[᭗᭑ 71 B]
᭗᭑
ᬦ᭄᭞ᬦᬵᬗ᭄ᬳᬶᬂᬫᬦ᭄ᬢᬸᬓ᭄ᬓᬧᬄᬧᬶᬲᬦ᭄᭞ᬧᬸᬧᬸᬢ᭄ᬫᬢᬚᭂᬦ᭄ᬓᬮᬶᬮᬶᬂ᭞ᬢᬦ᭄ᬗᬮᬶᬗᬸ᭞ᬧᭂᬢᭂᬂᬍᬫᬄ᭠ᬫᬚᬸᬤᬶᬬᬦ᭄᭟ᬮᬦᬂᬳᬃᬣᬩᬦ᭄ᬩᬦ᭄ᬗᬸᬘᬧ᭄᭞ᬢᬶᬬᬂᬦᬸᬦᬲ᭄ᬳᬶᬘ᭄ᬙᬉᬕᬶ᭞ᬲᬓ᭄ᬱᬢ᭄ᬳᭂᬫ᭄ᬩᭀᬓ᭄ᬦᬸᬫᬸᬂᬢᬶᬬᬂ᭞
ᬜᬶᬤ᭄ᬥᬬᬂᬳᭂᬫ᭄ᬩᭀᬓ᭄ᬗᬯᬸᬓᬶᬦ᭄᭞ᬳᬧᬂᬩᭂᬮᬶᬤᬯᬦ᭄ᬫᬭᬶᬓᬶ᭞ᬢᬦ᭄ᬫᭂᬳᬲᬕᬾᬢᬦ᭄ᬭᬯᬸᬄ᭞᭠ᬳᬶᬗ᭄ᬕᬶᬄᬕᬸᬲ᭄ᬢᬶᬦᬶᬓᬶᬢᭂᬓ᭞ᬳᬤᬶᬦ᭄ᬢᬶᬢᬶᬬᬂᬲᬦᬾᬫᬗ᭄ᬓᬶᬦ᭄᭞ᬳᭂᬫ᭄ᬩᭀᬓ᭄ᬤᬯᬸᬄ᭞ᬫᬦᭂᬲᭂᬓ᭄ᬳᬶᬜᭀᬫ᭠
ᬦ᭄ᬤᬯᬦ᭄᭟ᬳᭂᬦᬾᬳᬤᬧᬗᬦ᭄ᬤᬶᬓ᭞ᬕᬸᬲ᭄ᬢᬶᬮᬦᬂᬳᬃᬣᬚᬦᬶ᭞ᬧᭂᬃᬮᬸᬢᭂᬧᬸᬓ᭄ᬬᭂᬓᬾᬦ᭄ᬜᭀᬫᬦ᭄᭞ᬜᭀᬫᬦ᭄ᬤᬯᬦ᭄ᬫᬦᭂᬲᭂᬓᬶᬦ᭄᭞ᬲᬫᬶᬦᭂᬕᬓ᭄ᬭᬶᬂᬓᭀᬃᬱᬶ᭞ᬜᭀᬫᬦ᭄ᬤᬯᬦ᭄ᬭᬭᬶᬲ᭄ᬫᬵᬢᬹᬃ᭞ᬧᬸᬦᬧᬶᬕᬸᬲ᭄ᬢᬶ᭠
ᬩᬯᭀᬲᬂ᭞ᬓᭀᬘᬧ᭄ᬕᬸᬲ᭄ᬢᬶᬓ᭄ᬮᬶᬮᬶᬂᬩᬮᬶ᭞ᬓᬩᬃᬮᬸᬳᬸᬂ᭞ᬩᭀᬬᬓᬾᬓᬸᬭᬂᬧᬸᬦᬧ᭟ᬢᬡ᭄ᬥᭂᬲ᭄ᬲᬵᬫᭀᬯᬸᬦ᭄ᬢᬶᬢᬶᬬᬂᬳᬢᬶᬩᬦ᭄᭞ᬢᬶᬢᬶᬬᬂᬫᬤᬸᬦᬸᬂᬳᬶᬭᬶᬓᬶ᭞ᬦᬵᬗ᭄ᬳᬶᬂᬤᬾᬭᬾᬂᬫᭂᬮᬄᬓᭂᬦᬮ᭄᭞ᬤᬾᬦᬶᬂ
[᭗᭒ 72 A]
