[᭖᭓ 63 B]
᭖᭓
ᬦᬶᬦ᭄᭟ᬲᬓᬾᬂᬳᭂᬮᬸᬄᬢᬦ᭄ᬫᬭᬶᬲᬩᬃᬗᬦ᭄ᬢᭀᬬᬂ᭞ᬗᬾᬦ᭄ᬢᭂᬦ᭄ᬩᬶᬱᬲᬮᬾᬂᬳᬦ᭄ᬢᬶ᭞ᬢᬸᬬᬸᬄᬳᬓᬾᬄᬮᬭᬤ᭄᭞ᬮᬶᬬᬸᬦᬦ᭄ᬓᭂᬘᬕ᭄ᬤᬶᬚᬮᬦ᭄᭞ᬲᬕᬾᬢ᭄ᬳᬦᬓ᭄ᬲᬶᬬᭀᬲ᭄ᬫᬤᬶᬓ᭄᭞ᬕᭂᬩᬸᬕ᭄ᬧᬧᭀᬮᭀ
ᬲᬦ᭄᭞ᬦᬾᬦᬾᬓ᭄ᬫᭀᬬᬂᬜᬦᬾᬭᬤᬶᬦ᭄᭟ᬭᬶᬂᬕ᭄ᬭᬶᬬᬦ᭄ᬤᬬᬸᬭᬹᬓ᭄ᬫᬶᬫᬗ᭄ᬓᬶᬦ᭄ᬘᬭᬶᬢᬬᬂ᭞ᬭᬯᬸᬄᬲᬫᭂᬢᭀᬦ᭄ᬲᬫᬶ᭞ᬩᬩᬯᭀᬲᬾᬫᬤᬸᬗᬦ᭄᭞ᬳᬚᬳᬦ᭄ᬲᭀᬫ᭄ᬧᬸᬦ᭄ᬧᬰ᭄ᬘᬢ᭄᭞ᬧᬓᬬᬸᬦᬦ᭄ᬧᬘᬂ
ᬫᬧᬤᬶᬓ᭄᭞ᬮᬯᬸᬢ᭄ᬚᬗ᭄ᬓᭂᬧᬂ᭞ᬥᬃᬫ᭄ᬫᬬᬰᬮᬦ᭄ᬳᬗ᭄ᬭᬾᬡᬶ᭟ᬲᬤᬸᬭᬸᬗᬾᬲᬵᬫ᭄ᬧᬸᬦ᭄ᬗᬶᬮᬶᬲ᭄ᬬᬓᬧᬃᬡ᭄ᬦ᭞ᬲᬶᬦᬄᬧᬘᬂᬫᬧᬶᬓᭀᬮᬶᬄ᭞ᬢᬦ᭄ᬯᬾᬦ᭄ᬢᭂᬦ᭄ᬳᬮᬗᬦ᭄᭞ᬤᬾᬦᬶᬂᬫᬸᬮᬓᬯᭂᬦᬗᬦ᭄᭞ᬩ᭄ᬭᬳ᭄ᬫᬵᬡ
ᬯᬾᬱ᭄ᬬᬫᬭᬩᬶ᭞ᬳᭂᬦ᭄ᬢᭀᬗᬯᬶᬦᬂ᭞ᬗᬸᬢᬸᬲ᭄ᬲᭂᬫᭂᬢᭀᬦ᭄ᬫᬧᬤᬶᬓ᭄᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬓᬧᬶᬮᬶᬄᬦᬾᬫᬫᬃᬕ᭄ᬕ᭞ᬧᬘᬂᬗᬶᬤᬶᬄᬳᬬᬸᬳᬗ᭄ᬭᬾᬡᬶ᭞ᬗᬩᬩᬲᬾᬩᬸᬯᬄ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬤᬸᬤ᭞ᬓᬸᬮᬯᬃᬕ᭄ᬕ
[᭖᭔ 64 A]
