[᭕᭐ 50 B]
᭕᭐
ᬦᬾᬦᬾᬓᬧᬗ᭄ᬕᬶᬄ᭞ᬭᬶᬂᬯᬦ᭄ᬢᬶᬮᬦᬾᬤᬶᬩᬶ᭞ᬓᬬᬸᬦᬾᬲᬢᭂᬗᬄᬳᬶᬤᬸᬧ᭄᭞ᬮᬦᬂᬳᬃᬣᬗᬫ᭄ᬩᬶᬮ᭄ᬓᭂᬃᬣᬲ᭄᭞ᬫᬧᬶᬦᭂᬄᬦᭂᬕᬓ᭄ᬫᬦᬸᬮᬶᬲ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬲᬸᬭᬢᬾᬭᬭᬶᬲ᭄ᬓᬶᬭᬶᬫᬂ᭟᭚᭜᭚
ᬧᬸᬧᬸᬄᬥᬡ᭄ᬥᬂ᭚᭜᭚ᬓᬸᬤᬂᬤᬶᬦᬵᬧᬶᬦᬄᬓᬸᬤᬂᬰᬰᬶᬄ᭞ᬫᬩᭂᬮᬲᬦ᭄᭞ᬢ᭄ᬯ᭠ᬭᬩᬶᬲᬳᭂᬗ᭄ᬲᬧ᭄᭞ᬓᬤᬶᬧᬦ᭄ᬤᬶᬓᬦ᭄ᬳᬤᬶᬦᬾ᭞ᬤᬶᬢᭂᬗᬄᬲᬮᬓᬾᬮᬶᬬᬸ᭞ᬓᬲᬡ᭄ᬥᬶᬂᬩᬵᬦ᭄ᬧᬸᬜᬦ᭄ᬯᬦᬶ᭞ᬗᬶᬢᬸ
ᬗᬂᬗᬮᬶᬄᬢ᭄ᬮᬕ᭞ᬯᬃᬡ᭄ᬦᬦ᭄ᬳᬤᬶᬦᬾᬓᭂᬘᬸᬤ᭄᭞ᬧᬕᭂᬄᬗᬫᭂᬮ᭄ᬧᬓᬬᬸᬦᬦ᭄᭞ᬗᬶᬘ᭄ᬙᬾᬦ᭄ᬢᬶᬢᬶᬬᬂ᭞ᬫᬧᬫᬶᬢ᭄ᬗᬮᬳᬶᬦ᭄ᬳᬤᬶ᭞ᬧᬸᬦᬶᬓᬳᬾᬮᬶᬗᬂᬢᬶᬢᬶᬬᬂ᭟ᬓᬦ᭄ᬢᬸᬦ᭄ᬳᬾᬮᬶᬂᬓᬮᬶᬄᬓᬭᬶᬗᬶᬮᬶᬲ᭄᭞ᬉ
ᬧᬫᬬᬂ᭞ᬓᬤᬶᬲ᭄ᬯᬭᬦ᭄ᬳᭂᬚᬫ᭄᭞ᬭᬶᬓᬵᬮᬢᭂᬗᬄᬯᭂᬗᬶᬦᬾ᭞ᬳᬤᬶᬗᬾᬦ᭄ᬓᬾᬦ᭄ᬫᬗ᭄ᬤᬢᭂᬕᬸᬄ᭞ᬧᬶᬗ᭄ᬓᬮᬶᬄᬲᬩᬃᬭᬶᬂᬳᬢᬶ᭞ᬧᬘᬂᬦᭂᬫ᭄ᬧᬸᬄᬓᬳᬶᬤᬸᬧᬦ᭄᭞ᬓᬮᬶᬄᬲᬸᬭᬢᬾᬦᬾᬤᬸᬫᬸᬦ᭄᭞ᬧᬸᬦᬶᬓᬬᬦᬶᬂᬳᬾ᭠
[᭕᭑ 51 A]
