[᭗᭒ 72 B]
᭗᭒
ᬳᬸᬧᬤᬤ᭄ᬯᬦᬦ᭄᭟ᬜᭀᬫᬦ᭄ᬤᬯᬦ᭄ᬮᬯᬸᬢ᭄ᬦᬶᬫ᭄ᬩᬮ᭄᭞ᬢᭀᬂᬜᬡ᭄ᬥᬂᬓᭀᬩᭂᬢᬂᬕᬸᬲ᭄ᬢᬶ᭞ᬬ᭠ᬤᬶᬜ᭄ᬚᬢᬶᬓᬃᬬ᭄ᬬᬦ᭄ᬢᬶᬢᬶᬬᬂ᭞ᬫᬢᬚᭂᬦ᭄ᬫᬚᬸᬤᬶᬲᬳᬶ᭞ᬦᬵᬗ᭄ᬳᬶᬂᬩᬩᬯᭀᬲᬾᬧᬶᬗ᭄ᬕᬶᬢ᭄᭞ᬕᬫᭂᬮ᭄ᬢᬶᬢᬶ
ᬬᬂᬚᬢᬶᬢᬸᬳᬸ᭞ᬫᬵᬦᬹᬢ᭄ᬳᬤᬢ᭄ᬳᬶᬱ᭄ᬝᬶᬳᬤᬢ᭄᭞ᬦᬾᬓᬩᬯᭀᬲ᭄ᬪᬵᬱᬩᬮᬶ᭞ᬮᬶᬦ᭄ᬢᬂᬢᭂᬕᬸᬄ᭞ᬳᬦ᭄ᬢᬸᬓ᭄ᬢᬶᬢᬶᬬᬂᬫᬫᬶᬗᬶᬢᬂ᭟ᬓᬤᬶᬢᬶᬢᬶᬬᬂᬦᬾᬦ᭄ᬢᭂᬦ᭄ᬳᭂᬜᬓ᭄᭞ᬫᬦᬸᬮᬸᬤᬂᬢᬶᬫ᭄ᬧᬮ᭄ᬲᬳᬶᬂ᭞ᬫᬗᬸᬦ᭄ᬢᬶᬂ
ᬤᬮᬫ᭄ᬮᬶᬧᬢᬦ᭄᭞ᬦᬧᬶᬫᬮᬶᬄᬓᬤᬶᬕᬸᬲ᭄ᬢᬶ᭞ᬚᭂᬦᭂᬓ᭄ᬫᬮᬶᬗ᭄ᬕᬶᬳᬶᬭᬶᬓᬶ᭞ᬗᬬᬸᬦᬂᬢᭀᬬ᭠ᬭᬶᬂᬤᬧᬸᬃ᭞ᬲᬧᬸᬦᬶᬓᬫᬦᬄᬢᬶᬢᬶᬬᬂ᭞ᬮᬦᬂᬳᬃᬣᬫᬜᬳᬸᬭᬶᬦ᭄᭞ᬢᬶᬗ᭄ᬓᬄᬮᬓᬸ᭞ᬲᬓᬶᬂᬓᬯᬶᬢ᭄ᬓᬢᬸ᭠
ᬢᬸᬭᬂ᭟ᬲᬓᬾᬂᬓᬯᬶᬢᬾᬓᬲᬲᬓ᭄᭞ᬓᬢᬶᬗ᭄ᬕᬮᬶᬦ᭄ᬳᬶᬩᬸᬳᬚᬶ᭞ᬫᬯᬮᬶᬓᬤᬾᬰ᭞ᬤᭂᬫᭂᬦ᭄ᬢᬶᬢᬶᬬᬂᬭᬶᬂᬳᬗ᭄ᬭᬾᬡᬶ᭞ᬓᬤᬸᬯᬾᬦ᭄ᬢᬶᬢᬶᬬᬂᬓᬳᬸᬲᬶᬃ᭞ᬫᬾᬫᬾᬢᭂᬕᭂᬄᬭᬭᬶᬲ᭄ᬮᬘᬸᬃ᭞ᬤᬬᬸᬭᬹᬓ᭄ᬫᬶᬗᬶ
[᭗᭓ 73 A]
