[᭕᭒ 53 B]
᭕᭓
ᬬᬂ᭞ᬢᬹᬃᬫᬓ᭄ᬢᬬᬂ᭞ᬚᬫᬂᬳᭂᬫᬲ᭄ᬓᬭᬸᬦ᭄ᬢᬸᬢᬶᬦ᭄᭞ᬧᬗ᭄ᬕᭀᬲᬸᬢᬺᬳᬳᬶᬦᬮ᭄᭟ᬦᬵᬗ᭄ᬳᬶᬂᬧᬵᬢᬹᬢ᭄ᬓᬩᬾᬩᬲᬂᬲᬫᬶ᭞ᬬᬦ᭄ᬓᬮᬭᬂ᭞ᬢᬶᬢᬶᬬᬂᬓᬧᬵᬢᬹᬢᬂ᭞ᬤᬶᬚᬸᬫᬄᬲᬳᬶᬢᭀᬗᭀᬲᬾ᭞ᬓᬧ
ᬓ᭄ᬱᬫᬗ᭄ᬤᬲᬢᬸᬢᬸᬢ᭄᭞ᬬᬦ᭄ᬢᬶᬢᬶᬬᬂᬦᬸᬚᬸᬫᬕᭂᬡ᭄ᬥᬶᬂ᭞ᬢᬸᬲᬶᬂᬤᬤᬶᬤᬶᬗᭂᬄᬮᬾᬦᬦ᭄᭞ᬦᬾᬦ᭄ᬢᭂᬦ᭄ᬢᬶᬢᬶᬬᬂᬘᬸᬫ᭄ᬧᬸ᭞ᬓᬮᬶᬄᬢᬶᬢᬶᬬᬂᬢ᭄ᬯᬭᬳᭂᬜᬓ᭄᭞ᬲ᭄ᬮᬫᬢ᭄ᬚᬮᬦ᭄᭞ᬚᬫᬂᬳᭂᬫᬲ᭄ᬮᬦ᭄ᬩᬶᬤᬸᬭᬶ᭞ᬲᬼᬫ᭠
ᬢ᭄ᬧᭂᬃᬕᬶᬲᬸᬢᬺᬳᬶᬦᬮ᭄᭟ᬓᬤᬶᬢᬶᬢᬶᬬᬂᬩᬾᬩᬲ᭄ᬦᬸᬭᬸᬢ᭄ᬳᬢᬶ᭞ᬩᭀᬬᬮᬾᬦᬦ᭄᭞ᬧᭂᬃᬘᬬᬭᬶᬗ᭄ᬳᬯᬓ᭄᭞ᬧᬮᬶᬂᬢᬶᬗ᭄ᬕᬶᬢᬸᬚᬸᬳᬦᬾ᭞ᬳᬗᭀᬩ᭄ᬢᬶᬢᬶᬬᬂᬫᬸᬗ᭄ᬕ᭄ᬯᬶᬂᬓᬬᬸᬦ᭄᭞ᬓᬬᬸᬦ᭄ᬳᬤᬶᬓᬤᬶᬫᬗ᭄ᬓᬶ᭠
ᬦ᭄᭞ᬤᬤᭀᬲ᭄ᬳᬤᬶᬫᬸᬤᬄᬧᬶᬲᬦ᭄᭞ᬧᭀᬮᭀᬲ᭄ᬢᭂᬓᬓᬬᬸᬦ᭄᭞ᬗᭂᬜᬓᬶᬜ᭄ᬚᬦ᭄ᬫᬦᬾᬦᬶᬱ᭄ᬝ᭞ᬲᬦᬾᬓᭂᬚᬫ᭄᭞ᬫᬓᭂᬚᬂᬢ᭄ᬯᬭᬚᬤᬤᬶ᭞ᬫᬓᭂᬚᬂᬫᬳᬦ᭄ᬮᬭᬗᬦ᭄᭟ᬫᬶᬦᬩ᭄ᬳᬤᬶᬧᬘᬂᬤᬤᭀᬲ᭄ᬦᬧᬶᬓ
[᭕᭔ 54 A]
