[᭕᭙ 59 B]
᭕᭙
ᬗ᭄ᬭᬾᬡᬶ᭞ᬚᭂᬕᬾᬕᬾᬗᬯᬶᬦᬂᬓᬬᬸᬦ᭄᭞ᬦᬵᬗ᭄ᬳᬶᬂᬦᬾᬦ᭄ᬢᭂᬦ᭄ᬓᬧᬶᬦᭂᬳᬂ᭞ᬦᬧᬶᬚᬢᬶ᭞ᬓᬬᬸᬦᬾᬫ᭠ᬢᬶᬲᬳᬶᬤᬸᬧ᭄᭞ᬲᭀᬓ᭄ᬘᬸᬫ᭄ᬧᬸᬩᬵᬦ᭄ᬓᬚᭂᬕᬾᬕᬦ᭄᭞ᬓᬮᬶᬄᬤᬤᬶᬩᬚᬂᬧᬶᬗ᭄ᬳᬶᬢ᭄᭟ᬳᬡ᭄ᬥᭂᬮ᭄ᬳᬦ᭄ᬢᬸᬓ᭄ᬓᬲᬸᬕᬶᬳ
ᬦ᭄᭞ᬲᬶᬂᬓᭂᬦᭂᬳᬂᬩᬚᬂᬧᬱ᭄ᬝᬶᬓᭂᬦᬶ᭞ᬧᭂᬮᭀᬧᬾᬬᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬥᬃᬫ᭄ᬫᬬᬰᬲᬵᬫ᭄ᬧᬸᬦ᭄ᬩᬸᬤᬮ᭄᭞ᬢᬹᬃᬩᭂᬃᬚᬜ᭄ᬚᬶ᭞ᬫᬗ᭄ᬭᭀᬩᬄᬓᬬᬸᬦᬾᬤᬸᬫᬸᬦ᭄᭞ᬮᭀᬬᬃᬢᭂᬓᬾᬦ᭄ᬧᬓᬬᬸᬦᬦ᭄᭞ᬲᬫᬶ᭠
ᬲᬵᬫ᭄ᬧᬸᬦ᭄ᬓᬳᬸᬲᬦᬶᬦ᭄᭟᭚᭜᭚ᬧᬸᬧᬸᬄᬅᬤ᭄ᬭᬶ᭚᭜᭚ᬮᬦᬂᬳᬃᬣᬲᬗ᭄ᬲᬬᬭᬶᬂᬓᬬᬸᬦ᭄᭞᭠ᬳᬾᬮᬶᬂᬭᬶᬂᬲᬸᬭᬢᬾ᭞ᬓᬧᬶᬦᭂᬄᬫᬗ᭄ᬕᭂᬄᬳᬗ᭄ᬭᬾᬡᬶ᭞ᬩᬮᬲᬦ᭄ᬦᬍᬃᬢᬦ᭄ᬭᬯᬸᬄ᭞ᬳᬗ᭄ᬭᬾᬡᬶᬳᬮᬶᬄᬢᭀᬂᬢᭂᬧᬸ᭠
ᬓ᭄᭞ᬫᭂᬢᬸᬳᬶᬩᬸᬓ᭄ᬫᬫᬸᬮᬶᬲᬄ᭞ᬭᬭᬶᬲ᭄ᬫᬦᬸᬮᬶᬲ᭄ᬫᬗᬸᬦ᭄ᬢᬸᬓ᭄᭞ᬓᬤᬸᬤᬮᬯᬸᬢ᭄ᬓᬶᬭᬶᬫᬂ᭞ᬫᬵᬢᬹᬃᬲᬶ᭠ᬲᬶᬧ᭄ᬬᬦᬶᬂᬳᬶᬯᬂ᭟ᬓᬤᬶᬢᬫ᭄ᬩᬦᬶᬦ᭄ᬓᬬᬸᬦᬾᬳᬶᬩᬸᬓ᭄᭞ᬤᬾᬦᬶᬂᬩᬮᬲᬦᬾ᭞ᬫ᭄ᬩᬯᭀᬲᬂᬢᬦ᭄ᬯᬾᬦ᭄ᬢᭂᬦ᭄ᬲᬶᬲᬶ
[᭖᭐ 60 A]
