[᭖᭒ 62 B]
᭖᭒
ᬓᬮᬸᬮᬸᬢᬦ᭄ᬲᭂᬦᭂᬗᬾᬭᬶᬂᬮᬦᬂᬳᬃᬣ᭞ᬲᬸᬓᭂᬄᬧᬘᬂᬫᬗᭂᬮᬾᬲᬶᬦ᭄᭞ᬓᬤᬸᬂᬫᬩᭂᬲᬶᬓᬦ᭄᭞ᬦᬵᬗ᭄ᬳᬶᬂᬚᬢᬶᬯᬃᬡ᭄ᬦᬬᬂ᭞ᬯᬲ᭄ᬯᬲᬬᬂᬩᭂᬲᬶᬓ᭄ᬩᭂᬲᬶᬓ᭄᭞ᬤᬦᬾᬮᬦᬂᬳᬃᬣ᭞ᬩᭀᬬᬲᬓᬾᬂᬘᬶᬦ᭄ᬢᬰᬸᬘᬶ᭟
ᬩᭀᬬᬦᬸᬕᬶᬮᬦᬂᬳᬃᬣᬜᬓ᭄ᬫᬜᬸᬯᬂ᭞ᬤᬾᬦᬶᬂᬤᬦᬾᬢᬸᬓᬂᬮᬸᬓᬶᬲ᭄᭞ᬳᬦᬓ᭄ᬫᬸᬮᬓᬾᬢᭀ᭞ᬫᬭᬩᬶᬤᬶᬧᬓᬬᬸᬦᬦ᭄᭞ᬩᬶᬮᬂᬕᬫ᭄ᬩᬃᬳᬧᬂᬳᬾᬮᬶᬂ᭞ᬤᬶᬢᬸᬓᬚᭂᬍᬕᬂ᭞ᬯᬃᬡ᭄ᬦᬦ᭄ᬳᬤᬶᬦᬾᬓᬮᬸᬓᬶᬲ᭄᭟
ᬳᭂᬤᭀᬄᬧᬭᬳᬤᬶᬧᬘᬂᬫᬜᬶᬤ᭄ᬥᬬᬂ᭞ᬫᭂᬮᬳᬦ᭄ᬲᬸᬩᬲᬸᬯᬸᬤᬶᬦ᭄᭞ᬯᬸᬲᬦ᭄ᬫᬗᬶᬗᭂᬢᬂ᭞ᬳᬧᬗ᭄ᬤᬲᬸᬩᬳᬾᬗ᭄ᬕᬮ᭄᭞ᬓᬬᬸᬦ᭄ᬳᬤᬶᬤᭂᬓ᭄ᬤᭂᬓ᭄ᬲᬶᬢ᭄ᬲᬶᬢ᭄᭞ᬦᬄᬤᭂᬧᬂᬲᬸᬩ᭞ᬤᬦᬾᬓᬾᬮᬗᬦ᭄ᬥᬥᬭᬶ᭟ᬧ
ᬓᬦ᭄ᬢᭂᬦᬦ᭄ᬳᬤᬶᬫᬗᬯᬾᬦᬂᬚᭂᬗᬄ᭞ᬦᬵᬗ᭄ᬳᬶᬂᬚᬢᬶᬦ᭄ᬜᬦᬾᬢᬸᬲᬶᬂ᭞ᬩᬮᬶᬓ᭄ᬫᬜᬬᬗᬂ᭞ᬦᬵᬗ᭄ᬳᬶᬂᬫᬗᬢᬹᬭᬂᬦᬶᬓ᭄ᬫᬢ᭄᭞ᬫᬓᬢᬓ᭄ᬱᬸᬦ᭄ᬢᬸᬓᬂᬮᬸᬓᬶᬲ᭄᭞ᬦ᭄ᬢᭀᬫᬓᬳᬶᬓ᭄ᬮᬦ᭄᭞ᬓᬩᬢᭂᬓ᭄ᬓᬬᬸᬦᬾᬪᬓ᭄ᬢᬶ᭟ᬲᬸ᭠
[᭖᭓ 63 A]
