[᭖᭕ 65 B]
᭖᭕
ᬦᬾᬲᬵᬫ᭄ᬧᬸᬦ᭄ᬫᬤᬸᬤᬸᬓ᭄᭞ᬧ᭄ᬭᬕᬶᬡᬦᬾᬢᬍᬃᬩᬸᬤᬮ᭄᭟ᬳᬶᬤᬸᬧᬾᬭᬸᬫᬲᬢ᭄ᬭᬗ᭄ᬓᬶ᭞ᬲᬸᬯᬸᬂᬲᭂᬧᬶᬜᬤᭀᬤᭀᬕᬂ᭞ᬲᬵᬫ᭄ᬧᬸᬦ᭄ᬩᬸᬤᬮ᭄ᬧᬦᭀᬦ᭄ᬢᭀᬦᬾ᭞ᬓᬮᬶᬄᬲᬵᬫ᭄ᬧᬶᬦ᭄ᬬᬤᬲᬼᬫᬄ᭞ᬲᬧᬸᬦᬶᬓ
ᬬᬦ᭄ᬭᬱᬬᬂ᭞ᬤ᭄ᬯᬦᬶᬂᬓᬬᬸᬦ᭄ᬢᬶᬢᬶᬬᬂᬳᬶᬩᬸᬓ᭄᭞ᬫᬾᬫᬾᬢᭂᬕᭂᬄᬲᬵᬫ᭄ᬧᬸᬦ᭄ᬧᭂᬚᬄ᭟ᬳᬾᬮᬶᬂᬭᬶᬂᬲᭂᬓᭀᬮᬳᬾᬫᬗ᭄ᬓᬶᬦ᭄᭞ᬧᬮᬚᬭᬦ᭄ᬤᬸᬭᬸᬂᬢᬫᬢ᭄᭞ᬢ᭄ᬯᬭᬓᬃᬯ᭄ᬯᬦ᭄ᬧᬢᭀᬗᭀᬲᬾ᭞ᬳᬾᬮᬶᬂᬭᬶᬂᬳ
ᬚᬶᬮᬦ᭄ᬩᬶᬬᬂ᭞ᬫᬾᬫᬾᬢᭂᬕᭂᬄᬫᬗᭂᬫ᭄ᬧᬸᬯᬂ᭞ᬘᭂᬢ᭄ᬳᬾᬮᬶᬂᬋᬡ᭄ᬥᬂᬩᬜ᭄ᬚᬸᬃ᭞ᬭᬶᬂᬕᭂᬦᬳᬾᬓᬤᬸ᭠ᬳᬸᬭᬂ᭟ᬤᬤᬶᬗᬧᬶᬳᬜᬸᬤ᭄ᬓᬩᬮᬶ᭞ᬦᬾᬲᬸᬕᬶᬄᬩ᭄ᬯᬶᬦ᭄ᬓᬲᬸᬩ᭄ᬳᬶᬦ᭄ᬤᬄ᭞ᬤᬸᬭᬸᬂᬮᬮᬶᬭᬶᬂᬓᬬᬸᬦᬾ᭞ᬓᬢᬸᬦ᭄ᬤᬸᬂᬬ
ᬲᬓᬶᬂᬤᬸᬤ᭞ᬓᬭᬯᭀᬲᬂᬧᭂᬕᬢ᭄ᬲᬸᬫ᭄ᬧᬄ᭞ᬫᬗ᭄ᬓᬶᬦ᭄ᬓᬶᬚᬧᬘᬂᬮᬓᬸ᭞ᬓᬲᬲᬦ᭄ᬢᭀᬂᬗᭂᬮᬄᬜ᭠ᬫ᭟ᬫᬧᬶᬜ᭄ᬘᭂᬃᬓᬤᬶᬧᭂᬤᬢᬶ᭞ᬓᬬᬸᬦᬾᬲᬦᬾᬳᬦ᭄ᬲᬾᬥ᭞ᬫᬶᬦᭂᬳᬶᬦ᭄ᬦᬲᬶᬩ᭄ᬭᬕᬦᬾ᭞ᬭᬭᬶᬲ᭄ᬫᬲᬸᬓ᭄ᬤᬮᬫ᭄ᬓ
[᭖᭖ 66 A]
