[᭖᭙ 69 B]
᭖᭙
ᬚᭀᬕ᭄ᬧᬲᬶᬲᬶ᭞ᬢᭂᬓᭂᬓ᭄ᬤᬶᬢᬸ᭞ᬗᭂᬚᬸᬓ᭄ᬳᬸᬫ᭄ᬫᬓᬓᬭᬂ᭟ᬭᬭᬶᬲ᭄ᬓᬧᬸᬭᬰᬓᬾᬦᬦ᭄᭞ᬲᭂᬥᭂᬓ᭄ᬤᬶᬦᬵᬥᬶᬢᬾᬉᬫᬦᬶᬲ᭄᭞ᬧᬸᬭᬦᬾᬢᭂᬗᬄᬲᬕᬭ᭞ᬚᬦ᭄ᬫᬳᬓᬾᬄᬗᬢᬸᬭᬂᬪᬓ᭄ᬢᬶ᭞ᬚᬸᬓᬸᬂ
ᬲᬦᬾᬓᬮᬶᬗ᭄ᬕᬶᬳᬶᬦ᭄᭞ᬫᬸᬗ᭄ᬕᬄᬭᬶᬂᬧᬲᬶᬲᬶᬦ᭄ᬲᬯᬸᬂ᭞ᬚᬦ᭄ᬫᬦᬾᬢᬦ᭄ᬧᬧᭂᬕᬢᬦ᭄᭞ᬲᬯ᭠ᬯᭂᬗ᭄ᬓᭀᬜ᭄ᬚᬕᬢ᭄ᬩᬮᬶ᭞ᬲᬵᬫ᭄ᬧᬸᬦ᭄ᬢᭂᬥᬸᬄ᭞ᬢᭀᬬᬦ᭄ᬲᬕᬭᬦᬾᬫᬸᬗ᭄ᬕᬄ᭞ᬲᬫᬶᬫᬗᭀᬩᭀᬓ᭄ᬲ
ᬕᬭ᭞ᬳᭂᬮᬸᬄᬚᭂᬕᬾᬕ᭄ᬩᬕᬸᬲ᭄ᬫ᭄ᬯᬦᬶ᭞ᬓᬢᭀᬦ᭄ᬧᬳᬦᬾᬧᬫᭂᬭᬂ᭞ᬦᬾᬦᬾᬢ᭄ᬭᬸᬡᬫᬗᭂᬤᬾᬓᬶᬦ᭄᭞ᬭᬶᬂᬢᭂᬗᬄᬧ᭄ᬭᬧᬢᬾᬳᬶᬮᬶᬤ᭄᭞ᬤᬾᬦᬶᬂᬫᬃᬕ᭄ᬕᬶᬲᬶᬮᬓ᭄ᬲᬶᬮᬸᬓ᭄᭞ᬮᬳᬂᬳᬃᬣᬘᬭᬶᬢᬬᬂ᭞᭠
ᬓᬬᬸᬦᬾᬫᬯᭂᬯᭂᬄᬧᬮᬶᬂ᭞ᬫᬗ᭄ᬓᬶᬦ᭄ᬳᬶᬧᬸᬦ᭄᭞ᬩᭀᬬᬧᬸᬦᬶᬓᬜᭂᬕᭂᬭᬂ᭟ᬫᬗ᭄ᬓᬶᬦ᭄ᬫᬦ᭄ᬢᬸᬓ᭄ᬫᬮᭀᬦ᭄ᬮᭀᬦᬦ᭄᭞ᬓᬓᬭᬗᬲᭂᬫ᭄ᬓᭂᬫ᭄ᬩᬮᬶ᭞ᬤᬾᬦᬶᬂᬲᬵᬫ᭄ᬧᬸᬦ᭄ᬜᬶᬤ᭄ᬥᬬᬂ᭞ᬬᬤᬶᬦ᭄ᬳᬶᬍᬳᬂᬫᬫᬃᬕ᭄ᬕᬶ᭞ᬲᬓᬶ
[᭗᭐ 70 A]
ᬢ᭄ᬢᬦ᭄ᬤᬤᭀᬲ᭄ᬳᬸᬩᬤᬶᬦ᭄᭞ᬲᬤᬶᬦᬦᬶᬂᬕᬸᬲ᭄ᬢᬶᬳᬬᬸ᭞ᬗᬶᬘ᭄ᬙᬾᬦ᭄ᬢᬫ᭄ᬩᬤᬶᬧᬫᬺᬫᬦ᭄᭞ᬫᭀᬯᬮᬬᬸᬕᬥᬂᬕᭂᬲᬶᬢ᭄᭞ᬭᬭᬶᬲ᭄ᬫᬲᬸᬓ᭄᭞ᬢᭂᬗᬄᬓᬫᬃᬩᭂᬗᭀᬂᬦᭂᬕᬓ᭄᭟ᬳᭂᬫ᭄ᬩᭀᬓ᭄ᬲᬶᬲᬸᬮᬯᬸᬢ᭄ᬫ᭠
