[᭗᭔ 74 B]
᭗᭔
ᬤ᭄ᬯᬦᬶᬂ᭞ᬲᬶᬲᬶᬓᬯᬸᬄ᭞ᬲᬤᬸᬓᬾᬭᬶᬂᬓᬮᬗᬜᬃ᭟ᬕᭂᬦᬄᬳᬤᬶᬦᬾᬫᬲᬸᬫ᭄ᬧᬄ᭞ᬫᬶ᭠ᬦᬩ᭄ᬤᬸᬭᬸᬂᬬᬫᬕᭂᬦ᭄ᬢᬶ᭞ᬧᬸᬦᬧᬶᬓᬾᬫᬳᬯᬶᬦᬦ᭄᭞ᬲᭂᬦᭂᬗᬾᬲᬕᬾᬢ᭄ᬫᬩᬮᬶᬓ᭄᭞ᬚᬜ᭄ᬚᬶᬦ᭄ᬳᬤᬶᬧ
ᬘᬂᬗᬦ᭄ᬢᬶ᭞ᬓᬸᬤᬂᬩᬸᬮᬦ᭄ᬓᬸᬤᬂᬢᬳᬸᬦ᭄᭞ᬬᬤᬶᬦ᭄ᬚᬕᬢᬾᬓᬶᬬᬫᬢ᭄᭞ᬧᬃᬡ᭄ᬦᬦ᭄ᬢᬶᬢᬶᬬᬂᬩᭀᬬᬦᬸᬕᬶ᭞ᬭᬭᬶᬲ᭄ᬗᭂᬤᭂᬂ᭞ᬮᬘᬶᬦ᭄ᬫᬾᬚᬗᬫ᭄ᬩᬶᬮ᭄ᬓᭂᬃᬢᬲ᭄᭟᭚᭜᭚ᬧᬸᬧᬸᬄᬥᬗ᭄ᬥᬂ᭚᭜᭚ᬲᬧᬸ᭠
ᬦᬧᬶᬧᬓᬬᬸᬦᬦ᭄ᬳᬤᬶ᭞ᬲᬸᬚᬢᬶᬦ᭄ᬜ᭞ᬯ᭄ᬬᬓ᭄ᬢᬶᬧᬘᬂᬓᬦ᭄ᬥᬲ᭄᭞ᬲᬧᬸᬦᬶᬓᬶᬧᬫᬃᬕ᭄ᬕᬶᬦᬾ᭞ᬧᬸᬦᬧᬶᬓᬾᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬳᬸᬩᬸᬗᬦ᭄ᬢᬶᬢᬶᬬᬂᬭᬶᬂᬳᬤᬶ᭞ᬓᬮᬶᬳᬤᬶᬜᬶᬗᬓ᭄ᬢᬶᬢᬶᬬᬂ᭞ᬤᬤᭀᬲ᭄ᬳᭀ
ᬭᬂᬩᬭᬸ᭞ᬦᬾᬦ᭄ᬢᭂᬜ᭄ᬚᬕᬫᬮᬶᬄᬓᭂᬦᬮ᭄᭞ᬢᭀᬂᬲᭀᬘᬧᬦ᭄᭞ᬬᬦ᭄ᬧᬥᬧᬗ᭄ᬕᬶᬄᬭᬶᬂᬫᬃᬕ᭄ᬕᬶ᭞ᬲᬫᬶᬫᬗ᭄ᬮᬾᬦᬂᬘᬘᬶᬗᬓ᭄᭟ᬲᬓᬾᬂᬚᬢᬶᬧᬓᬬᬸᬦᬦ᭄ᬳᬤᬶ᭞ᬢᭂᬓᬾᬦ᭄ᬢᬶᬢᬶᬬᬂ᭞ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬢᬫ᭠
[᭗᭕ 75 A]
