[᭖᭔ 64 B]
᭖᭔
ᬫᬓᭂᬲ᭄ᬬᬩ᭄ᬓᬬᬸᬦᬾ᭞ᬧᬕᬯᬾᬧᭀᬲ᭄ᬲᬕᬾᬢ᭄ᬢᭂᬓ᭞ᬓᬮᬶᬄᬫᬗᬢᬹᬭᬂᬲᬸᬭᬢ᭄᭞ᬲᬸᬭᬢᬾᬓᬢ᭄ᬭᬶᬫᬲᬵᬫ᭄ᬧᬸᬦ᭄᭞ᬳᬮᬦᬢᬾᬲᬓᬶᬂᬲᬲᬓ᭄᭟ᬲᬸᬭᬢ᭄ᬧᭀᬲ᭄ᬓᬩᬸᬓᬓ᭄ᬭᬭᬶᬲ᭄᭞ᬫᬾᬫᬾᬢᭂ
ᬕᭂᬄᬓᬤᬾᬦ᭄ᬗᬶᬭᬶᬫᬂ᭞ᬦᬵᬗ᭄ᬳᬶᬂᬳᬶᬦᬂᬧᬫᬃᬡ᭄ᬦᬦᬾ᭞ᬲᬸᬭᬢᬾᬲᬓᬶᬂᬦᬂᬓᭀᬯᬢ᭄᭞ᬫᬕᬸᬩᬸᬕ᭄ᬤᬤᭀᬲ᭄ᬳᬩᬜ᭄ᬚᬃ᭞ᬚᭂᬮᬲ᭄ᬤᬕᬶᬂᬲᬸᬭᬢ᭄ᬳᬶᬓᬸ᭞ᬲ᭄ᬯᬲ᭄ᬢᬶᬅᬲ᭄ᬢᬸᬦᬫᬰᬶᬯᬬ᭟ᬳᬢᬹᬃᬢᬶᬢᬶᬬᬂᬯᬦ᭄ᬢᬄᬳ᭠
ᬓᬶᬤᬶᬓ᭄᭞ᬤᬾᬦᬶᬂᬲᬵᬫ᭄ᬧᬸᬦ᭄ᬢᬸᬤᬸᬄᬢᬶᬢᬄ᭞ᬭᬶᬂᬲᬫᬶᬧᬥᬧᬾᬃᬫᬲᬾ᭞ᬫᬾᬫᬾᬢᭂᬕᭂᬄ᭠ᬲᬵᬫ᭄ᬧᬸᬦ᭄ᬧᭂᬚᬄ᭞ᬲᬓᬶᬢ᭄ᬜᬦᬾᬩᭀᬬᬭᬳᬢ᭄᭞ᬦᬵᬗ᭄ᬳᬶᬂᬚᬜ᭄ᬚᬶᬧᬘᬂᬮᬫ᭄ᬧᬸᬲ᭄᭞ᬢᬦ᭄ᬓᬮᬶᬗᬸᬩᭂᬭ᭠
ᬢ᭄ᬭᬶᬗᬦ᭄ᬜ᭟ᬯᬦ᭄ᬢᬄᬤᬤᬮᬦ᭄ᬩᬵᬦ᭄ᬲᬓᬶᬢ᭄᭞ᬦᬵᬗ᭄ᬳᬶᬂᬲᬫᬬᬦᬾᬧᭂᬚᬄ᭞ᬧᬸᬦᬶᬓᬬᬲᬦᬾᬓᬗ᭄ᬕᬾ᭞ᬢᬶᬢᬶᬬᬂᬫᬗᬢᬹᬭᬂᬲᬸᬭᬢ᭄᭞ᬓᬮᬶᬄᬚᬕᬫᬗᬢᬹᬭᬂ᭞ᬲᬦᬾᬓᬓᬮᬳᬶᬦ᭄ᬫᬦ᭄ᬢᬸᬓ᭄᭞ᬫᬗ᭄ᬤᬕᬸᬲ᭄ᬢᬶᬢ
[᭖᭕ 65 A]
