[᭗᭓ 73 B]
᭗᭓
ᬓᬳᬶᬦ᭄᭞ᬥᬃᬫ᭄ᬫᬬᬰᬧᬘᬂᬢᭂᬧᬸᬓ᭄᭞ᬜᭀᬫᬦ᭄ᬤᬯᬦ᭄ᬭᬭᬶᬲ᭄ᬦᬶᬫ᭄ᬩᬮ᭄᭞ᬢᭀᬂᬜᬡ᭄ᬥᬂᬕᬸᬲ᭄ᬢᬶᬫᬭᬦᬶᬦ᭄᭞ᬤᬾᬦᬶᬂᬤᬶᬢᬸ᭞ᬩᭀᬬᬤᬶᬢᬸᬯᬾᬦ᭄ᬢᭂᬦ᭄ᬓᬚᬸᬚᬸᬭᬦ᭄᭟ᬋᬋᬄᬲᬶᬬᭀᬲ᭄ᬭᬶᬂᬧᬸᬦᬶᬓ᭞ᬩᭀᬬ᭠
ᬲᬶᬓᬶᬯᬾᬦ᭄ᬢᭂᬦ᭄ᬕᬤᬶᬲ᭄᭞ᬤᬾᬦᬶᬂᬚᬕᬢ᭄ᬮᬶᬦ᭄ᬢᬂᬮᬶᬗ᭄ᬕᬄ᭞ᬮᬦᬂᬳᬃᬣᬫᬜᬳᬸᬭᬶᬦ᭄᭞ᬫᬳᬶᬭᬶ᭠ᬩ᭄ᬘᬭᬳᬗ᭄ᬭᬾᬡᬶ᭞ᬓᬭᬶᬓᭂᬦᭂᬄᬜᬦᬾᬘᬸᬫ᭄ᬧᬸ᭞ᬫᬮᬶᬄᬲᬵᬫ᭄ᬧᬸᬦ᭄ᬬᬫᬲᬸᬫ᭄ᬧᬄ᭞ᬫᬶᬭᬶᬩ᭄ᬬᬧᬕᬯᬾ᭠
ᬦ᭄ᬮᬶᬗ᭄ᬲᬶᬃ᭞ᬘᬭᬓᬳᬧᬸᬲ᭄᭞ᬓᭂᬦᭂᬳᬾᬓᬤᬶᬓᬧᬓ᭄ᬱ᭟ᬕᬸᬲ᭄ᬢᬶᬮᬗ᭄ᬓᬸᬂᬚᬸᬚᬸᬃᬧᬶᬲᬦ᭄᭞ᬓᬬᬸᬗᬸᬲ᭄ᬢᬶᬓᬤᬶᬳᬮᬶᬢ᭄᭞ᬓᬬᬸᬦ᭄ᬕᬸᬲ᭄ᬢᬶᬫᬫᬄᬭ᭄ᬯ᭞ᬫᬦᬄᬩᬚᬂᬓᬤᬶᬫᬗ᭄ᬓᬶᬦ᭄᭞ᬲᬓᬤᬶᬫᬸᬗ᭄ᬕᬄᬭᬶᬂᬓᬯᬶ᭞᭠
ᬩᭀᬬᬯᬾᬦ᭄ᬢᭂᬦ᭄ᬲᬳᬶᬳᬶᬧᬸᬦ᭄᭞ᬥᬃᬫ᭄ᬫᬬᬰᬳᭀᬭᬂᬓᬬ᭞ᬩᭂᬃᬩᬗ᭄ᬰᬩᭂᬃᬧᬗ᭄ᬓᬢ᭄ᬢᬶᬗ᭄ᬕᬶ᭞ᬩᭀᬬᬳᬤᬸᬂ᭞ᬕᬸᬲ᭄ᬢᬶᬓᬘᬶᬗᬓ᭄ᬢᬶᬯᬲ᭄᭟ᬕᬸᬲ᭄ᬢᬶᬓᭂᬦᬶᬧᬯᬶᬯᬶᬓᬦ᭄᭞ᬳᬗ᭄ᬭᬾᬡᬶᬫᬸᬮᬸᬢ᭄ᬜᬫᬦᬶᬲ᭄᭞ᬫᬗ᭄ᬤ
[᭗᭔ 74 A]
