[᭕᭒ 52 B]
᭕᭒
ᬗᬂ᭞ᬓᬍᬫ᭄ᬧᬶᬲᬦ᭄᭞ᬳᬦ᭄ᬓᬾᬤᭂᬫᭂᬦᬶᬦ᭄ᬳᬤᬶ᭞ᬗᬍᬧᬲᬂᬩᬩᬤᬶᬳᬦ᭄᭟ᬳᬗ᭄ᬕᭀ᭠ᬦ᭄ᬧᬶᬲᬦ᭄ᬧᬬᬲᬦᬾᬩᬮᬶ᭞ᬳᭂᬤᬭᬸᬗ᭄ᬓᬲ᭄᭞ᬢᬧᬶᬄᬢᬢᬸᬦᬸᬦᬦ᭄᭞ᬲᬸᬩᭂᬗᬶᬦ᭄ᬳᭂᬦ᭄ᬢᬮ᭄ᬓᬸᬧᬶᬗᬾ᭞ᬕᬶ᭠
ᬕᬶᬦᬾᬧᬸᬢᬶᬄᬤᬶᬫᬮᬸ᭞ᬳᬧᬶᬢ᭄ᬲᭂᬍᬫ᭄ᬩᬶᬮᬂᬲᬫ᭄ᬧᬶᬂ᭞ᬲᬶᬦᬳᬤᬶᬓᬲᬬᬗᬂ᭞ᬓᬧᬸᬚᬶᬓᬚᬸᬜ᭄ᬚᬸᬂ᭞ᬳᬦ᭄ᬢᬸᬓ᭄ᬢᬭᬸᬡᬦᬾᬫᭂᬮᬄ᭞ᬲᬦᬾᬲᬤ᭄ᬬ᭞ᬬᬦ᭄ᬳᬤᬶᬧᬘᬂᬫᬭᬩᬶ᭞ᬢᭂᬓᬾᬦ᭄ᬳᬦ᭠
ᬓᬾᬧᬸᬦᬶᬓ᭟ᬳᬤᬶᬧᬘᬂᬫᬲᭂᬓᬸᬂᬲᬳᬶᬲᬳᬶ᭞ᬢᭂᬗᬄᬓᬫᬃ᭞ᬢᬸᬲᬶᬂᬓᬤᬤᬶᬬᬂ᭞ᬓᭂᬦᬲᬸᬦ᭄ᬤᬭᬦ᭄ᬲᬹᬃᬬ᭄ᬬᬦᬾ᭞ᬗᬫᬶᬗ᭄ᬕᬸᬳᬧᬶᬲᬦ᭄ᬧᭂᬲᬸ᭞ᬢᬢ᭄ᬓᬵᬮᬳᬤᬶᬫᬮᬮᬶ᭞ᬭᬩᬶᬦᬾᬢᬍᬃᬗᬢᭂᬳᬂ᭞ᬫᭀ᭠
ᬯᬦᬾᬫᬓᬸᬤᬸᬂ᭞ᬢ᭄ᬯᬭᬤᬤᬶᬳᬦᬓ᭄ᬦᬗᬄ᭞ᬉᬧᬫᬶᬬᬂ᭞ᬲᬓᬤᬶᬳᬶᬓᬸᬤᬩᬾᬡ᭄ᬥᬶ᭞ᬓᬵᬮᬗᬗ᭄ᬕᬾᬢᬸᬢᬸᬧ᭄ᬫᬢ᭟ᬭᬶᬢᬢ᭄ᬓᬵᬮᬭᬩᬶᬦ᭄ᬳᬤᬶᬦᬾᬫᬮᬮᬶ᭞ᬧᬭᬕᬬᬦ᭄᭞ᬓᬸᬜ᭄ᬘᬶᬦᬾᬓᬩᬓ᭄ᬢᬶ᭞ᬫᬶᬯᬄᬓᬸ
[᭕᭓ 53 A]
