[᭔᭙ 49 B]
᭔᭙
᭞ᬯᬃᬡ᭄ᬦᬧᬗᬸᬲ᭄᭞ᬜᬦ᭄ᬤᬂᬳᬗ᭄ᬕᭀᬦ᭄ᬢᬫ᭄ᬩᬓᬶᬬᬧ᭄᭟ᬫᭀᬤᬾᬮ᭄ᬧᬶᬲᬦ᭄ᬧᬗᬗ᭄ᬕᭀᬦ᭄ᬜ᭞ᬩᬚᬸᬧ᭄ᬬᬫᬓᬳᬶᬜ᭄ᬘᭂᬃᬫ᭄ᬫᬶ᭞ᬜᬦ᭄ᬤᬂᬧᬗᬸᬲ᭄ᬢᬭᬸᬡᬲᬲᬓ᭄᭞ᬲᬕᬾᬢ᭄ᬭᬯᬸᬄᬧᭀᬮᬶᬲᬶ᭞ᬫᬦᬸᬦ᭄ᬤᬸᬂᬲᬦᬾ
ᬫᬩᬮᬶᬄ᭞ᬲᬦᬾᬭᬶᬂᬧᬶᬗᬶᬭᬶᬂᬢᬗ᭄ᬮᬸᬓ᭄᭞ᬤᬾᬦᬶᬂᬓᭀᬲᭂᬓᬾᬓᬮᬶᬦ᭄ᬢᬂ᭞ᬮᬦᬂᬳᬃᬣᬲᬋᬂᬫᬹᬲᬶᬃ᭞ᬧᬕᬭᬸᬤᬸᬕ᭄᭞ᬳᬶᬮᬶᬤ᭄ᬭᬶᬂᬚᬦ᭄ᬫᬦᬾᬓᬢᬄ᭟ᬓᬓᬦ᭄ᬢᭂᬦᬦ᭄ᬥᬃᬫ᭄ᬫᬬᬰ᭞ᬫᬓᭂᬚᬂᬧᬥᬗᭂ
ᬤᬾᬓᬶᬦ᭄᭞ᬜᬶᬗᬓᬶᬦ᭄ᬚᬦ᭄ᬫᬦᬾᬲᬫ᭄ᬩ᭄ᬭᬕ᭄᭞ᬦᬵᬗ᭄ᬳᬶᬂᬓᬾᬳᬬᬸᬳᬗ᭄ᬭᬾᬡᬶ᭞ᬧᭂᬲᬸᬧᭂᬮᬸᬄᬳᬗ᭄ᬭᬶᬢᬶᬲ᭄᭞ᬫᬸᬯᬩᬭᬓ᭄ᬭᬭᬶᬲ᭄ᬗᬸᬦ᭄ᬢᬸᬓ᭄᭞ᬢᬶᬫ᭄ᬧᬮ᭄ᬧᬥᬫᬓᭂᬤᬾᬓᬦ᭄᭞ᬳᬗ᭄ᬭᬾᬡᬶᬲᬶᬬᭂᬧ᭄ᬧᬤᬶᬤᬶ
᭞ᬭᬭᬶᬲ᭄ᬫᬵᬢᬹᬃ᭞ᬤᬬᬸᬭᬹᬓ᭄ᬫᬶᬫᬦᭂᬲᭂᬓᬂ᭟ᬗᬸᬤ᭄ᬬᬂᬧ᭄ᬭᬭᬳᬶᬦᬾᬩᬭᬓ᭄᭞ᬫᬶᬦᬩ᭄ᬳᬤᬶᬘᬭᬲᬓᬶᬢ᭄᭞ᬳᬗ᭄ᬭᬾᬡᬶᬭᬭᬶᬲ᭄ᬫᬦᬶᬫ᭄ᬩᬮ᭄᭞ᬯ᭄ᬬᬓ᭄ᬢᬶᬰᬶᬭᬄᬢᬶᬢᬶᬬᬂᬲᬓᬶᬢ᭄᭞ᬗᬶᬭᬶᬂᬳᬤᬶᬫᬦ᭄ᬢᬸᬓ᭄ᬕᭂᬮᬶᬲ᭄᭞ᬲ᭠
[᭕᭐ 50 A]
