[᭖᭖ 66 B]
᭖᭖
ᬦᬾ᭞ᬳᬦ᭄ᬢᬸᬓ᭄ᬫᬾᬫᬾᬢᭂᬕᭂᬄᬧᭂᬚᬄ᭞ᬲᬦᬾᬓᬮᬗ᭄ᬓᬸᬂᬧᬶᬢᬺᬱ᭄ᬡ᭞ᬓᬮᬶᬄᬩᬭᬂᬲᬦᬾᬓᬦ᭄ᬢᬸᬦ᭄᭞ᬦᬂᬓᭀᬯᬢ᭄ᬫᬗ᭄ᬤᬗᬤᭀᬮᬂ᭟ᬧᬦᬸᬫ᭄ᬩᬲᬾᬫᬓᬲᬫᬶ᭞ᬓᬲᭂᬭᬳᬂᬭᬶᬂᬦᬂᬓᭀᬯᬢ᭄᭞ᬉᬫᬄᬮ
ᬦ᭄ᬧᬓᬭᬗᬦᬾ᭞ᬫᬗ᭄ᬤᬓᬭᬶᬓᬧᬭᬶᬓ᭄ᬱ᭞ᬩᬾᬜ᭄ᬚᬂᬧᬸᬗ᭄ᬓᬸᬃᬤᬸᬭᬸᬂᬓᬃᬯ᭄ᬯᬦ᭄᭞ᬫᬶᬦᬩ᭄ᬯᬾᬦ᭄ᬢᭂᬦ᭄ᬕᬦ᭄ᬢᬶᬫᬦ᭄ᬢᬸᬓ᭄᭞ᬲᬧᬸᬦᬂᬓᬥᬕᬶᬂᬲᬸᬭᬢ᭄᭟᭚᭜᭚ᬧᬸᬧᬸᬄᬲᬶᬦᭀᬫ᭄᭚᭜᭚ᬳᬗ᭄ᬭᬾᬡᬶᬲᬵᬫ᭄ᬧᬸᬦ᭄ᬓᬧᬶᬦᬂ᭞
ᬥᬃᬫ᭄ᬫᬬᬰᬲᬦᬾᬫᬥᬶᬓ᭄᭞ᬫᬗ᭄ᬓᬶᬦ᭄ᬭᬭᬶᬲ᭄ᬓᬲᬗ᭄ᬓᭂᬧᬂ᭞ᬫᬶᬲᬦ᭄ᬫᬶᬦ᭄ᬤᭀᬦ᭄ᬳᬸᬡ᭄ᬥᬂᬲᬫᬶ᭞ᬫᬗᬾᬩᬢ᭄ᬩᬾᬩᬾᬓ᭄ᬧ᭄ᬭᬫᬗ᭄ᬓᬶᬦ᭄᭞ᬳᬗ᭄ᬕᬾᬦ᭄ᬧᬶᬲᬸᬕᬸᬄᬫᬢᬫ᭄ᬬᬸ᭞ᬲᬯᬢᬭᬧᬸᬓᬸᬮ᭄ᬤᬰ᭞ᬲᬵᬫ᭄ᬧᬸᬦ᭄ᬭᬯᬸᬄᬫᬓᬲ᭠
ᬫᬶ᭞ᬯᬸᬲ᭄ᬫᬮᬸᬗ᭄ᬕᬸᬄ᭞ᬭᬶᬂᬩᬮᬾᬕᭂᬥᬾᬫᬚᬚᬃ᭟ᬫᬸᬮᬧᭂᬭᬄᬳᬤᬢ᭄ᬤᬾᬰ᭞ᬫᬸᬮᬳᬫᬶᬲᬓᬶᬂᬭᬶᬳᬶᬦ᭄᭞ᬬᬤᬶᬦ᭄ᬦᬾᬦ᭄ᬢᭂᬦ᭄ᬫᬫᬸᬢᬸᬲᬂ᭞ᬲᭀᬳᬮ᭄ᬭᬯᬸᬄᬫᬦᭂᬩᭂᬗᬶᬦ᭄᭞ᬲᬵᬫ᭄ᬧᬸᬦ᭄ᬳᬗ᭄ᬓᭂᬧ᭄ᬫᬓᬲᬫᬶ᭞ᬕᬳᬸᬲ᭄ᬢᬶᬓᭂ᭠
[᭖᭗ 67 A]
ᬢᬸᬢ᭄ᬭᬭᬶᬲ᭄ᬫᬢᬹᬃ᭞ᬳᬯᬶᬦᬦ᭄ᬢᬶᬢᬶᬬᬂᬫᬗᬸᬡ᭄ᬥᬂ᭞ᬲᬫᭂᬢᭀᬦᬾᬭᬯᬸᬄᬫᬗ᭄ᬓᬶᬦ᭄᭞ᬦᬸᬦᬲ᭄ᬧᬵᬢᬹᬢ᭄᭞ᬫᬦᬄᬢᬶᬢᬶᬬᬗᬾᬢᬶᬫ᭄ᬩᬗᬂ᭟ᬫᬢᬦ᭄ᬢᬶᬢᬶᬬᬗᬾᬲᭂᬧᭂᬦᬦ᭄᭞ᬩᭀᬬᬲᬶᬤ᭄ᬥᬩᬵᬦ᭄ᬗᬤᬗᬶ᭠