ᬜ᭄ᬘᬶᬍᬫᬭᬶᬦᬾ᭞ᬳᬤᬶᬧᬸᬧᬸᬢ᭄ᬤᬶᬤᬧᬸᬃ᭞ᬳᬗ᭄ᬭᬾᬡᬶᬭᬭᬶᬲ᭄ᬜᬳᬸᬭᬶᬦ᭄᭞ᬦᬾᬦ᭄ᬢᭂᬦ᭄ᬧᬵᬢᬹᬢ᭄ᬲᬧᬸᬦᬶᬓ᭞ᬩᭀᬬᬢᬶᬗ᭄ᬓᬄᬮᬓᬸ᭞ᬓᬮᬶᬄᬳᬤᬢ᭄ᬧᭂᬃᬕᬳᬸᬮᬦ᭄᭞ᬭᬸᬲᬓ᭄ᬧᬶᬲᬦ᭄᭞ᬓᬤᬶᬧᬃᬡ᭄ᬦᬦ᭄ᬤ
ᬬᬸᬯ᭄ᬬᬓ᭄ᬢᬶ᭞ᬤᬾᬦᬶᬂᬤᬬᬸᬤᬸᬭᬸᬂᬓᭂᬦᬮ᭄᭟ᬤᬬᬸᬭᬹᬓ᭄ᬫᬶᬭᬭᬶᬲ᭄ᬫᬜᬳᬸᬭᬶᬦ᭄᭞ᬓᭂᬦᬮ᭄ᬳᬧ᭞ᬍᬩᬶᬄᬢᭂᬓᬾᬦ᭄ᬓᭂᬦᬮ᭄᭞ᬫᬫᬘᬲᬸᬭᬢᬾᬳᭂᬦᬾ᭞ᬳᬗ᭄ᬭᬾᬡᬶᬦᬶᬫ᭄ᬩᬮ᭄ᬫᬵᬢᬹᬃ᭞ᬫᬸᬮᬦ᭄ᬤᬦᬾᬩᬳᬶᬓ᭄ᬩᬸᬤ᭄ᬥᬶ᭞
ᬫᬗ᭄ᬓᬶᬦ᭄ᬲᭂᬥᭂᬂᬓᬲᬸᬲᬸᬧᬦ᭄᭞ᬍᬕᬦᬾᬗᬮᬶᬧᬸᬢ᭄᭞ᬫᬶᬦᬩ᭄ᬤᬬᬸᬤᬸᬭᬸᬂᬯᬶᬓᬦ᭄᭞ᬗᬭᬱᬬᬂ᭞ᬬᬦ᭄ᬲᬵᬫ᭄ᬧᬸᬦ᭄ᬍᬕᬜᬸᬲᬸᬧᬶᬦ᭄᭞ᬧᭂᬲᬸᬘᭂᬫ᭄ᬩᬸᬭᬸᬤᬶᬫᬦᬄ᭟ᬤᬬᬸᬭᬹᬓ᭄ᬫᬶᬩᬗ᭄ᬕ᭄ᬭᬲ᭄ᬭᬭᬶᬲ᭄ᬜᬳᬸᬭᬶᬦ᭄᭞ᬬᬾ
ᬦᬶᬂᬓᬾᬢᭀ᭞ᬤᬤᬶᬫᬪᬶᬦᬬᬦ᭄᭞ᬢᬶᬗ᭄ᬓᬄᬗ᭄ᬭᬱᬦᬶᬦᬼᬕᬦᬾ᭞ᬘᬗ᭄ᬓ᭄ᬭᬶᬫᬂᬩᬵᬦ᭄ᬓᬬᬸᬦ᭄ᬭᬶᬦ᭄ᬤᬸ᭞᭠ᬬᬦ᭄ᬓᬤᬶᬢᬶᬢᬶᬬᬂᬦᬾᬫᬗ᭄ᬓᬶᬦ᭄᭞ᬬᬤ᭄ᬬᬦ᭄ᬯᬢᭂᬚᬶᬂᬤᬾᬯᬢ᭞ᬲᬓᬾᬮᬗᬶᬢ᭄ᬭᬯᬸᬄ᭞ᬫᬗᬓᬸᬲᭂᬦᭂᬂᬭᬶᬂᬳᬶᬢᬶ
Kaca:Bali-lontar-geguritan-anggreni-300ppi.pdf/53
Kaca puniki sampun kauji-wacén
