[᭕᭑ 51 B]
᭕᭑
ᬦ᭄ᬗᬯᬦᬂ᭞ᬳᬤᬶᬗ᭄ᬭᭀᬩᬄᬧᬬᬲ᭄᭞ᬓᬮᬶᬄᬗ᭄ᬭᭀᬩᬄᬓᬮᬓ᭄ᬯᬦᬾ᭞ᬩᬚᬸᬦ᭄ᬳᬤᬶᬦᬾᬦᬾ᭠ᬤᬸᬫᬸᬦ᭄᭞ᬓᬮᬸᬂᬲᬸᬢᬺᬮᬦ᭄ᬓᬳᬶᬦ᭄ᬩᬢᬶᬓ᭄᭞ᬤᬶᬚᬧᬸᬦᬶᬓᬫᬕᭂᬦᬄ᭞ᬳᬤᬶᬲᬓᬶᬂᬤᬸᬲᬸᬦ᭄᭞ᬩᭀᬬ᭠
ᬢᬶᬢᬶᬬᬂᬧᬸᬭᬸᬦ᭄ᬜᬘᬤ᭄᭞ᬢᬸᬭᬄᬓᭀᬣ᭞ᬲᬦᬾᬘᬘᬤ᭄ᬢᬶᬢᬶᬬᬂᬯ᭄ᬬᬓ᭄ᬢᬶ᭞ᬘᬭᬫᭀᬥ᭠ᬩᬲᬼᬩᬶᬳᬦ᭄᭟ᬳᬶᬩᬶᬳᬤᬶᬫᬩᬚᬸᬬᬸᬓᬾᬦ᭄ᬲᬶ᭞ᬢᬗ᭄ᬓᬄᬢᬶᬗ᭄ᬕᬃ᭞ᬭᬫ᭄ᬩᬸᬢᬾᬫᬲᬲᬓ᭄᭞ᬕᬬᬓᭀ
ᬣᬢᬶᬗ᭄ᬓᬄᬮᬓᬸᬦᬾ᭞ᬳᬦᬾᬗᬂᬓᬳᬮᬸᬦᬮᬸᬦ᭄᭞ᬭᬶᬂᬢᭂᬗᬄᬚᬦ᭄ᬫᬦᬾᬢᬶᬢᬶᬩ᭄᭞ᬢᬶᬢᬶᬬᬂᬓ᭄ᬮᬶᬦ᭄ᬢᬧᬺᬘᬬ᭞ᬩᭀᬬᬲᬓᬶᬂᬓᬬᬸᬦ᭄᭞ᬳᬤᬶᬯᭂᬢᬸᬧᬭᬕᬬᬦ᭄᭞ᬳᬶᬦᬩᬂᬢᬶᬢᬶᬬᬂ᭞ᬳᬤᬶ᭠
ᬦᬸᬭᬸᬢ᭄ᬩᬚᬂᬫᬗ᭄ᬓᬶᬦ᭄᭞ᬦᬾᬓᬩᬯᭀᬲ᭄ᬓᬫᬚᬸᬳᬦ᭄᭟ᬓᬫᬚᬸᬳᬦ᭄ᬳᬤᭀᬄᬫᬶᬦᬩ᭄ᬭᬶᬂᬳᬤᬶ᭞ᬩᭀᬬᬦᬶᬓ᭞ᬦᬾᬤᬤᬶᬢᬸᬚᬸᬳᬦ᭄᭞ᬳᬫᬸᬂᬗ᭄ᬭᭀᬩᬄᬧᬬᬲᬦᬾ᭞ᬳᬗ᭄ᬕᬾᬧᬬᬲᬦᬾᬫᬮᬸ᭞
[᭕᭒ 52 A]
ᬦᬾᬫᬸᬮᬫᬗᬗ᭄ᬕᬾᬩᬮᬶ᭞ᬳᬤᬶᬳᬫ᭄ᬧᬸᬭᬬᬂ᭞ᬳᬤᬶᬮᬶᬦ᭄ᬢᬂᬳᬬᬸ᭞ᬩᭀᬬᬧᬗᬗ᭄ᬕᭀᬗᬯᬦᬂ᭞ᬓᬘᬡ᭄ᬝᬶᬓᬦ᭄᭞ᬫᬸᬮᬩᬪᬓ᭄ᬢᬦ᭄ᬦᬸᬫᬥᬶ᭞ᬲᬓᬶᬂᬧᬦᬸᬫ᭄ᬲᬂᬳ᭄ᬬᬂᬢᬶᬢᬷᬄ᭟ᬲᬵᬫ᭄ᬧᬸᬦ᭄ᬫᭂ
ᬗ᭄ᬕᬄᬧᬓᬬᬸᬦᬦ᭄ᬳᬤᬶ᭞ᬩᭀᬬᬮᬾᬦᬦ᭄᭞ᬳᬤᬶᬤᬸᬯᬾᬦ᭄ᬢᬶᬢᬶᬬᬂ᭞ᬩᭀᬬᬲᬾᬯᭀᬲ᭄ᬢᬶᬢᬶᬬᬂᬦᬺᬯᬾᬦᬶᬦ᭄᭞ᬤᭂᬧᬂᬳᬦᬓᬾᬢᬜ᭄ᬘᬸᬫ᭄ᬧᬸ᭞ᬜᬘᬤᬶᬦ᭄ᬭᬕᬦ᭄ᬳᬤᬶᬦᬾ᭞ᬓᬩᬯᭀᬲᬂᬩᬚᬂ
ᬤᬾᬰ᭞ᬦᬾᬦ᭄ᬢᭂᬦ᭄ᬜᬓ᭄ᬲᬢᬸᬭᬸᬢ᭄᭞ᬧᬘᬂᬗᬮᬶᬄᬓᬫᬚᬸᬳᬦ᭄᭞ᬫᭀᬤᬧᬬᬲ᭄᭞ᬚᬫᬦ᭄ᬩᬭᬸᬓᬤᬶᬫᬗ᭄ᬓᬶᬦ᭄᭞ᬲᬧᬸᬦᬶᬓᬤᬕᬶᬂᬲᬸᬭᬢ᭄᭟ᬭᬲᭂᬥᭂᬓᬾᬳᬗ᭄ᬭᬾᬡᬶᬫᬫᬘᬢᬸᬮᬶᬲ᭄᭞ᬢᭂᬗᬄ
ᬓ᭞ᬳᬃ᭞ᬧᬶᬦ᭄ᬢᬸᬦᬾᬓᬩᬸᬓᬓ᭄᭞ᬤᬤᬶᬫᬓᬲ᭄ᬬᬩ᭄ᬓᬬᬸᬦᬾ᭞ᬤᬬᬸᬭᬹᬓ᭄ᬫᬶᬭᬭᬶᬲ᭄ᬫᬲᬸᬓ᭄᭞ᬲᬸᬭᬢᬾᬓᬕᬸᬚᭂᬕ᭄ᬫᬗ᭄ᬓᬶᬦ᭄᭞ᬲᬸᬭᬢᬾᬭᬭᬶᬲ᭄ᬓᬧᬘ᭞ᬫᭀᬯᬦᬾᬩᬭᬓ᭄ᬲᭂᬩᬸᬄ᭞ᬩᬶᬩᬶᬳᬾᬬᬗᬍᬩᭂ
Kaca:Bali-lontar-geguritan-anggreni-300ppi.pdf/52
Kaca puniki sampun kauji-wacén
