[᭕᭘ 58 B]
᭕᭘
ᬲᭀᬮᬳᬾᬬᬲᬓᬶᬂᬢᬸᬳᬸ᭞ᬬᬾᬦᬶᬂᬲᬶᬲᬶᬧ᭄ᬳᬢᬹᬃᬢᬶᬢᬶᬬᬂ᭞ᬲᬫ᭄ᬧᬸᬭᬬᬂᬢᬶᬢᬶᬬᬂᬳᬤᬶ᭟ᬢᬫ᭄ᬩᬫᬦᬶᬲ᭄ᬳᭂᬤᬳᬾᬗ᭄ᬕᬮ᭄᭞ᬫᬜᭂᬕᭂᬓᬂ᭞ᬬᬦᬶᬂᬯᬾᬦ᭄ᬢᭂᬦ᭄ᬢᬫ᭄ᬩᬧᬳᬶᬢ᭄᭞ᬲᬵᬫ᭄ᬧᬸᬦᬼᬧᬾᬳᬗᬤᬸ
ᬫᬸᬦ᭄᭞ᬧᬶᬦᭂᬳᬤᬶᬳᬧᬂᬫᭂᬮᬄ᭞ᬬᬳᬗ᭄ᬭᬾᬡᬶ᭞ᬫᭂᬦᭂᬂᬤᬦᬾᬢᬦ᭄ᬧᬳᬢᬹᬃ᭞ᬤᬾᬦᬶᬂᬤᬦᬾᬓᬭᬶᬩᬶᬫ᭄ᬩᬂ᭞ᬓᬬᬸᬦᬾᬩᬶᬗᬸᬂᬫᬶᬦᭂᬳᬶᬦ᭄᭟ᬫᭀᬢᭀᬭᬾᬲᬵᬫ᭄ᬧᬸᬦ᭄ᬫᬚᬮᬦ᭄᭞ᬥᬃᬫ᭄ᬫᬬᬰᬲᬋᬂᬭ
ᬓᬫᬶᬯᬄᬩᬶᬩᬶ᭞ᬦᬾᬫᬗ᭄ᬓᬶᬦ᭄ᬓᭂᬫ᭄ᬩᬮᬶᬫᬦ᭄ᬢᬸᬓ᭄᭞ᬢ᭄ᬯᬭᬮᬾᬦᬦ᭄ᬦᬾᬭᬯᭀᬲᬂ᭞ᬢ᭄ᬯᬄᬳᬗ᭄ᬭᬾ᭠ᬡᬶ᭞ᬢᬦ᭄ᬫᬭᬶᬯᬦ᭄ᬢᬄᬫᬗᬚᬸᬫ᭄᭞ᬚᭂᬕᬾᬕ᭄ᬤᬦᬾᬢ᭄ᬯᬭᬲᬫ᭞ᬲᬶᬂᬳᬗ᭄ᬕᭀᬦᬲᬫᬶᬩᭂᬘᬶᬓ᭄᭟ᬤᬭᬸᬭᬹ
ᬓ᭄ᬫᬶᬭᬭᬶᬲ᭄ᬜᭂᬮᬕ᭄᭞ᬮᬶᬦ᭄ᬢᬂᬫᭂᬮᬄᬬᬦ᭄ᬩᬓᬢ᭄ᬬᬳᬗ᭄ᬭᬾᬡᬶ᭞ᬇᬩᬸᬦᬾᬲᬳᬸᬭᬾᬳᬮᬸᬲ᭄᭞ᬜᬦ᭄ᬥᬂᬧᬶᬲᬦ᭄ᬢᭀᬧᭂᬃᬮᬸᬳᬂ᭞ᬳᬗ᭄ᬕᭀᬦ᭄ᬭᬩᬶ᭞ᬥᬃᬫ᭄ᬫᬬᬰᬢᭂᬢᭂᬧ᭄ᬫᬗᬸᬦ᭄ᬢᬸᬓ᭄᭞ᬲᬕᬾᬢ᭄ᬜᬭᬸᬫᬵᬋᬧ᭄ᬫᬸᬗ᭄ᬕᬄ᭞᭠
[᭕᭙ 59 A]