ᬦᬾᬳᬗ᭄ᬭᬾᬡᬶ᭞ᬤᬩ᭄ᬤᬩ᭄ᬜᬫ᭄ᬩ᭄ᬭᬫ᭞ᬢᬗ᭄ᬓᭂᬧ᭄ᬲᭀᬮᬄᬓᬤᬶᬭᬶᬳᬶᬦ᭄᭟ᬩᬮᬾᬕᭂᬥᬾᬫᬓᭂᬩᬢ᭄ᬩᬵᬦ᭄ᬢᬶᬓᭂᬄᬳᭂᬦ᭄ᬢᬮ᭄᭞ᬳᬶᬭᬶᬓᬫᬮᬶᬗ᭄ᬕᬶᬄᬲᬫᬶ᭞ᬦᬾᬳᬶᬲ᭄ᬢ᭄ᬭᬶᬫᬩᬦᬾᬳᬦ᭄᭞ᬦᬵᬗ᭄ᬳᬶᬂᬦᭂᬕᬓ᭄ᬫᬵᬋ᭠
ᬧᬋᬧᬦ᭄᭞ᬦᬾᬗᬾᬜ᭄ᬘᬓᬂᬫᬾᬫᬾᬢᬺᬡᬶ᭞ᬕ᭄ᬮᬶᬲᬶᬂᬘᬭᬶᬢ᭞ᬧᬶᬦᬸᬦᬲ᭄ᬢᬦ᭄ᬓᬲᬳᬸᬭᬶᬦ᭄᭟ᬤᬾᬦᬶᬂᬓᬭᬶᬗᬤᬸᬗᬂᬭᬶᬂᬓᬸᬮᬯᬃᬕ᭄ᬕ᭞ᬤᬾᬦᬶᬂᬤᬸᬭᬸᬂᬳᬗ᭄ᬓᭂᬧ᭄ᬲᬫᬶ᭞ᬲᬸᬯᬾᬦ᭄ᬳᬶᬧᬸᬦ᭄ᬧᬶᬢᬸᬂᬤᬶᬦᬵ᭞ᬯᬾᬦ᭄ᬢᭂᬦ᭄ᬧ
ᬘᬂᬩᬮᬲᬦ᭄᭞ᬉᬢᬸᬲᬦ᭄ᬭᬭᬶᬲ᭄ᬫᬧᬫᬶᬢ᭄᭞ᬢᬜ᭄ᬘᬶᬦᬭᬶᬢ᭞ᬭᬯᬸᬄᬭᬶᬂᬓᭀᬣᬫᬗ᭄ᬓᬶᬦ᭄᭟ᬯᬳᬸᬫᬚᭀᬕ᭄ᬭᬶᬂᬦᬢᬄᬲᬵᬫ᭄ᬧᬸᬦ᭄ᬓᬢᭂᬩᬕ᭄᭞ᬲᬵᬫ᭄ᬧᬸᬦ᭄ᬲᬶᬦᬄᬫᬧᬶᬓᭀᬮᬶᬄ᭞ᬧᬸᬦᬶᬓᬗᬯᬶᬦᬂ᭞ᬥᬃ᭠
ᬫ᭄ᬫᬬᬰᬭᬭᬶᬲ᭄ᬕᬶᬭᬂ᭞ᬢᬶᬬᬧ᭄ᬫᬶᬗ᭄ᬕᬸᬧᬸᬮᬂᬧᭂᬃᬕᬶ᭞ᬳᬶᬧ᭄ᬬᬦᬾᬫᭂᬮᬄᬫᭂᬮᬄ᭞ᬲᬶᬦᬄᬧᬘᬂᬩᭂᬭᬲᬶ᭠ᬮ᭄᭟᭚᭜᭚ᬧᬸᬧᬸᬄᬲ᭄ᬫᬭᬦ᭄ᬥᬦ᭚᭜᭚ᬘᬭᬶᬢᬲᭂᬥᭂᬓᬦ᭄ᬮᬶᬗ᭄ᬲᬶᬃ᭞ᬮᬦᬂᬳᬃᬣᬦᬸᬚᬸᬦᭂᬕᬓ᭄᭞ᬓᬤᬶ᭠
Kaca:Bali-lontar-geguritan-anggreni-300ppi.pdf/64
Kaca puniki sampun kauji-wacén