ᬧ᭄᭞ᬓᬭᬶᬫᬗ᭄ᬕᭂᬄᬓᬤᬶᬤᬸᬫᬸᬦ᭄᭞ᬓᬭᬶᬫᭂᬍᬤ᭄ᬫᬗ᭄ᬤᬧᬗ᭄ᬕᬸᬄ᭞ᬦᬵᬗ᭄ᬳᬶᬂᬲᬤᬸᬓ᭄ᬚᬸᬕᬩᬸᬤᬮ᭄᭞ᬤᬸᬭᬸᬂᬧᭀᬮᬶᬄᬲᭂᬫ᭄ᬧᬢ᭄ᬫᬵᬢᬹᬃ᭞ᬤᬾᬦᬶᬂᬳᬓᬾᬳᬦ᭄ᬧᬓᬵᬃᬬ᭄ᬬᬦ᭄᭞ᬳᬯᬦᬦ᭄ᬢᬦ᭄ᬗᬶᬭᬶᬫ᭄ᬲᬸᬭᬢ᭄᭟ᬮᬦᬂᬳᬃᬣᬫ
ᬧᬶᬦᭂᬄᬭᬶᬂᬓᬬᬸᬦ᭄᭞ᬫᬫᬘᬲᬸᬭᬢᬾ᭞ᬓᬩᬯᭀᬲ᭄ᬲᬸᬭᬢᬾᬲᭂᬧᬶ᭞ᬦᬾᬦ᭄ᬢᭂᬦ᭄ᬧᬢᭂᬄᬓᬤᬶᬤᬸᬫᬸᬦ᭄᭞ᬦᬵᬗ᭄ᬳᬶᬂᬤᬦᬾᬤᬸᬭᬸᬂᬗᬸᬕᬸ᭞ᬤᬶᬚᬧᬘᬂᬮᬯᬸᬢ᭄ᬩᬶᬱ᭞ᬳᬦᬓ᭄ᬮᬸᬄᬩᬸᬤ᭄ᬥᬶᬮᬸᬳᬸᬂ᭞ᬓᬮᬶᬄᬲᬵᬫ᭄ᬧᬸ
ᬦ᭄ᬬᬫᬲᬸᬫ᭄ᬧᬄ᭞ᬧᬘᬂᬫᬸᬡ᭄ᬥᬸᬃᬢᬸᬲᬶᬂᬳᭂᬜᬓ᭄᭟ᬲᬧᬸᬦᬓᬘᬶᬭᬶᬦᬾᬬᬯᭂᬢᬸ᭞ᬮᬦᬂᬳᬃᬣᬫᬗ᭄ᬓᬾ᭞ᬮ᭄ᬯᬶᬃᬮᬬᬗᬦ᭄ᬢᬦ᭄ᬧᬳᬗᬶᬦ᭄᭞ᬤᬸᬭᬸᬂᬓᬃᬯ᭄ᬯᬦ᭄ᬫᬸᬗ᭄ᬕᬄᬢᭂᬥᬸᬦ᭄᭞ᬳᭀᬲᬄᬓᬬᬸᬦᬾᬩᬵᬦ᭄ᬭᬶᬦ᭄ᬤᬸ᭞ᬳ
ᬗ᭄ᬭᬾᬡᬶᬬᬤᬸᬭᬸᬂᬓᬃᬯ᭄ᬯᬦ᭄᭞ᬧᬘᬂᬳᭂᬗ᭄ᬲᬧ᭄ᬦᬾᬦ᭄ᬢᭂᬦ᭄ᬓᬬᬸᬦ᭄᭞ᬓᬮᬶᬄᬤᬸᬭᬸᬂᬢᬍᬃᬓᬃᬯ᭄ᬯᬦ᭄᭞ᬤᭂᬫᭂᬦ᭄ᬢᭂᬓᬾᬦ᭄ᬥᬃᬫ᭄ᬫᬬᬰ᭟ᬦᬵᬗ᭄ᬳᬶᬂᬯᬲ᭄ᬯᬲ᭄ᬳᬮᬶᬄᬲᬓᬶᬂᬲᭂᬫᬸ᭞ᬲᬸᬓᬢ᭄ᬲᬫᬦ᭄ᬢᬸᬓᬾ᭞ᬉᬮᬶᬓᬭᬗᬲᭂᬫ᭄ᬯ᭄ᬬᬓ᭄ᬢᬶ᭞ᬓᬬᬸ
Kaca:Bali-lontar-geguritan-anggreni-300ppi.pdf/60
Kaca puniki sampun kauji-wacén