ᬜᬕ᭄ᬚᬓ᭄᭞ᬫᬗᬸᬤᬳᬶᬕᬸᬲ᭄ᬢᬶᬕᭂᬲᬶᬢ᭄᭞ᬦᬶᬓᬶᬯᬾᬦ᭄ᬢᭂᬦ᭄ᬭᬯᬸᬄᬲᬸᬭᬢ᭄᭞ᬤᬯᭂᬕ᭄ᬳᬶᬕᬸᬲ᭄ᬢᬶᬗᬮᬳᬶᬦ᭄᭞ᬮᬦᬂᬳᬃᬣᬫᬗᬫ᭄ᬩᬶᬮᬶᬦ᭄᭞ᬲᬸᬭᬢᬾᬓᬩᬸᬓᬓ᭄ᬲᬵᬫ᭄ᬧᬸᬦ᭄᭞ᬤᬬᬸᬭᬹᬓ᭄ᬫᬶᬫᬗᬶᬭᬶᬫᬂ᭞᭠
ᬤᬕᬶᬂᬲᬸᬭᬢ᭄ᬧᬸᬦᬶᬓᬶ᭞ᬢᬶᬢᬶᬬᬂᬤᬸᬭᬸᬂ᭞ᬦᬳᭂᬦ᭄ᬧᬗ᭄ᬕᬶᬄᬫᬓᭂᬦᬮᬦ᭄᭟ᬧᬭᬩ᭄ᬳᬶᬕᬸᬲ᭄ᬢᬶᬦᬾᬓᭂᬦᬮ᭄᭞ᬮᬦ᭄ᬢᬭᬦ᭄ᬲᬓᬶᬂᬳᬗ᭄ᬭᬾᬡᬶ᭞ᬓᬮᬶᬄᬢᬶᬢᬶᬬᬂᬲᬵᬫ᭄ᬧᬸᬦ᭄ᬦᬯᬂ᭞ᬕᬸᬲ᭄ᬢᬶᬘᬶᬦ᭄ᬢᬭᬶᬂᬳᬗ᭄ᬭᬾ᭠
ᬡᬶ᭞ᬗᬯᬶᬢ᭄ᬤᬶᬦᬵᬦᬾᬫᬗ᭄ᬓᬶᬦ᭄᭞ᬩᭂᬘᬶᬓᬦ᭄ᬳᬶᬕᬸᬲ᭄ᬢᬶᬧᬸᬢᬸᬲ᭄᭞ᬲᬵᬫ᭄ᬧᬸᬦ᭄ᬫᬮᬶᬄᬫᬢᬸᬦᬗᬦ᭄᭞ᬦᬩ᭄ᬤᬩᬶᬦ᭄ᬫᬃᬕ᭄ᬕᬶᬦᬾᬩᭂᬘᬶᬓ᭄᭞ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄᭞ᬳᬗ᭄ᬭᬾᬡᬶᬖ᭄ᬭᬸᬯᬾᬦᬂᬢᬶᬢᬶᬬᬂ᭟ᬬᬦᬶᬂᬤ᭠
Kaca:Bali-lontar-geguritan-anggreni-300ppi.pdf/70
Kaca puniki sampun kauji-wacén