ᬩᭂᬮᬶᬓᬧᬄᬫᬸᬮᬶᬄ᭞ᬫᬳᬶᬭᬶᬩ᭄ᬢᬶᬬᬂᬢᬓᭂᬄᬩᭂᬮᬶ᭞ᬢ᭄ᬯᬭᬳᬲᬮ᭄ᬩᬮᬶᬢᬸᬳᬸ᭞ᬜᭀᬫᬦ᭄ᬤᬯᬦ᭄ᬫᬵᬢᬹᬃᬩᬦ᭄ᬩᬦ᭄᭞ᬩᭀᬬᬲᬧᬸᬦᬶᬓᬕᬸᬲ᭄ᬢᬶ᭞ᬢᬶᬢᬶᬬᬂᬓᬤᬸᬂ᭞ᬲᬩ᭄ᬭᬦ᭄ᬫᬫᭀᬢᭀᬄᬫᬗ᭄ᬮᭀ᭠
ᬬᬃ᭟ᬫᬦᬄᬢᬶᬢᬶᬬᬂᬍᬕᬧᬶᬲᬦ᭄᭞ᬕᬸᬲ᭄ᬢᬶᬫᬮᬶᬗ᭄ᬕᬶᬄᬳᬶᬭᬶᬓᬶ᭞ᬳᭂᬫ᭄ᬩᭀᬓ᭄ᬢᬶᬢᬶᬬᬂᬧᬤᬾᬯᬾᬓᬦ᭄᭞ᬫᬮᬶᬄᬢᬶᬢᬶᬬᬂᬓᬧᬄᬫᬸᬮᬶᬄ᭞ᬳᭂᬫ᭄ᬩᭀᬓ᭄ᬤᬯᬸᬄᬫᬜᬯᬸᬭᬶᬦ᭄᭞ᬕᬸᬲ᭄ᬢᬶᬮᬦᬂᬗᬶᬤᬶᬄᬢᬸ
ᬮᬸᬂ᭞ᬬᬾᬦ᭄ᬜᭀᬫᬦ᭄ᬫᬜᬶᬤ᭄ᬥᬬᬂ᭞ᬜᭀᬫᬦ᭄ᬤᬯᬦ᭄ᬫᬵᬢᬹᬃᬕᭂᬮᬶᬲ᭄᭞ᬢᬶᬢᬶᬬᬂᬲᬗ᭄ᬕᬸᬧ᭄᭞᭠ᬲᬦᬾᬲᬶᬤ᭄ᬥᬳᬦ᭄ᬢᬸᬓ᭄ᬢᬶᬢᬶᬬᬂ᭟ᬳᭂᬫ᭄ᬩᭀᬓ᭄ᬤᬯᬸᬄᬮᬯᬸᬢ᭄ᬩᬸᬤᬮ᭄᭞ᬓᬧᬳᭀᬦ᭄ᬗᬳᬾᬦᬂᬓᭀᬧᬶ᭞ᬓ᭠
ᬭᬶᬫᬗ᭄ᬓᬶᬦ᭄ᬧᬤᬤ᭄ᬯᬦᬦ᭄᭞ᬮᬦᬂᬳᬃᬣᬫᬗᬯᬸᬓᬶᬦ᭄᭞ᬬᬤᬶᬦ᭄ᬤᬸᬭᬸᬂᬓᭂᬦᬮ᭄ᬩᭂᬘᬶᬓ᭄᭞ᬦᬵᬗ᭄ᬳᬶᬂᬢᬶᬢᬶᬬᬂᬮᬶᬦ᭄ᬢᬂᬗᬸᬕᬸ᭞ᬩᭂᬮᬶᬧᬘᬂᬦᬸᬮᬸᬂᬢᬶᬢᬶᬬᬂ᭞ᬭᬳᬱ᭄ᬬᬦ᭄ᬢᬶᬢᬶᬬᬗᬾᬲᬫᬶ᭞ᬲᬵᬫ᭄ᬧᬸᬦ᭄ᬳᬫ᭄ᬩᬸᬃ᭞ᬳᬫᬸᬂᬢ
Kaca:Bali-lontar-geguritan-anggreni-300ppi.pdf/72
Kaca puniki sampun kauji-wacén
