[᭗᭐ 70 B]
᭗᭐
ᬤᭀᬲ᭄ᬫᬗ᭄ᬤᬲ᭄ᬮᬫᬢ᭄᭞ᬕᬸᬲ᭄ᬢᬶᬫᬮᬶᬗ᭄ᬕᬶᬄᬳᬶᬭᬶᬓᬶ᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬍᬢᭂᬳᬦ᭄᭞ᬦᬫ᭠ᬗᬸᬲ᭄ᬢᬶᬦᬾᬓᬃᬤ᭄ᬥᬶᬦᬶᬦ᭄᭞ᬭᬕᬉᬮ᭄ᬬᬦ᭄ᬫᬗᭂᬫ᭄ᬧᬶ᭞ᬫᬗ᭄ᬤᬲᬵᬫ᭄ᬧᬸᬦ᭄ᬗᬸᬢᬂᬢᬸᬯᬸᬄ᭞ᬫᬮᬶᬄᬦᬾᬦ᭄ᬢᭂᬦ᭄ᬫ᭄ᬭᬲᬶᬤ᭄ᬥᬬᬂ᭞
ᬲᬢ᭄ᬗᬦ᭄ᬢᭀᬲ᭄ᬩᬶᬦ᭄ᬢᬂᬮᬗᬶᬢ᭄᭞ᬓᬮᬶᬄᬢᬸᬬᬸᬄ᭞ᬭᬕᬧᬬᬄᬢᬹᬃᬫᬮᬭᬢ᭄᭟ᬳᬗ᭄ᬭᬾᬡᬶ᭠ᬲᬵᬫ᭄ᬧᬸᬦ᭄ᬓᬲᬳᬂ᭞ᬤᬾᬦᬶᬂᬲᬵᬫ᭄ᬧᬸᬦ᭄ᬢᬶᬢᬶᬬᬂᬫᬥᬶᬓ᭄᭞ᬓᬸᬮᬯᬃᬕ᭄ᬕᬦᬾᬫᬾᬩᬲᬂ᭞ᬥᬃᬫ᭄ᬫᬬᬰᬧᬘᬂᬗᬫ᭄ᬩᬶ᭠
ᬮ᭄᭞ᬲᬦᬾᬓᬲᬸᬩ᭄ᬧᬗ᭄ᬓᬢ᭄ᬢᬶᬗ᭄ᬕᬶ᭞ᬓᬭᬶᬗᬦ᭄ᬢᭀᬲ᭄ᬤᬶᬦᬵᬳᬬᬸ᭞ᬤᬸᬫᬤᬓ᭄ᬦᬶᬓᬶᬲᬸᬭᬢ᭄ᬢᬶᬢᬶᬬᬂ᭞ᬦᬾᬦ᭄ᬢᭂᬦ᭄ᬩᬗᭂᬢ᭄ᬫᬗᬃᬤ᭄ᬥᬶᬦᬶᬦ᭄᭞ᬓᬬᬸᬦ᭄ᬲᬸᬗ᭄ᬲᬸᬢ᭄᭞ᬲᬧᬸᬦᬶᬓᬤᬕᬶᬂᬲᬸᬭᬢ᭄᭟ᬲᬵᬫ᭄ᬧᬸᬦ᭄ᬯᬸᬲᬦ᭄ᬫᬗ᭄ᬓᬶᬦ᭄ᬫᬫᬘ᭞
ᬲᬸᬭᬢᬾᬮᬯᬸᬢ᭄ᬓᬦ᭄ᬢᭀᬗᬶᬦ᭄᭞ᬤᬸᬳᬸᬭᬾᬲᬓᬤᬶᬩᭂᬮᬄ᭞ᬤᬬᬸᬭᬹᬓ᭄ᬫᬶᬫᬫᭂᬤᬶᬳᬶᬦ᭄᭞ᬭᬭᬶᬲ᭄ᬤᬦᬾᬫᬮᬶᬗ᭄ᬕᬶᬄ᭞ᬲᬫ᭄ᬩᭂᬦ᭄ᬓᬬᬸᬦᬾᬦᬭᬸᬯᬸᬂ᭞ᬢ᭄ᬯᬭᬓᬃᬯ᭄ᬯᬦ᭄ᬦᬾᬓᭂᬦᭂᬳᬂ᭞ᬤᬾᬦᬶᬂᬲᭂᬦᭂᬂᬭᬶᬂᬳᬗ᭄ᬭᬾᬡᬶ᭞ᬲᬓ᭄ᬱᬢ᭄ᬳᬶ᭠