ᬋᬂᬲᬫᬶᬭᬭᬶᬲ᭄ᬫᬦ᭄ᬢᬸᬓ᭄᭞ᬮᬾᬕᭀᬗᬾᬯᬳᬸᬫᬶᬂᬢᭂᬗᬄ᭞ᬢᬍᬃᬧᬓ᭄ᬱᬗᬯᭀᬦᬶᬦ᭄᭞ᬲᬵᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬕ᭄ᬭᬶᬬᬳᭂᬦᭂᬂᬘᬭᬶᬢ᭟ᬤᬤᬶᬫᬪᬶᬦᬬᬦ᭄ᬧᬶᬲᬦ᭄᭞ᬓᬤᬶᬭᬳᬶᬦᬵᬭᬶᬂᬯᭂᬗᬶ᭞ᬢ
ᬭᬸᬡᬦᬾᬫᬶᬯᬄᬩᬚᬂ᭞ᬬᬾᬦᬶᬂᬢ᭄ᬭᬸᬡᬦᬾᬦᭂᬫᭂᬦᬶᬦ᭄᭞ᬢᬸᬲᬶᬂᬤᬤᬶᬩᬋᬗᬶᬦ᭄᭞ᬬᬦ᭄ᬳᬤᬲᬦᬾᬫᬗᬚᬸᬫ᭄᭞ᬢ᭄ᬯᬭᬧᬶᬲᬦ᭄ᬗᬍᬕᬬᬂ᭞ᬬᬦ᭄ᬤᬤᬶᬕᭂᬮᬄᬧᬤᬶᬤᬶ᭞ᬧᬗ᭄ᬤᬧᭂᬲᬸ᭞ᬩᬚᬂᬩᬚᬂ᭠
ᬢᭂᬗᬳᬶᬂᬳᬸᬫᬄ᭟ᬫᬦᬄᬩᬚᬂᬢ᭄ᬭᬸᬡᬤᬶᬦᬶ᭞ᬬᬦ᭄ᬧᬥᬲᭂᬥᭂᬓ᭄ᬓᬧᬗ᭄ᬕᬶᬄ᭞ᬢᬸᬦᬗᬦᬾᬬᬓᬡ᭄ᬥᬧᬦ᭄᭞ᬓᬸᬭᬂᬕᬕᬄᬗᬗ᭄ᬕᭀᬤᭂᬓᬶᬮ᭄᭞ᬗᬯᬾᬳᬶᬩᬸᬓ᭄ᬲᬓᬶᬢ᭄ᬳᬢᬶ᭞ᬬᬦ᭄ᬧᬤᬾᬯᬾᬦ᭄ᬢᭂᬦ᭄ᬗᬚᬸ
ᬫ᭄᭞ᬧᭂᬲᬸᬫᬦᬳᬾᬗᬼᬕᬬᬂ᭞ᬭᬱᬬᬂᬫᭂᬦᬂᬳᬓᭂᬣᬶ᭞ᬳᬚᬸᬫ᭄ᬧᭂᬲᬸ᭞ᬤᬾᬦᬶᬂᬳᬯᬓ᭄ᬓᬳᬚᬸᬫᬂ᭟ᬲᬧᬸᬦᬶᬓᬧᬃᬡ᭄ᬦᬦ᭄ᬢᬶᬢᬶᬬᬂ᭞ᬮᬦᬂᬳᬃᬣᬮᬦ᭄ᬳᬗ᭄ᬭᬾᬡᬶ᭞ᬓᬬᬸᬦᬾᬲᬫᬶᬓᬾᬭᬗᬦ᭄᭞ᬲᬤᬸᬓ᭄ᬤ
Kaca:Bali-lontar-geguritan-anggreni-300ppi.pdf/50
Kaca puniki sampun kauji-wacén