ᬢ᭄᭞ᬢᬦ᭄ᬧᬾᬡ᭄ᬥᬄᬓᬤᬶᬗᬶᬧᬶᬦᬾ᭞ᬫᬗᬶᬧᬶᬬᬂᬲᬦᬾᬲᬵᬫ᭄ᬧᬸᬦ᭄᭞ᬦᬾᬫᬗ᭄ᬓᬶᬦ᭄ᬳᬩᬶᬲ᭄ᬢᬹᬃᬩᭂᬃᬲᬶᬄ᭞ᬓᬮᬶᬡ᭄ᬥᭂᬲ᭄ᬩᬳᬦ᭄ᬫᬲ᭞ᬤᬳᬢ᭄ᬕᭂᬮᬶᬲ᭄ᬭᬯᬸᬄ᭞ᬤᬶᬦᬵᬦᬾᬲᬕᬾᬢ᭄ᬩᭂᬭᭀᬩᬄ᭞ᬮᬗ᭄ᬓᬸᬂᬳᬾᬗ᭄ᬕᬮ᭄
᭞ᬫᬲᬦᬾᬕᭂᬮᬶᬲ᭄ᬩᭂᬃᬕᬦ᭄ᬢᬶ᭞ᬲᬢ᭄ᬯᬦᬾᬕᭂᬮᬶᬲᬦ᭄ᬢᬫᬢ᭄᭟ᬯᬳᬸᬓᬮᬶᬄᬰᬰᬶᬄᬲᬦᬾᬫᬗ᭄ᬓᬶᬦ᭄ᬗᬯᬗᬸᬦᬂ᭞ᬳᬤᬶᬲᬋᬂᬢᬶᬢᬶᬬᬂ᭞ᬫᬗᬸᬦᬂᬉᬫᬄᬘᬶᬦ᭄ᬢᬦᬾ᭞ᬲᬦᬾᬫᬗ᭄ᬓᬶᬦ᭄ᬲᬕᬾᬣᬸᬯᬸᬕ᭄᭞ᬳᬗᬶ᭠
ᬦ᭄ᬮᬶᬦᬸᬲ᭄ᬫᬫᬩᬭᬶᬦ᭄᭞ᬓᬦ᭄ᬢᭀᬲ᭄ᬤᬲᬃᬜᬦᬾᬩᬸᬗ᭄ᬓᬄ᭞ᬢ᭄ᬯᬭᬳᬤᬢᬫ᭄ᬧᬓ᭄ᬳᬶᬧᬸᬦ᭄᭞ᬦᬧᬶᬳᬤᬶᬲᬵᬫ᭄ᬧᬸᬦ᭄ᬳᭂᬗ᭄ᬲᬧ᭄᭞ᬗᬯᬗᬸᬦᬂ᭞ᬉᬫᬄᬲᬦᬾᬓᬓᬵᬃᬬ᭄ᬬᬦᬶᬦ᭄᭞ᬫᬤᬲᬃᬩᬵᬦ᭄ᬢᭀᬬᬦ᭄ᬫᬢ᭟
ᬩᬵᬲ᭄ᬓᬮᬗ᭄ᬓᬸᬂᬳ᭄ᬬᬂᬯᬶᬥᬶᬗᬶᬘ᭄ᬙᬾᬦᬶᬦ᭄᭞ᬦᬲᬶᬩ᭄ᬢᬶᬢᬶᬬᬂ᭞ᬫᬢᬶᬡ᭄ᬥᬶᬄᬢᬦ᭄ᬧᭂᬕᬢ᭄᭞ᬲᬓᬾᬂᬢᬶᬢᬶᬬᬂᬓᬦ᭄ᬢᬸᬦ᭄ᬭᬭᬾ᭞ᬢᬦ᭄ᬫᬭᬶᬫᬲᬶᬄᬓᬧᬗ᭄ᬕᬸᬄ᭞ᬢᬫ᭄ᬩᬓᬶᬦ᭄ᬩᬵᬦ᭄ᬢᬗ᭄ᬓᬄᬩᭂᬃᬲᬶᬄ᭞ᬫᬦᬄᬢᭂᬦᬂᬢᬹᬃᬲᬩᬃ᭞
Kaca:Bali-lontar-geguritan-anggreni-300ppi.pdf/75
Kaca puniki sampun kauji-wacén