[᭗᭑ 71 A]
ᬤᬸᬧ᭄᭞ᬯᬮᬸᬬᬳᬶᬲᭂᬢᬶᬃᬓᬨᬮ᭄᭟ᬲᭂᬢᬶᬃᬓᬨᬮ᭄ᬭᬭᬶᬲ᭄ᬧᬢᬄ᭞ᬓᬶᬚᬮᬓᬸᬫᬗ᭄ᬮᬬᬭᬶᬦ᭄᭞ᬓᬨᬮ᭄ᬲᬶᬦᬄᬧᬦ᭄ᬢᬶᬂᬳᭀᬫ᭄ᬩᬓ᭄᭞ᬤᬶᬢᭂᬗᬄᬧᬲᬶᬄᬧᬤᬶᬤᬶ᭞ᬢ᭄ᬯᬭᬓᬃᬯ᭄ᬯᬦ᭄ᬦᬾᬓᬳᬸᬗ᭄ᬲᬶ᭞ᬓᬶᬚᬮᬓᬸ᭠
ᬚᬦᬶᬫᬮᬩᬸᬄ᭞ᬲᬧᬸᬦᬶᬓᬬᬸᬦ᭄ᬧᬃᬡ᭄ᬦᬬᬂ᭞ᬧᬦ᭄ᬲᭀᬢᬦᬂᬢ᭄ᬭᬸᬡᬳᬮᬶᬢ᭄᭞ᬓᬬᬸᬦ᭄ᬧᬸᬧᬸᬢ᭄᭞ᬳᬭᬧᬦᬾᬲᬵᬫ᭄ᬧᬸᬦ᭄ᬢᭂᬮᬲ᭄᭟ᬓᬦ᭄ᬢᬶᬲᬸᬯᬾᬢᭂᬗᬄᬓᬫᬃ᭞ᬫ᭄ᬩᭀᬓ᭄ᬲᬶᬲᬸᬜᬕ᭄ᬚᬕᬶᬦ᭄ᬕᭂᬮᬶᬲ᭄᭞ᬗᬸᬤᬕᬸ
ᬲ᭄ᬢᬶᬫᬗᬸᬲᬯᬢ᭄᭞ᬧ᭄ᬭᬭᬳᬶᬦᬾᬓᭂᬘᬸᬤ᭄ᬓᬸᬦᬶᬂ᭞ᬲᬸᬓᬢ᭄ᬕᬸᬲ᭄ᬢᬶᬫᬳᬦ᭄ᬢᬸᬮᬶᬲ᭄᭞ᬲ᭄ᬯᬪᬯᬦᬾᬮᬶᬦ᭄ᬢᬂᬓᭂᬘᬸᬤ᭄᭞ᬬᬦ᭄ᬯᬾᬦ᭄ᬢᭂᬦ᭄ᬧᬘᬂᬓᭀᬩᭂᬢᬂ᭞ᬢᬶᬢᬶᬬᬂᬲᬗ᭄ᬕᬸᬧ᭄ᬫᬦᬸᬮᬸᬗᬶᬦ᭄᭞ᬲᬦᬾᬧᬵᬢᬹᬢ᭄᭞ᬲᬦᬾᬲᬶ
ᬤ᭄ᬥᬳᬦ᭄ᬢᬸᬓ᭄ᬢᬶᬢᬶᬬᬂ᭟ᬦᬶᬓᬶᬢᬶᬢᬶᬬᬂᬫᬤ᭄ᬯᬾᬜᬫ᭞ᬫᬗ᭄ᬤᬳᬶᬧᬸᬦ᭄ᬫᬦᬸᬮᬸᬗᬶᬦ᭄᭞ᬤᬾᬦᬶᬂᬧᭂᬃᬕ᭠ᬳᬸᬮᬦ᭄ᬓᬢᬄ᭞ᬓᬮᬶᬄᬉᬦᬶᬂᬫᬤᬸᬓᬸᬦᬶᬦ᭄᭞ᬗᬗ᭄ᬕᬾᬓᬓᭀᬳᬢᬦ᭄ᬩᬢᬶᬦ᭄᭞ᬳᬳ᭄ᬮᬶᬲᬶᬮᬢ᭄ᬲᬓᬶᬂᬤᬸᬫᬸ
Kaca:Bali-lontar-geguritan-anggreni-300ppi.pdf/71
Kaca puniki sampun kauji-wacén