ᬚᬢᬶᬦ᭄ᬜᬘᬶᬦ᭄ᬢᬦ᭄ᬳᬤᬶᬫᬭᬩᬶᬬᬦ᭄᭞ᬢᭀᬂᬫᬦᬸᬕᬶᬫᬗ᭄ᬕᭂᬄᬮᬫᬶ᭞ᬲᬦᬾᬫᬗᬯᬦᬶ᭞ᬍ᭠ᬓᬾᬢᬾᬫᬭᬩᬶᬬᬦ᭄᭞ᬧᬭᬲ᭄ᬧᬭᭀᬲ᭄ᬮᬦᬂᬳᬲ᭄ᬢ᭄ᬭᬶ᭞ᬘᬶᬦ᭄ᬢᬦᬾᬧᬸᬦᬶᬓ᭞ᬲᭂᬓᬃᬫᭂᬦᬸᬄᬲᭂᬓᬃᬯᬗᬶ᭟ᬧ
ᬮᬶᬂᬧᬜ᭄ᬚᬂᬫᬳᬸᬫᬸᬃᬢ᭄ᬯᬄᬤᬸᬯᬂᬍᬫᬄ᭞ᬳᭂᬩᭀᬫᬶᬬᬶᬓ᭄ᬢᭂᬮᬲᬫᬶ᭞ᬤᬶᬢᬸᬧᬘᬂᬢᭂᬓ᭞ᬓ᭠ᬫᬶᬲ᭄ᬓᬶᬦᬦᬾᬫᬗᭀᬥ᭞ᬬᬦᬶᬂᬧᭂᬦᬸᬄᬗᭂᬮᬄᬧᬶᬧᬶᬲ᭄᭞ᬲᭂᬦᭂᬂᬫᬮᬾᬧᬄ᭞ᬳᬲᬶᬂᬓᭂᬦᭂᬳᬂᬲᬶᬦᬄᬫᬶᬲᬶ᭟
ᬚᬫᬦ᭄ᬫᬗ᭄ᬓᬶᬦ᭄ᬲᬫᬶᬫᬫᭂᬃᬮᬸᬯᬂᬚᬶᬦᬄ᭞ᬬᬤᬶᬦ᭄ᬓᬸᬤ᭄ᬬᬂᬫᬦᭂᬧ᭄ᬢᭂᬧᬶᬦ᭄᭞ᬢᭀᬗᭀᬲ᭄ᬤᬶᬤᬾᬰᬓᬮᬶᬄᬓᬮᬄᬩᬳᬦ᭄ᬮᬶᬗ᭄ᬓᬸᬗᬦ᭄᭞ᬮᬦᬂᬳᬃᬣᬳᬦᬓ᭄ᬫᬶᬲ᭄ᬓᬶᬦ᭄᭞ᬓᬮᬶᬄᬢᭀᬂᬜᬶᬤ᭄ᬥᬬᬂ᭞ᬧᬘᬂᬦᬶᬭᬸᬢᬸᬭᬄᬫᬗ᭄ᬓᬶᬦ᭄᭟
ᬳᬓᬾᬄᬳᬦᬓ᭄ᬱᬶᬬᭀᬲ᭄ᬲᬦᬾᬫᬫᬯᭀᬲᬂ᭞ᬯᬾᬦ᭄ᬢᭂᬦ᭄ᬫᬫᬯᭀᬲᬂᬲᬸᬓᬶᬮ᭄᭞ᬓᬦ᭄ᬢᬶᬬᬢᬶᬩ᭠ᬦᬦ᭄᭞ᬢᬶᬗ᭄ᬓᬳᬾᬫᬢᬸᬦᬗᬦ᭄᭞ᬉᬧᬫᬗᬸᬗ᭄ᬕᬳᬶᬦ᭄ᬢᬗ᭄ᬓᬶᬤ᭄᭞ᬢᬸᬬᬸᬄᬓᬮᬶᬦ᭄ᬢᬂ᭞ᬢᬍᬃᬧᬓ᭄ᬱᬚ᭄ᬯᬚᬮᬯ
Kaca:Bali-lontar-geguritan-anggreni-300ppi.pdf/63
Kaca puniki sampun kauji-wacén