ᬮᬶᬗᬂ᭞ᬫᬗᬯᬶᬦᬂ᭞ᬫᬦᬄᬢᬶᬢᬶᬬᬂᬦᬾᬦ᭄ᬢᭂᬦ᭄ᬩᭂᬘᬶᬓ᭄᭞ᬬᬤᬶᬦ᭄ᬳᬤᭀᬄᬫᬩᭂᬮᬲᬦ᭄᭟ᬘᬭᬓᭀᬣᬳᬓᬾᬄᬫᬦᬶᬭᬸᬫᬗ᭄ᬓᬶᬦ᭄᭞ᬫᬗᬮᬶᬫ᭄ᬩᬓ᭄᭞ᬫᬗ᭄ᬭᬜ᭄ᬚᬶᬂᬓᬤᬾᬰ᭞ᬳᬯᬶᬦᬦ᭄ᬳᬶᬤᬤᬦᬾ
ᬦᬾ᭞ᬲᬫᬶᬫᬧᬧᬶᬦᭂᬄᬢᬓᬸᬢ᭄᭞ᬚᭂᬭᬶᬄᬢᭂᬓᬾᬦ᭄ᬫᬸᬤᬮᬦ᭄ᬫᬸᬤᬶ᭞ᬳᬤᬢ᭄ᬲᭀᬧᬦ᭄ᬭᬶᬂᬤᬾᬰ᭞ᬓᭂᬦᬶᬬᬓᬕᬗ᭄ᬕᬸ᭞ᬳᬦ᭄ᬢᬸᬓ᭄ᬢᬸᬭᬄᬫᬗ᭄ᬓᬶᬦ᭄ᬢᭂᬓ᭞ᬦᬵᬗ᭄ᬳᬶᬂᬢᬶᬢᬶᬬᬂ᭞ᬢᬶᬢᬶᬬᬂᬧᬃᬘ᭄ᬘᬬᬭᬶᬗ᭄ᬳᬤᬶ
᭞ᬩᭀᬬᬦᬸᬕᬶᬂᬭᭀᬩᬄᬳᬤᬢ᭄᭟ᬳᬫ᭄ᬧᬸᬭᬬᬂᬳᬢᬹᬃᬢᬶᬢᬶᬬᬂᬫᬗ᭄ᬓᬶᬦ᭄᭞ᬢᭂᬭᬸᬲ᭄ᬕᬶᬭᬂ᭞ᬫ᭠ᬗ᭄ᬤᬲᬵᬫ᭄ᬧᬸᬦ᭄ᬢᬶᬢᬶᬬᬂ᭞ᬲᬶᬲᬶᬧ᭄ᬭᬶᬂᬮᬶᬗ᭄ᬕᬶᬄᬳᬤᬶᬦᬾ᭞ᬫᬗ᭄ᬤᬲᬓᬾᬂᬢᬸᬮᬸᬲ᭄ᬓᬬᬸ᭞ᬬᬦ᭄ᬲᬓᬾᬂᬘᬶᬦ᭄ᬢᬲᬸᬚᬢᬶ
᭞ᬲᬵᬫ᭄ᬧᬸᬦ᭄ᬫᬮᬶᬄᬫᬓᭂᬩᬗᬦ᭄᭞ᬤᬕᬶᬂᬳᬢᬶᬓᬢᬹᬃ᭞ᬬᬤᬶᬦ᭄ᬧᬸᬦᬶᬓᬗᬯᬦᬂ᭞ᬳᬤᬶᬫᭂᬗ᭄ᬕᬄ᭞ᬓᬬᬸᬦ᭄ᬫᬥᭂᬫᬂᬲᬳᬶᬭᬶᬂ᭞ᬲ᭄ᬯᬃᬕ᭄ᬕᬦᬾᬧᬗ᭄ᬳᬶᬳᬶᬦ᭄ᬢᬶᬢᬶᬬᬂ᭟ᬳᬶᬗ᭄ᬕᬶᬳᬤᬢᬶᬢᬶᬬᬂᬗᬦ᭄ᬢᭂᬦᬂᬳᬶᬩᬶ᭞ᬓᬾ᭠
Kaca:Bali-lontar-geguritan-anggreni-300ppi.pdf/51
Kaca puniki sampun kauji-wacén