ᬢ᭄ᬲ᭄ᬯᬶᬓᬦ᭄᭟ᬩᬾᬜ᭄ᬚᬂᬧᬸᬗ᭄ᬓᬸᬃᬲᬶᬭᬉᬦᬶᬂ᭞ᬫᬶᬦᬩ᭄ᬕᬸᬲ᭄ᬢᬶᬧᬘᬂᬢᬸᬮᬓ᭄᭞ᬭᬶᬂᬮᬶᬗ᭄ᬕᬶᬄᬳᬚᬶᬩᬶᬬᬗᬾ᭞ᬬᬦ᭄ᬳᬦ᭄ᬢᬸᬓ᭄ᬕᬸᬲ᭄ᬢᬶᬫᬫᭂᬘᬶᬓᬂ᭞ᬲᬶᬭᬧᬘᬂᬗᬭᬶᬗ᭄ᬲᬸᬦᬂ᭞ᬓᬮᬶᬄᬭᬶᬂᬲᬵᬫ᭄ᬧᬸᬦᬾᬧᬸᬧᬸᬢ᭄᭞ᬧᬸᬧᬸᬢᬂᬳᬸᬢᬂᬧᬶ
ᬳᬸᬢᬂ᭟ᬚᬶᬦᬄᬕᬸᬲ᭄ᬢᬶᬲᬦᬾᬓᬭᬶ᭞ᬓᬮᬶᬄᬧᬘᬂᬓᬶᬭᬶᬫ᭄ᬢᬶᬢᬶᬬᬂ᭞ᬢᬶᬕᬂᬢᬮᬶᬯᬶᬮᬗᬦᬾ᭞᭠ᬫᬓᬲᬫᬶᬭᬶᬗ᭄ᬕᬶᬢ᭄ᬧᬾᬭᬓ᭄᭞ᬓᬮᬶᬄᬢᬶᬢᬶᬬᬂᬦᬸᬦᬲ᭄ᬮᬾᬤᬂ᭞ᬕᬸᬦᬸᬂᬭᬱᬓᬮᬶᬄᬦᬯᬸᬃ᭞ᬓᬮᬶᬄᬢᬦᬄᬧ
ᬓᬭᬗᬦ᭄᭟ᬬᬦᬶᬂᬧᬘᬂᬳᬤᭀᬮ᭄ᬲᬫᬶ᭞ᬓᬶᬭᬶᬫᬂᬲᬸᬭᬢ᭄ᬓᬸᬳᬰ᭞ᬗᬦᬹᬢᬂᬫᬦᬄᬢᬶᬢᬶᬬᬗᬾ᭞ᬲᬳᬤᭀᬳᬤᭀᬄᬫᬫᬃᬕ᭄ᬕ᭞ᬢᬍᬃᬫᬳᬶᬥᭂᬧ᭄ᬫᬢᬸᬮᬓ᭄᭞ᬲᬵᬫ᭄ᬧᬸᬦᬂᬗᬤᭀᬮᬤᬸᬫᬸᬦ᭄᭞ᬲ᭠
ᬤᬸᬭᬸᬂᬕᬸᬲ᭄ᬢᬶᬓᬲᬲᬓ᭄᭟ᬚᭂᬮᬲ᭄ᬲᬤᬕᬶᬗᬶᬂᬢᬸᬮᬶᬲ᭄᭞ᬢᬗᬦ᭄ᬗᭂᬢᭀᬃᬗᬫᭂᬮ᭄ᬲᬸᬭᬢ᭄᭞ᬗᬢᬸᬕ᭄ᬢᬕ᭄ᬢᬭᬶᬓ᭄ᬢᬗ᭄ᬓᬳᬾ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬮᬮᬫ᭄ᬧᬳᬦ᭄᭞ᬧᬦᭀᬦ᭄ᬢᭀᬦᬾᬲᬵᬫ᭄ᬧᬸᬦ᭄ᬩᬸᬤᬮ᭄᭞ᬮᬗ᭄ᬲᬾ᭠
Kaca:Bali-lontar-geguritan-anggreni-300ppi.pdf/65
Kaca puniki sampun kauji-wacén