ᬲᬵᬫ᭄ᬧᬸᬗᬸᬲ᭄ᬢᬶᬫᭂᬗ᭄ᬕᬄ᭞ᬓᬤᬶᬩᬩᬯᭀᬲᬾᬫᬗ᭄ᬓᬶᬦ᭄᭞ᬚᬦ᭄ᬫᬳᭂᬮᬸᬄᬯᬦ᭄ᬢᬄᬍᬯᬶᬄ᭞ᬲᬦᬾᬳᭂᬮᬸᬄᬢᭂᬢᭂᬧ᭄ᬳᭂᬮᬸᬄ᭞ᬮᬦᬂᬳᬃᬣᬫᬫᬶᬋᬗᬂ᭞ᬢᬸᬢᬹᬃᬦᬧᬶᬳᬮᬶᬄᬩᬸᬯᬶᬦ᭄᭞ᬬᬤᬶᬦ᭄ᬭᬸᬭᬸᬄ᭞ᬩᭀᬬ
ᬯᬾᬦ᭄ᬢᭂᬦ᭄ᬦᬾᬫᭂᬮᬳᬦ᭄᭟ᬲᬲᬵᬫ᭄ᬧᬸᬦ᭄ᬤᬦᬾᬫᬶᬋᬗᬂ᭞ᬜᭀᬫᬦ᭄ᬤᬯᬦ᭄ᬫᬶᬢᬸᬢᬹᬭᬶᬦ᭄᭞ᬓᬦ᭄ᬢᭀᬲ᭄ᬯᭂᬗᬶᬤᬦᬾᬦᭂᬕᬓ᭄᭞ᬩᭂᬗᭀᬂᬩᭂᬗᭀᬂᬬᬧᬤᬶᬤᬶ᭞ᬳᬾᬮᬶᬂᬢᭂᬓᬾᬦᬶᬂᬳᬗ᭄ᬭᬾᬡᬶ᭞ᬢᬦᬶᬲᬸ
ᬭᬢ᭄ᬯᬾᬦ᭄ᬢᭂᬦ᭄ᬭᬯᬸᬄ᭞ᬫᬶᬭᬶᬩ᭄ᬲᬵᬫ᭄ᬧᬸᬦ᭄ᬧᬸᬢᬸᬲ᭄ᬧᬶᬲᬦ᭄᭞ᬳᬸᬩᬸᬗᬦ᭄ᬤᬦᬾᬳᬗ᭄ᬭᬾᬡᬶ᭞ᬦᬧᬶᬓᬦ᭄ᬢᬸᬦ᭄᭞ᬤᬦᬾᬳᬾᬮᬶᬂᬢᭂᬓᬾᬦ᭄ᬲᬸᬫ᭄ᬧᬄ᭟ᬦᬧᬶᬫᬶᬦᬩ᭄ᬲᬵᬫ᭄ᬧᬸᬦ᭄ᬭᭀᬩᬄ᭞ᬳᬗᬶᬦᬾᬲᬵᬫ᭄ᬧᬸ
ᬦ᭄ᬫᬩᬤᬶᬂ᭞ᬦᬧᬶᬫᬶᬦᬩ᭄ᬫᬳᬯᬶᬦᬦ᭄᭞ᬩᬵᬲ᭄ᬕᭂᬮᬶᬲ᭄ᬧᬶᬲᬦ᭄ᬫᬩᬤᬶᬂ᭞ᬩᬢᬸᬦᬾᬤᬸᬭᬸᬂᬫᬓᬶᬲᬶᬤ᭄᭞ᬤᬶᬩᬸᬓᬶᬢ᭄ᬓᭂᬮᬧ᭄ᬦᬾᬤᬸᬫᬸᬦ᭄᭞ᬢᭀᬗᭀᬲᬾᬗᬶᬓᭂᬢ᭄ᬲᬫᬬ᭞ᬧᬶᬗ᭄ᬓᬮᬶᬄᬳᬦᬯᬸ
Kaca:Bali-lontar-geguritan-anggreni-300ppi.pdf/74
Kaca puniki sampun kauji-wacén
