[᭖᭘ 68 B]
᭖᭘
ᬳᬦ᭄ᬓᬬ᭞ᬢᬹᬃᬓᬲᬸᬩ᭄ᬫᬧᬗ᭄ᬓᬢ᭄ᬢᬶᬗ᭄ᬕᬶ᭞ᬳᭂᬦ᭄ᬢᭀᬗᬯᬦᬂᬫᬦᬸᬗ᭄ᬓᬲ᭄᭞ᬫᬲᬶᬬᬢ᭄ᬭᬶᬂᬚ᭄ᬭᭀᬦᬶ᭠ᬗ᭄ᬳᬢᬶ᭞ᬳᬲᬶᬓᬶᬓᬦ᭄ᬢᭂᬦ᭄ᬫᬪᬹᬓ᭄ᬢᬶ᭞ᬦᬾᬳᬲᬶᬓᬶᬩᬦ᭄ᬢᬲ᭄ᬓᬬᬸᬦ᭄᭞ᬫᬓᭂᬮᬧ᭄ᬫᬭᬯᬢ᭄ᬭᬯᬢ᭄᭞ᬤᬾᬦᬶᬂᬭᬕ
ᬩᬚᬂᬳᬮᬶᬢ᭄᭞ᬲᬶᬦᬄᬚᬸᬚᬸᬃ᭞ᬪᬹᬓ᭄ᬢᬶᬲᬓᬵᬮᬦᬾᬫᭂᬦᬂ᭟ᬳᬚᬶᬦᬾᬩᬦ᭄ᬩᬦ᭄ᬗᬦ᭄ᬤᬶᬓ᭞ᬤᭀᬂ᭠ᬲᬳᬸᬢᬶᬦ᭄ᬧᬫᬸᬜᬶᬳᬚᬶ᭞ᬤᬾᬦᬶᬂᬲᬸᬩᬦᬦ᭄ᬤᭂᬲ᭄ᬲᬜ᭄ᬚ᭞ᬲᬫᭂᬢᭀᬦᬾᬧᬥᬫᬸᬮᬶᬄ᭞ᬳᬗ᭄ᬭᬾᬡᬶᬓᬩᭂᬍ
ᬢ᭄ᬦᬾᬫᬗ᭄ᬓᬶᬦ᭄᭞ᬳᬾᬮᬶᬂᬭᬶᬂᬫᬭᬕᬳᭂᬮᬸᬄ᭞ᬓᬓᬶᬢᭂᬃᬩᬳᬦ᭄ᬲᬫᭂᬢᭀᬦ᭄᭞ᬳᬗ᭄ᬭᬾᬡᬶᬭᬭᬶᬲ᭄ᬜᬳᬸᬭᬶᬦ᭄᭞ᬢᬶᬢᬶᬬᬂᬢᬸᬭᬸᬢ᭄᭞ᬮᬾᬤᬂᬩᬧᬫᬶᬤᬩ᭄ᬤᬩᬂ᭟ᬦᬾᬫᬗ᭄ᬓᬶᬦ᭄ᬢᬦ᭄ᬯᬾᬦ᭄ᬢᭂᬦ᭄ᬫᬃᬕ᭄ᬕ᭞ᬓᬬᬸᬦᬾᬧᬘᬂᬫ᭠
ᬫᬶᬮᬶᬄ᭞ᬲᬚᬩᬢᭂᬓᬦᬸᬳᬸᬢᬂ᭞ᬳᬯᬶᬦᬦ᭄ᬜᭂᬭᬄᬦᬾᬫᬗ᭄ᬓᬶᬦ᭄᭞ᬢᭂᬃᬧᬓ᭄ᬱᬫᬸᬗ᭄ᬓᬶᬃᬚᬜ᭄ᬚᬶ᭞ᬗᬯᬦᬂᬚᬜ᭄ᬚᬶᬦᬾᬧᬸᬢᬸᬲ᭄᭞ᬦᬵᬗ᭄ᬳᬶᬂᬩᭀᬬᬧᬭᬕᬬᬦ᭄᭞ᬤᬾᬦᬶᬂᬧᬶᬓᬬᬸᬦ᭄ᬳᬶᬬᬚᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬲᬫᬶ
[᭖᭙ 69 A]
ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬩᬸᬤᬮ᭄᭟ᬮᬦᬂᬳᬃᬣᬫᬮᬶᬄᬉᬘᬧᬂ᭞ᬧᬓᬬᬸᬦ᭄ᬧᬘᬂᬫᬮᬮᬶ᭞ᬲᬸᬯᬾ᭠ᬦ᭄ᬳᬶᬧᬸᬦ᭄ᬢᬶᬕᬂᬤᬶᬦᬵ᭞ᬗᬯᬦᬂᬓᬬᬸᬦᬾᬲᭂᬥᬶᬄ᭞ᬧᬘᬂᬓᬮᬶᬮᬶᬂᬩᬮᬶ᭞ᬭᬭᬶᬲ᭄ᬤᬦᬾᬫᬧᬶᬢᬳᬸ᭞ᬭᬶᬂ
ᬕᭂᬦᬳᬾᬫᬤᬸᬦᬸᬗᬦ᭄᭞ᬫᬗ᭄ᬭᬭᬶᬲ᭄ᬫᬗ᭄ᬓᬶᬦ᭄ᬫᬫᬃᬕ᭄ᬕᬶ᭞ᬲᬵᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬧᬲᬶᬲᬶᬜ᭄ᬘᬡ᭄ᬥᬶᬤᬰ᭟ᬭᬭᬶᬲ᭄ᬤᬦᬾᬫᬗ᭄ᬮᬦ᭄ᬢᬸᬭᬂ᭞ᬭᬯᬸᬄᬭᬶᬂᬧᬸᬭᬪᬰᬸᬓᬶᬄ᭞ᬧᬸᬭᬲᬦᬾᬓᬧᬶᬂᬮᬶᬫ᭞ᬓᬧᬶᬂᬧᬢ᭄ᬭᬶᬂᬳᬶᬡ᭄ᬥ᭄ᬬ
ᬓᬭᬶ᭞ᬕᭂᬦᬄᬧᬸᬲᬢ᭄ᬓᬲᬶᬯᬶ᭞ᬩᬵᬦ᭄ᬳᬕᬫᬥᬃᬫ᭄ᬫᬳᬶᬡ᭄ᬥᬸ᭞ᬭᬶᬂᬲᬮᬸᬭᬸᬄᬇᬡ᭄ᬥᭀᬦᬾᬲᬶᬬ᭞ᬕᭂᬦᬄᬧᬸᬭᬦᬾᬗᬗᭀᬩᬶᬦ᭄᭞ᬳᬧᬶᬢ᭄ᬕᬸᬦᬸᬂ᭞ᬩᬢᬹᬃᬕᬸᬦᬸᬂᬳᬕᬸᬂᬳᬶᬓ᭟ᬭᬭᬶᬲ᭄ᬤᬦᬾᬫᬗᬯᬸᬳᬂ᭞
ᬲᬕᬾᬢ᭄ᬗᭂᬦᬄᬢᬫ᭄ᬧᬓ᭄ᬱᬶᬭᬶᬂ᭞ᬫᬗᭂᬮᭀᬤᬂᬫᬗᬦᬸᬳᬸᬦᬂ᭞ᬤᭂᬮᭀᬤ᭄ᬦᬾᬫᬵᬤᬦ᭄ᬳᬸᬓᬶᬃᬓᬯᬶ᭞ᬗᬮᬦ᭄ᬢᬸᬃᬭᬭᬶᬲ᭄ᬫᬫᬃᬕ᭄ᬕᬶ᭞ᬕ᭄ᬯᬕᬚᬄᬭᬶᬂᬪᬾᬥᬳᬸᬮᬸ᭞ᬳᭂᬫᬲ᭄ᬳᬸᬩᬸᬤ᭄ᬧᭂᬮᬶᬬᬢᬦ᭄᭞ᬓᬲᬦᬹᬃᬗᭀ
Kaca:Bali-lontar-geguritan-anggreni-300ppi.pdf/69
Kaca puniki sampun kauji-wacén