ᬦ᭄᭞ᬳᬗ᭄ᬭᬾᬡᬶᬳᬢᬹᬭᬂᬢᬶᬢᬶᬬᬂ᭞ᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬲᬦᬾᬫᬥᬶᬓ᭄᭞ᬧᬘᬂᬓᬳᬗ᭄ᬕᬾᬦ᭄ᬭᬩᬶ᭞᭠ᬲᬓᬶᬂᬓᬭᬗᬲᭂᬫ᭄ᬢᬸᬳᬸ᭞ᬳᬶᬤᬩᬕᬸᬲ᭄ᬥᬃᬫ᭄ᬫᬬᬰ᭞ᬫᬸᬮᬓᬲᬸᬩ᭄ᬧᬗ᭄ᬓᬢ᭄ᬢᬶᬗ᭄ᬕᬶ᭞ᬦᬶᬓᬤᬸᬫᬸᬦ᭄᭞ᬋᬫ᭄ᬩᬸᬕᬂ
ᬳᬶᬯᬂᬧᬢᬹᬢᬂ᭟ᬩᬩᬯᭀᬲᬾᬲᬮᬶᬂᬢᬶᬫ᭄ᬩᬮ᭄᭞ᬭᬶᬂᬧᬫᬸᬧᬸᬢ᭄ᬳᬤᬸᬂᬲᬫᬶ᭞ᬧᬘᬂᬲᬤ᭄ᬬᬫ᭠ᬗᬢᬹᬭᬂ᭞ᬓᬫᬸᬮᬦ᭄ᬲᬵᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬯᬾᬱ᭄ᬬᬩ᭄ᬭᬳ᭄ᬫᬵᬡᬗᬫ᭄ᬩᬶᬮ᭄᭞ᬢᬦ᭄ᬯᬾᬦ᭄ᬢᭂᬦ᭄ᬳᬮᬗᬦ᭄ᬳᬶᬧᬸᬦ᭄᭞ᬕᬸ᭠
ᬲ᭄ᬢᬶᬓᭂᬢᬸᬢ᭄ᬭᬭᬶᬲ᭄ᬗᬸᬘᬧ᭄᭞ᬢᭂᬓᬾᬦ᭄ᬦᬾᬦᬾᬳᬶᬲ᭄ᬢ᭄ᬭᬶᬳᬶᬲ᭄ᬢ᭄ᬭᬶ᭞ᬳᬧᬂᬳᬤᬸᬂ᭞ᬘᬭᬭᬯᭀᬲᬾᬳᬶᬢᬸᬦ᭄ᬬᬦ᭄᭟ᬫᬾᬫᬾᬢ᭄ᬭᬶᬫᬫᬵᬢᬹᬃᬩᬦ᭄ᬩᬦ᭄᭞ᬧᬶᬬᬸᬦᬶᬂᬢᬶᬢᬶᬬᬂᬲᬸᬚᬢᬶ᭞ᬳᬗ᭄ᬭᬾᬡᬶᬲᬵᬫ᭄ᬧᬸᬦ᭄ᬓᬤᬸᬂᬫᭂᬮᬄ᭞
Kaca:Bali-lontar-geguritan-anggreni-300ppi.pdf/67
Kaca puniki sampun kauji-wacén
