[᭗᭕ 75 B]
᭗᭕
ᬤᬾᬦᬶᬂᬯᬾᬦ᭄ᬢᭂᬦ᭄ᬧᬶᬦ᭄ᬢᬸ᭞ᬧᬶᬦ᭄ᬢᬸᬕᭂᬃᬩᬂᬧᭂᬗ᭄ᬳᬭᬧᬦ᭄᭞ᬬᬦ᭄ᬢᭂᬃᬩᬸᬓᬓ᭄᭞ᬦᬾᬫᬗ᭄ᬓᬶᬦ᭄ᬧᬶᬦᬄᬫᬓᬜ᭄ᬘᬶᬂ᭞ᬫᬶᬭᬶᬩ᭄ᬢᭀᬂᬫᬮᬶᬄᬫᬩᬸᬓᬓ᭄᭟ᬯ᭄ᬬᬓ᭄ᬢᬶᬧᬶᬲᬦ᭄ᬳᬤᬶᬳᬬᬸᬳᬗ᭄ᬭᬾᬡᬶ᭞ᬓᬤᬶᬢᬶᬢᬶᬬᬂ᭞ᬫᬚᬸ
ᬚᬸᬓ᭄ᬗᬦ᭄ᬢᭀᬲᬂ᭞ᬭᬶᬗ᭄ᬳᬋᬧ᭄ᬧᬶᬦ᭄ᬢᬸᬕᭂᬃᬩᬗᬾ᭞ᬧᬶᬂᬓᬮᬶᬄᬳᬭᬧᬦ᭄ᬧᬸᬧᬸᬲ᭄᭞ᬬᬦᬶᬂᬬᬦᬶᬂᬳᬸᬚᬦ᭄ᬢᬶ᭠ᬢᬶᬬᬂᬍᬘᬶᬂ᭞ᬬᬦᬶᬂᬓᭂᬩᬸᬲ᭄ᬓᬧᬦᬲᬦ᭄᭞ᬚᭂᬩᬕ᭄ᬮᬗ᭄ᬓᬸᬂᬲᬸᬯᬸᬂ᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬜ᭄ᬚᬦ᭄ᬫᬫᭂᬦ᭄ᬢᬲ᭄᭞ᬉᬧᬫ
ᬬᬂ᭞ᬲᬓᬤᬶᬳᬶᬢᬥᬳᬲᬶᬄ᭞ᬫᬗᬢᬶᬳᬢᬶᬳᬶᬩᬸᬮᬦ᭄᭟ᬫᬗᬦᬹᬢᬂᬬᬦ᭄ᬢᬶᬢᬶᬬᬂᬫᬃᬡ᭄ᬦᬭᬶᬳᬶᬦ᭄᭞ᬬᬦᬶᬂᬧᬮᬲ᭄᭞ᬲᬶᬮᬶᬄᬢᬸᬗ᭄ᬕᬶᬮ᭄ᬧᭂᬚᬄ᭞ᬯᬳᬸᬜᬶᬤ᭄ᬥᬬᬂᬧᬮᬲᬾ᭞ᬲᬦᬾᬫᬗ᭄ᬓᬶᬦ᭄ᬓᬭᬶᬳᬶᬤᬸ᭠
ᬧ᭄᭞ᬢᭀᬂᬢᬸᬫ᭄ᬩᬸᬄᬳᬸᬩᬦ᭄ᬳᬓᬢᬶᬄ᭞ᬳᬮᬫᬦ᭄ᬤᬸᬭᬸᬂᬩᭂᬭᭀᬩᬄ᭞ᬤᬤᭀᬲ᭄ᬲᬵᬫ᭄ᬧᬸᬦ᭄ᬮᬸᬦ᭄ᬢᬸᬃ᭞ᬩᭂᬭᭀᬩᬄᬓᬮᬶᬄᬢᭀᬗᬤ᭞ᬫᬗ᭄ᬮᬚᭂᬭᬂ᭞ᬓᬮᬶᬄᬧᬘᬂᬗᭂᬢᭂᬗᬳᬶᬦ᭄᭞ᬧᬸᬦᬧᬶᬓᬾᬲᬶᬲᬶᬧ᭄ᬢᬶᬢᬶ᭠