ᬫᬃ᭞ᬧᬧᬶᬦᭂᬳᬾᬫᬗᬢᬸᬕ᭄ᬢᬕ᭄᭞ᬧᬓᬬᬸᬦ᭄ᬓᬧᭂᬢᭂᬂᬭᬶᬩᬸᬢ᭄᭞ᬳᬾᬮᬶᬂᬲᬶᬓᬶᬗᬦ᭄ᬢᬸᬂᬭᬕ᭟᭠ᬓᬬᬸᬦ᭄ᬳᬘᬮ᭄ᬫᬓᬲᬫᬶ᭞ᬭᬭᬶᬲ᭄ᬫᬸᬗ᭄ᬕᬄᬤᬸᬳᬸᬃᬭᬜ᭄ᬚᬂ᭞ᬢᭂᬕᬸᬮᬂᬭᬭᬶᬲ᭄ᬢᬮᬶᬦᬾ᭞ᬧᬘᬂᬳᬗ᭄ᬕᭀᬦ᭄ᬗᬦ᭄ᬢᬸᬂᬭ᭠
ᬕ᭞ᬫᬗ᭄ᬤᬯᬸᬲᬦ᭄ᬗᬫᬦᬳᬂ᭞ᬲᬗ᭄ᬲᬭᬫᬢᬸᬫ᭄ᬧᬸᬓ᭄ᬢᬸᬫ᭄ᬧᬸᬓ᭄᭞ᬭᬭᬶᬲ᭄ᬯᬾᬦ᭄ᬢᭂᬦ᭄ᬓᬤᬶᬯᬓ᭄ᬬ᭟ᬘᬳᬶᬩᭂᬮᭀᬕ᭄ᬢᬦ᭄ᬧᬓᬾᬃᬢ᭄ᬢᬶ᭞ᬲᬧᬸᬦᬶᬓᬓᬧᬶᬦᭂᬳᬂ᭞ᬳᬯᬦ᭄ᬩᬗᭂᬢ᭄ᬕᭂᬮᬸᬦᬾ᭞ᬢᬮᬶᬦᬾᬭᬭᬶᬲ᭄ᬓ
ᬮᬾᬩᬂ᭞ᬫᬗ᭄ᬓᬶᬦ᭄ᬳᬾᬮᬶᬂᬭᬶᬂᬭᬕ᭞ᬳᬾᬮᬶᬂᬭᬕᬢ᭄ᬭᬸᬡᬓᬦ᭄ᬢᬸᬦ᭄᭞ᬫᬃᬕ᭄ᬕᬶᬧᬜ᭄ᬚᬂᬫᬮᬶᬄ᭠ᬮᬾᬩᬃ᭟ᬳᬾᬮᬶᬂᬭᬶᬂᬚᬶᬦᬳᬾᬲᬫᬶ᭞ᬢᬶᬕᬂᬢᬮᬶᬭᬶᬗ᭄ᬕᬶᬢ᭄ᬧᬾᬭᬓ᭄᭞ᬳᬗ᭄ᬭᬾᬡᬶᬢᬦ᭄ᬲᬄᬓᬬᬸᬦᬾ᭞
ᬤᬾᬦᬶᬂᬲᬵᬫ᭄ᬧᬸᬦ᭄ᬫᬲᭂᬫᬬ᭞ᬢᬮᬶᬦᬾᬭᬭᬶᬲ᭄ᬓᭂᬮᬾᬲᬂ᭞ᬲᬫ᭄ᬩᬶᬮ᭄ᬫᬗᬾᬮᬶᬗᬂᬓᬬᬸᬦ᭄᭞ᬳᬾᬮᬶᬂᬚᬶᬦᬳᬾᬗᬯᬶᬦᬂ᭟ᬧ᭄ᬭᬫᬗ᭄ᬓᬾᬫᬓᬵᬃᬬ᭄ᬬᬢᬸᬮᬶᬲ᭄᭞ᬭᬭᬶᬲᬂᬓᬶᬭᬶᬫ᭄ᬓᬲᬲᬓ᭄᭞ᬦᭂᬭᬗᬂᬲᬸᬗ᭄ᬲᬸᬢ᭄ᬓᬬᬸ
Kaca:Bali-lontar-geguritan-anggreni-300ppi.pdf/66
Kaca puniki sampun kauji-wacén