ᬭᬶᬫ᭄ᬲᬸᬭᬢ᭄᭞ᬜᭀᬫᬦ᭄ᬤᬯᬦ᭄ᬫᬫᬶᬭᬕᬶ᭞ᬲᬕᬾᬢ᭄ᬓᭂᬘᬸᬤ᭄᭞ᬲᬕ᭄ᬭᬵᬢ᭄ᬫᭀᬯᬦᬾᬬᬩᬭᬓ᭄᭟ᬲᬫᬶᬲᬵᬫ᭄ᬧᬸᬦ᭄ᬓᬢᬸᬢᬹᬭᬂ᭞ᬩᭂᬮᬶᬜᭀᬫᬦ᭄ᬓᬤᬶᬫᬗ᭄ᬓᬶᬦ᭄᭞ᬲᬶᬭᬦᬶᬓᬥᬃᬫ᭄ᬫᬬᬰ᭞ᬤ᭄ᬯᬦᬶᬂᬢᬶ
ᬢᬶᬬᬂᬤᬸᬭᬸᬂᬉᬦᬶᬂ᭞ᬳᬶᬗ᭄ᬕᬶᬄᬢᬶᬢᬶᬬᬂᬉᬦᬶᬂᬕᬸᬲ᭄ᬢᬶ᭞ᬭᬶᬂᬢᬢᬚᬾᬦ᭄ᬲᭂᬭᬶᬂᬧᬗ᭄ᬕᬸᬄ᭞ᬓᭀᬘᬧ᭄ᬳᬶᬤᬧᭀᬮᬶᬄᬧᬗ᭄ᬓᬢ᭄᭞ᬦᬵᬗ᭄ᬳᬶᬂᬢᬶᬗ᭄ᬓᬳᬾᬫᬚᬸᬤᬶ᭞ᬲᭂᬭᬶᬂᬲᬵᬫ᭄ᬧᬸᬦ᭄᭞ᬫᬶᬬᭂᬕᬦ᭄ᬩᬵᬦ᭄ᬭᬫ᭄ᬩᬸᬢ᭄ᬧᬜ᭄ᬚᬂ᭟ᬲᬓᬦ᭄ᬢᬸ
ᬦ᭄ᬫᬗᭂᬮᬄᬲᬶᬫ᭄ᬧᭂᬦᬦ᭄᭞ᬧᬸᬲᬓᬲᬓᬶᬂᬳᬶᬬᬚᬶ᭞ᬬᬦᬶᬂᬲᬵᬫ᭄ᬧᬸᬦ᭄ᬢᭂᬮᬲ᭄ᬧᬶᬲᬦ᭄᭞ᬲᬶᬦᬄᬧᬘᬂᬬᬓᭀᬭᭀᬧ᭄ᬲᬶ᭞ᬲᬦᬾᬓ᭄ᬯᬰᬤᬶᬕᬸᬫᬶ᭞ᬲᬶᬦᬄᬲᬓᬾᬂᬚᬶᬦᬄᬮᬶᬬᬸ᭞ᬲᬧᬸᬦᬶᬓᬲᬸᬚᬢᬶᬦ᭄ᬜ᭞ᬲᬧ
ᬲᬶᬭᬦᬾᬦ᭄ᬢᭂᬦ᭄ᬳᬸᬦᬶᬂ᭞ᬢᬶᬗ᭄ᬓᬄᬮᬓᬸ᭞ᬳᬶᬤᬩᬕᬸᬲ᭄ᬥᬃᬫ᭄ᬫᬬᬰ᭟ᬫᬫᬶᬢ᭄ᬭᬓᬮᬶᬄᬫᬗ᭄ᬮᭀᬬᬃ᭞ᬧᬶᬂᬓᬸᬤᬫᬕᬦ᭄ᬢᬶᬕᬸᬦ᭄ᬥᬶᬓ᭄᭞ᬮᬦᬂᬳᬃᬣᬩᭂᬗᭀᬂᬲᬯᬂ᭞ᬫᬶᬦᭂᬳᬶᬦ᭄ᬦᬲᬶᬪᬗ᭄ᬭᬾᬡᬶ᭟ᬬᬦ᭄ᬢᬶᬢᬶᬬᬂᬓᭂᬫᬦᭂ
Kaca:Bali-lontar-geguritan-anggreni-300ppi.pdf/73
Kaca puniki sampun kauji-wacén