ᬫᬶᬭᬶᬩ᭄ᬢᬸᬲᬶᬂᬫᬫᬶᬋᬗᬶᬦ᭄᭟ᬦᬧᬶᬩᬕᬸᬲ᭄ᬧᬘᬂᬳᭂᬜᬓ᭄᭞ᬫᬭᬩᬶᬬᬦ᭄ᬫᬢᭂᬫᬸᬭᬶᬂᬳᬗ᭄ᬭᬾᬡᬶ᭞ᬚᭂᬕᬾᬕ᭄ᬧᬸᬢᬶᬄᬓᬸᬦᬶᬂᬮᬸᬫ᭄ᬮᬸᬫ᭄᭞ᬲᬓᬾᬯᬮᬕᬤᬶᬲ᭄ᬤᬾᬰ᭞ᬩᭀᬬᬦᬸᬕᬶ᭞ᬓᬮᬄᬢᭂᬓᬾᬜ᭄ᬚ᭠
ᬫᬦ᭄ᬩᬃᬭᬸ᭞ᬬᬦᬶᬂᬩᬕᬸᬲ᭄ᬲᬸᬩᬳᭂᬜᬓ᭄᭞ᬩᭂᬮᬶᬄᬲᬤ᭄ᬬᬦᬾᬢᭂᬧᬸᬓᬶᬦ᭄᭟ᬇᬩᬸᬦᬾᬭᬭᬶᬲ᭄ᬫᬦᬶᬫ᭄ᬩᬮ᭄᭞ᬲᬸᬚᬢᬶᬦ᭄ᬜᬩᭂᬃᬕᬳᬸᬮ᭄ᬳᬫᬶᬗ᭄ᬕᬸᬤᬶᬦᬶ᭞ᬩᬸᬤ᭄ᬥᬶᬩᬳᬲᬦᬾᬳᬮᬸᬲ᭄᭞ᬇᬩᬸᬲᬗᭂᬢ᭄ᬘᬸᬫ᭄ᬧᬸᬧᬶᬲᬦ᭄
ᬬᬦᬶᬂᬤᬤᬶ᭞ᬚᬮᬦ᭄ᬢᬸᬦᬲ᭄ᬓᬤᬶᬧᬵᬢᬹᬢ᭄᭞ᬥᬃᬫ᭄ᬫᬬᬰᬭᬭᬶᬲ᭄ᬦᬶᬫ᭄ᬩᬮ᭄᭞ᬕᬤᬶᬲ᭄ᬓᬫ᭄ᬧᬸᬂᬓᬓᬸᬲᬫᬶ᭟ᬤᬬᬸᬭᬹᬓ᭄ᬫᬶᬫᬲᬳᬸᬃᬩᬦ᭄ᬩᬦ᭄᭞ᬳᭂᬦ᭄ᬢᭀᬕᬫ᭄ᬧᬂᬬᬦᬶᬂᬲᬸᬩᬢᭂᬓᭂᬤ᭄ᬤᬶᬦᬶ᭞ᬳᬯᬓ᭄ᬤᬦᬾᬮᬯᬸᬢ᭄ᬓᬧᬸᬢ᭄᭞ᬩᬵ
ᬦ᭄ᬳᭂᬫᬲ᭄ᬮᬦ᭄ᬩᭂᬃᬮᬶᬬᬦ᭄᭞ᬮᬸᬢ᭄ᬳᬸᬮᬸᬭᬶᬦ᭄᭞ᬢᬸᬳᬸᬢ᭄ᬓᭂᬦᭂᬄᬦᬾᬲᬢᬸᬳᬸᬓ᭄᭞ᬲᬶᬦᬄᬩᬶᬱᬬᬩᭂᬭᭀᬩᬄ᭞ᬦᬶᬭᬸᬕᬤᬶᬲ᭄ᬓᭀᬣᬦᬾᬘᬶᬲ᭄᭟ᬭᬶᬂᬧᬫᬸᬧᬸᬢ᭄ᬥᬃᬫ᭄ᬫᬬᬰ᭞ᬜᭂᬭᬄᬓᬮᬄᬓᬬᬸᬦ᭄ᬫᬗᬫ᭄ᬩᬶᬮ᭄
Kaca:Bali-lontar-geguritan-anggreni-300ppi.pdf/59
Kaca puniki sampun kauji-wacén
