[᭗᭖ 76 B]
᭗᭖
ᬦᬄᬤᬶᬢᬸ᭞ᬬᬦᬶᬂᬓᬸᬓᬸᬭᬾᬫᬫᬸᬜᬶ᭞ᬫᬶᬭᬶᬩ᭄ᬫᬶᬮᬸᬫᬗ᭄ᬭᬱᬲᬂ᭞ᬫᬸᬜᬶᬦ᭄ᬳᬤᬶᬤᬶᬢᬸ᭞ᬬᬦᬶᬂᬢᬶᬢᬶᬬᬂᬫᬗᭂᬢᬸᬲ᭄ᬩᬸᬗ᭄ᬕ᭞ᬲᬦᬾᬓᭂᬫ᭄ᬩᬂ᭞ᬫᬶᬭᬶᬩ᭄ᬳᬤᬶᬫᬜᬸᬲᬸᬧᬶᬦ᭄᭞ᬳᬬᬸᬦᬾᬗᭂᬩᭂᬓᬶᬜ᭄ᬚᬕ᭠
ᬢ᭄᭟ᬲᬢ᭄ᬯᬮᬸᬬᬳᬤᬶᬗᬶᬘ᭄ᬙᬾᬦ᭄ᬳᬸᬭᬶᬧ᭄᭞ᬭᬱᬬᬂᬢᬶᬢᬶᬬᬂ᭞ᬩᭂᬭᬢ᭄ᬗᬫᬦᬳᬂ᭞ᬢᬦ᭄ᬲᬾᬯᭀᬲ᭄ᬲ᭄ᬯᬾᬘ᭄ᬙᬦ᭄ᬳᬤᬶᬦᬾ᭞ᬲᬦᬾᬄᬢᬶᬢᬶᬬᬂᬧᬘᬂᬮᬫ᭄ᬧᬸᬲ᭄᭞ᬬᬦ᭄ᬢᬦ᭄ᬫᬢᭂᬫᬸᬭᬶᬂᬳᬤᬶ᭞ᬤᬾ
ᬦᬶᬂᬲᬵᬫ᭄ᬧᬸᬦ᭄ᬢᭂᬭᬂᬧᬶᬲᬦ᭄᭞ᬳᬤᬶᬲᬵᬫ᭄ᬧᬸᬦ᭄ᬲᬗ᭄ᬕᬸᬧ᭄᭞ᬳᬶᬘ᭄ᬙᬾᬦ᭄ᬢᬶᬢᬶᬬᬂᬧᬗᬼᬕᬦ᭄ᬫᬦᬄ᭞ᬤᭀᬂᬧᬤᬍᬫ᭄᭞ᬢᭀᬬᬦ᭄ᬫᬢᬫᭂᬫ᭄ᬩᬄᬲᬳᬶ᭞ᬳᬢᬶᬦ᭄ᬢᬶᬢᬶᬬᬂᬢᭂᬮᬲ᭄ᬳᭂᬜᬕ᭄᭟ᬬᬦ᭄ᬫᬗᬮᬶᬄᬢ᭄ᬭᬸᬡ
ᬩᬕᬸᬲ᭄ᬕᭂᬜ᭄ᬚᬶᬂ᭞ᬮᬶᬦ᭄ᬢᬂᬕᬫ᭄ᬧᬂ᭞ᬓᬮᬶᬄᬬᬦ᭄ᬫᭂᬃᬮᬸᬯᬂ᭞ᬳᬦᬓ᭄ᬲᬸᬕᬶᬄᬤᬶᬕᬸᬫᬶᬦᬾ᭞ᬦᬵᬗ᭄ᬳᬶᬂᬬᬦ᭄ᬳᬤᬶᬫᬗ᭄ᬭᬸᬭᬸᬄ᭞ᬦᬾᬦᬾᬚᬢᬶᬮᬦ᭄ᬢᬂᬲᬸᬮᬶᬢ᭄᭞ᬫᬗ᭄ᬤᬧᬢᭂᬄᬓᬤᬶᬢᬶᬢᬶᬬᬂ᭞ᬳᬤᬶᬢᬦ᭄ᬫᬫ᭠
[᭗᭗ 77 A]