ᬧᬸᬗ᭄ᬓᬸᬭᬦ᭄᭞ᬲᬧᬸᬦᬧᬶᬫᬶᬦᬩ᭄᭞ᬕᬫ᭄ᬩᬭᬦ᭄ᬳᬶᬤᬸᬧ᭄ᬫᬢᬶᬦᬾ᭞ᬩᬶᬗᬸᬂᬢᬶᬢᬶᬬᬗᬾᬓᬮᬗ᭄ᬓᬸᬂ᭞ᬗᬫᬦᬳᬶᬦ᭄ᬦᬲᬶᬩ᭄ᬳᬤᬶ᭞ᬳᬤᬶᬗᬚᬸᬫ᭄ᬢᬹᬃᬜᬸᬫ᭄ᬩᬸᬗᬂ᭞ᬤᬶᬮᬗᬶᬢᬾᬪᬶᬭᬸ᭞ᬓᬤᬶᬢᬶᬢᬶᬬᬂᬩᭀᬬᬮᬾᬦᬦ᭄
᭞ᬗᬫᬦᬳᬂ᭞ᬢ᭄ᬭᬸᬡᬦᬾᬤᭂᬫᭂᬦᬶᬦ᭄ᬳᬤᬶ᭞ᬫᬗ᭄ᬭᬫ᭄ᬧᬲ᭄ᬳᬓ᭄ᬯᬦᬶᬢ᭟ᬳᬶᬗ᭄ᬕᬶᬳᬤᬶᬓᬲᬸᬩ᭄ᬘᬡ᭄ᬝᬶᬓ᭄᭞ᬬᬦ᭄ᬭᬶᬂᬚᬕᬢ᭄᭞ᬳᬓᬾᬄᬗᬫᬶᬭᬶᬬᬂ᭞ᬭᬶᬂᬲᬫᬶᬢᬶᬫ᭄ᬧᬮ᭄ᬢᬶᬫ᭄ᬧᬮᬾ᭞ᬓᬶᬚᬧᬘᬂᬳᬤᬶᬜᬳᬸᬩ᭄᭞᭠
ᬥᬹᬄᬲᬬᬂᬲᬦ᭄ᬳᬤᬶᬫᬭᬩᬶ᭞ᬢᭂᬓᬾᬦ᭄ᬳᬦᬓᬾᬧᬸᬦᬶᬓ᭞ᬳᬤᬶᬲᬶᬦᬄᬫᬢᭂᬕᬸᬮ᭄᭞ᬧᬘᬂᬤ᭠ᬤᬶᬧᭂᬃᬫᬳᬶᬦᬦ᭄᭞ᬲᬬᬂᬓᬸᬢᬂ᭞ᬳᬶᬡ᭄ᬥᬬᬂᬳᬤᬶᬧᬶᬦᭂᬳᬶᬦ᭄᭞ᬳᬤᬶᬢᬶᬢᬶᬬᬂᬩᬚᬂᬳᬧᬶᬲᬦ᭄᭟ᬩᬾ᭠
ᬜ᭄ᬚᬧᬸᬗ᭄ᬓᬸᬃᬢᬍᬃᬧᬶᬦᭂᬳᬶᬦ᭄᭞ᬳᬤᬶᬯᬶᬓᬦ᭄᭞ᬢᭂᬢᭂᬧ᭄ᬫᬢ᭄ᬭᬶᬲᬦ᭄ᬥ᭄ᬬ᭞ᬫᬗᬶᬜ᭄ᬘᭂᬧ᭄ᬲᬂᬳ᭄ᬬᬂᬯᬶᬘᬷᬦᬾ᭞ᬢᬓᭂᬄᬳᬤᬶᬢ᭄ᬯᬭᬭᬸᬗᬸ᭞ᬢᬺᬱ᭄ᬡᬦ᭄ᬢᬶᬢᬶᬬᬗᬾᬭᬶᬗ᭄ᬳᬤᬶ᭞ᬦᬵᬗ᭄ᬳᬶᬂᬲᬸᬚᬢᬶᬦ᭄ᬦᬾᬳᬤᬶ᭞ᬦᬾᬦ᭄ᬢᭂᬦ᭄ᬧᬘᬂ
Kaca:Bali-lontar-geguritan-anggreni-300ppi.pdf/54
Kaca puniki sampun kauji-wacén
