[᭖᭗ 67 B]
᭖᭗
ᬤᭂᬫᭂᬦᬾᬓᬤᬸᬂᬫᬓᬶᬮᬶᬢ᭄᭞ᬢᭂᬓᬾᬦ᭄ᬮᬦᬂᬳᬃᬣᬚᬢᬶ᭞ᬩᬶᬱᬗᬯᬾᬫᬦᬄᬳᬶᬩᬸᬓ᭄᭞ᬳᬶᬗᬸᬄᬫᬗᬯᬾᬓᬲ᭄ᬫᬭᬦ᭄᭞ᬤᬾᬦᬶᬂᬫᬦᬄᬢ᭄ᬯᬭᬫᬶᬲᬶ᭞ᬳᬓᬾᬄᬲᬵᬫ᭄ᬧᬸᬦ᭄᭞ᬪᬸᬓ᭄ᬢᬶᬦᬾᬫᬗᬦ᭄ᬢᬸᬂ᭠
ᬳᬯᬓ᭄᭟ᬕᬸᬲ᭄ᬢᬶᬓᭂᬢᬸᬢ᭄ᬲᬯᬸᬭᬾᬕᬗ᭄ᬕ᭄ᬭᬲ᭄᭞ᬫᭂᬮᬄᬗᭂᬦᭀᬢ᭄ᬲᬸᬩᬫᬢᬶ᭞ᬩᬦ᭄ᬤᬶᬂᬫᬗᬯᬾᬦᬂᬚᭂᬗᬄ᭞ᬓᬸᬤᬸᬳᬶᬤᬸᬧ᭄ᬫᬜᭂᬗᬳᬶᬦ᭄᭞ᬫᬗᬯᬾᬦᬂᬓᭂᬤᬾᬓ᭄ᬕᬸᬫᬶ᭞ᬲᬧᬸᬦᬶᬓᬭᬭᬶᬲ᭄ᬧᬸᬧᬸᬢ᭄᭞᭠
ᬲᬫᬶᬧᬥᬫᬫᬵᬢᬹᬢᬂ᭞ᬧᬘᬂᬗᬢᬸᬭᬂᬳᬗ᭄ᬭᬾᬡᬶ᭞ᬫᬗᭂᬳᭂᬲ᭄ᬭᬭᬶᬲ᭄ᬫᬢᬶᬫ᭄ᬧᬸᬄ᭞ᬳᬚᬶᬦᬾᬭᬭᬶᬲ᭄ᬗᬦ᭄ᬤᬶᬓ᭞ᬥᬹᬄᬘᭂᬦᬶᬂᬳᬬᬸᬳᬗ᭄ᬭᬾᬡᬶ᭞ᬲᬸᬩᬳᬤᬸᬂ᭞ᬲᬫᭂᬢᭀᬦ᭄ᬳᬚᬓ᭄ᬫᬓᭂᬚᬂ᭟ᬢ᭄ᬯᬭᬮᬾᬦᬦ᭄ᬦᬾᬭᬯᭀᬲᬂ᭞ᬫᬺ
[᭖᭘ 68 A]
ᬫ᭄ᬩᬸᬕ᭄ᬭᬯᭀᬲ᭄ᬩᭂᬦᭂᬄᬧᭂᬮᬶᬄ᭞ᬗᬦ᭄ᬢᬶᬗᭀᬬᬂᬩᬲᬾᬩᬸᬯᬄ᭞ᬫᬗᬮᬶᬄᬦᬾᬫᬤᬜ᭄ᬚᬢᬶ᭞ᬥᬃ᭠ᬫ᭄ᬫᬬᬰᬲᬸᬩᬫᬫᬥᬶᬓ᭄᭞ᬭᬕᬜ᭄ᬘᭂᬦᬶᬂᬲᬸᬩᬧᬸᬧᬸᬢ᭄᭞ᬲᭂᬫᭂᬢᭀᬦᬾᬫᬫᬯᭀᬲᬂ᭞ᬤᬾᬦᬶᬂᬳᬤᬢᭂᬓ
ᬫᬢᬶ᭞ᬲᬶᬦᬄᬧᬸᬧᬸᬢ᭄᭞ᬭᬕᬜ᭄ᬘᭂᬦᬶᬂᬓᬲᬭᬢᬂ᭟ᬧᬗᬃᬱᬦ᭄ᬳᬶᬤᬩᬧᬦ᭄ᬭᬶᬫ᭞ᬲᬗ᭄ᬓᬦ᭄ᬩᬧᬫᬗ᭠ᬯᬸᬓᬶᬦ᭄᭞ᬘᭂᬦᬶᬂᬳᬧᬂᬢᬢᬲ᭄ᬦᬯᬂ᭞ᬳᬧᬂᬘᭂᬦᬶᬂᬦ᭄ᬭᬶᬫᬩᭂᬘᬶᬓ᭄᭞ᬓᬾᬦ᭄ᬢᭂᬜ᭄ᬘᭂᬦᬶᬂᬦᬾᬚᬦᬶ᭞ᬕᬗ᭄ᬭᬾᬡᬶᬲᬸ
ᬯᬾᬢᬦ᭄ᬲᬳᬸᬃ᭞ᬕᬸᬲ᭄ᬢᬶᬓᭂᬢᬸᬢ᭄ᬫᬗ᭄ᬮᬦ᭄ᬢᬸᬭᬂ᭞ᬤᭀᬂᬲᬳᬸᬢᬶᬦ᭄ᬩᬧᬚᬦᬶ᭞ᬧᬥᬲᬶᬲᬸ᭞ᬲᬫᭂᬢᭀᬦᬾᬧᬘᬂᬩᬸᬤᬮ᭄᭟ᬓᬾᬦ᭄ᬓᬾᬦ᭄ᬩᬳᬦ᭄ᬫᬗᬢᬹᬭᬂ᭞ᬤᬾᬦᬶᬂᬓᬬᬸᬦ᭄ᬤᬸᬭᬸᬂᬗᬶᬮᬶᬲ᭄᭞ᬓᬬᬸᬦ᭄ᬓᬭᬶᬫᬤ᭄ᬯᬧᬭ᭞ᬤ᭠
ᬤ᭄ᬯᬢᬭᬸᬡᬦᬾᬤᭂᬫᭂᬦᬶᬦ᭄᭞ᬮᬦᬂᬳᬃᬣᬬᬾᬦ᭄ᬤᭂᬫᭂᬦᬶᬦ᭄᭞ᬓᬸᬮᬯᬃᬕ᭄ᬕᬢ᭄ᬯᬭᬘᬸᬫ᭄ᬧᬸ᭞ᬓᭀᬩᭂ᭠ᬢ᭄ᬧᬘᬂᬫᬗ᭄ᬮᬗ᭄ᬲᬸᬗᬂ᭞ᬥᬃᬫ᭄ᬫᬬᬰᬬᬾᬦ᭄ᬤᭂᬫᭂᬦᬶᬦ᭄᭞ᬢ᭄ᬯᬭᬧᬢᬸᬄ᭞ᬬᬦ᭄ᬩᬦ᭄ᬤᬶᬗᬂᬮᬦᬂᬳᬃᬣ᭟ᬩᬢᭂᬓ᭄ᬤᭂᬫᭂᬦ᭄ᬩ᭠
Kaca:Bali-lontar-geguritan-anggreni-300ppi.pdf/68
Kaca puniki sampun kauji-wacén
