬙᬾᬦ᭄ᬲᬤ᭄ᬬᬓᬲ᭄ᬯᬾᬘ᭄ᬙᬦᬶᬦ᭄᭞ᬫᬾᬫᬾᬢᭂᬕᭂᬄᬲᬳᬸᬃᬩᬦ᭄ᬩᬦ᭄᭟ᬫᬾᬫᬾᬗᬶᬤᬶᬄᬢᭂᬓᬾᬦ᭄ᬮᬦᬂ᭞ᬳᬧᬂᬮᬦᬂᬧᬕᭂᬄᬳᬾᬮᬶᬂ᭞ᬬᬾᬦᬶᬂᬫᬾᬫᬾᬲᬸᬩᬧᭂᬚᬄ᭞ᬩᬋᬗᬂᬫᬾᬫᬾᬢᬦᭂᬫ᭄ᬤᬶ
Kaca:Bali-lontar-geguritan-anggreni-300ppi.pdf/11
Kaca puniki sampun kauji-wacén