[᭗᭖ 76 A]
ᬬᬂ᭟ᬬᬾᬦ᭄ᬧᬸᬦᬶᬓᬫᬗᬯᬦᬂᬳᬤᬶᬕᭂᬮᬶᬲ᭄ᬧᬶᬲᬦ᭄᭞ᬮᬮᬶᬢᭂᬓᬾᬦ᭄ᬢᬶᬢᬶᬬᬂ᭞ᬫᬗᬧᬸᬲ᭄ᬲᬓᬾᬂᬓᬬᬸᬦᬾ᭞ᬉᬥᬹᬳᬤᬶᬬᬦᬶᬂᬢᬸᬳᬸ᭞ᬤᬸᬭᬸᬂᬯᬾᬦ᭄ᬢᭂᬦ᭄ᬦᬾᬜᬳᬶᬳᬶᬦ᭄᭞ᬚᬢᬸᬘᬶᬦ᭄ᬢᬓᬲ᭄ᬫᬭ᭠
ᬦ᭄᭞ᬢᬶᬢᬶᬬᬂᬘᬶᬦ᭄ᬢᬢᬸᬮᬸᬲ᭄᭞ᬳᬶᬡ᭄ᬥᬬᬂᬳᬤᬶᬧᬸᬗ᭄ᬓᬸᬭᬦ᭄᭞ᬫᬗ᭄ᬭᬱᬬᬂ᭞ᬢᬦ᭄ᬧᭀᬮᬶᬄᬳᬤᬶᬫᬗᬮᬶᬄ᭞ᬘᬶᬦ᭄ᬢᬰᬸᬘᬶᬓᬤᬶᬢᬶᬢᬶᬬᬂ᭟ᬬᬦ᭄ᬭᬱᬬᬂᬤᭂᬫᬃᬦᬾᬭᬶᬂᬳᬤᬶ᭞ᬮᬗ᭄ᬓᬸᬂᬩᭂᬭᬢ᭄᭞ᬧᬸᬦᬶ
ᬓᬫᬵᬯᬶᬦᬦ᭄᭞ᬯᬦ᭄ᬢᬄᬓᬓᬮᬶᬄᬲᬳᬶᬳᬾ᭞ᬳᬲᬶᬓᬶᬭᬶᬂᬲᬂᬳ᭄ᬬᬂᬢᬸᬥᬸᬄ᭞ᬦᬾᬳᬲᬶᬓᬶᬯᬦ᭄ᬢᬄᬫᬢᬶ᭞ᬤᬸᬭᬸᬂᬧᬶᬲᬦ᭄ᬦᬳᭂᬦ᭄ᬢᭂᬮᬤ᭄᭞ᬦᬫᬦᬾᬫᬲᭂᬩᬸᬢ᭄᭞ᬤᬸᬭᬸᬂᬦᬳᭂᬦ᭄ᬢᬶᬢᬶᬬᬂᬳᬶᬯᬮ᭄᭞ᬲᬧ᭠
ᬫ᭄ᬭᬾᬦ᭄ᬢᬄ᭞ᬢᬶᬢᬶᬬᬂᬲᬤ᭄ᬬᬫᬦᬹᬢᬸᬢᬶᬦ᭄᭞ᬲᬓᬮᬫᬶᬯᬄᬦᬶᬱ᭄ᬓᬵᬮ᭟ᬢᬶᬢᬶᬬᬂᬦᬸᬚᬸᬫᬦᬸᬮᬾᬗᬾᬓ᭄ᬮᬗᬶᬢ᭄᭞ᬲᬕᬾᬢ᭄ᬗᭂᬦᬄ᭞ᬳᬤᬶᬫᬭᬯᬢ᭄ᬭᬯᬢ᭄᭞ᬬᬦᬸᬚᬸᬲᬸᬭᬸᬧ᭄ᬲᬹᬃᬬ᭄ᬬᬦᬾ᭞ᬯᬃᬡ᭄ᬦᬦ᭄ᬳᬤᬶᬗᭂ
Kaca:Bali-lontar-geguritan-anggreni-300ppi.pdf/76
Kaca puniki sampun kauji-wacén