ᬗ᭄ᬕᬸᬄ᭞ᬲᬵᬫ᭄ᬧᬸᬦ᭄ᬳᬤᬶᬢᬦ᭄ᬧᬗᭂᬕ᭞ᬤᬾᬦᬶᬂᬲᬶᬦᬄ᭞ᬳᬤᬶᬓᭂᬦᬶᬢᬶᬧᬸᬮᬶᬘᬶᬦ᭄᭞ᬲ᭄ᬯᬭᬫ᭠ᬦᬶᬲ᭄ᬫᬗᬜᬸᬤᬂ᭟ᬓᭂᬦᬶᬓᬢᬶᬧᬸᬩᬳᬦ᭄ᬫᬵᬲ᭄ᬧᬶᬧᬶᬲ᭄᭞ᬳᬃᬣᬩ᭄ᬭᬡ᭞ᬳᬡ᭄ᬥᭂᬮ᭄ᬓᬲᬸᬕᬶᬳᬦ᭄᭞ᬦᬸᬳᬸ
ᬓᬶᬦ᭄ᬓᬶᬢᬩᬸᬤ᭄ᬥᬶᬦᬾ᭞ᬢᭂᬢᭂᬧ᭄ᬫᬓᬦ᭄ᬓᬮᬶᬄᬫᬶᬦᬸᬫ᭄᭞ᬫᬸᬂᬧᬸᬂᬲᬓᬵᬮᬦᬸᬉᬭᬶᬧ᭄᭞ᬩᭂᬃ᭠ᬲᭀᬮᬾᬓ᭄ᬦᬩ᭄ᬤᬩᬂᬧᬬᬲ᭄᭞ᬗ᭄ᬕᬯᬾᬩᬚᬸᬩᬭᬸ᭞ᬧᭀᬢᭀᬗᬦᬾᬧᬮᬶᬂᬳᬶᬦ᭄ᬤᬄᬫᭀᬤᬾᬮ᭄ᬚᬫ
ᬦ᭄᭞ᬤᬾᬦᬶᬂᬳᬶᬤᬸᬧ᭄ᬘᬭᬚᬦᬶ᭞ᬓᬉᬓᬸᬃᬩᬵᬦ᭄ᬳᬸᬫᬄᬳᬶᬦ᭄ᬤᬄ᭟ᬳᬤᬶᬓᭂᬦᬶᬳᬦ᭄ᬢᬸᬓ᭄ᬫᬸᬜᬶᬫᬦᬶᬲ᭄᭞ᬫᬗᬜᬸᬤᬂ᭞ᬓᬮᬶᬄᬧᭂᬢᬶᬬᬲᬦ᭄᭞ᬕᭂᬮᬂᬩᬸᬗ᭄ᬓᬸᬂᬩᭂᬃᬮᬶᬬᬦᬾ᭞ᬬᬦ᭄ᬳᬤᬶᬫᬭᬩᬶᬤᬶᬢᬸ᭞ᬢ᭠
ᬦ᭄ᬲᬶᬬᭀᬲ᭄ᬫᬭᬩᬶᬧᬶᬧᬶᬲ᭄᭞ᬬᬾᬦᬶᬂᬧᬸᬦᬶᬓᬲᬮᬄ᭞ᬧᬤᬾᬯᬾᬓᬦ᭄ᬧᬮ᭄ᬲᬸ᭞ᬬᬦ᭄ᬫᬭᬩᬶᬳᬦ᭄ᬢᬸᬓ᭄ᬚᬶᬦᬄ᭞ᬧᬢᭂᬄᬧᬶᬲᬦ᭄᭞ᬓᬾᬯᬮᬲᬶᬬᭀᬲ᭄ᬳᬤᬦᬶᬦ᭄᭞ᬭᬶᬂᬳᬶᬧ᭄ᬮᬘᬸᬭᬦ᭄ᬩᬶᬬᬲ᭟ᬲᬓᬾᬯ᭠
Kaca:Bali-lontar-geguritan-anggreni-300ppi.pdf/77
Kaca puniki sampun kauji-wacén
