[᭔᭗ 47 B]
᭔᭗
ᬡᬩᬚᬂᬳᬦᭀᬫ᭄᭞ᬢᬸᬚᬸᬯᬦ᭄ᬧᬘᬂᬫᬩᬮᬶᬄ᭞ᬲᬫ᭄ᬩᬶᬮᬂᬓᭂᬲᬾᬓ᭄ᬫᬫᬂᬕ᭄ᬕᬶ᭞ᬭᬶᬂᬧᬶᬦ᭄ᬢᬸᬦᬾᬓᬚᬕ᭄ᬫᬲᬸᬓ᭄᭞ᬳᬶᬭᬶᬓᬫᬧᬧᬲ᭄ᬮᬶᬯᬢ᭄᭞ᬮᬦᬂᬳᬃᬣᬮᬦ᭄ᬳᬗ᭄ᬭᬾᬡᬶ᭞ᬲᬫᬶᬕᬸᬕᬸᬧ᭄᭞ᬳᬥᬹᬄ
ᬳᬤᬶᬫᬭᬢᭂᬓ᭟ᬳᬗ᭄ᬭᬾᬡᬶᬚᬗ᭄ᬕᭂᬮ᭄ᬫᬫᬃᬕ᭄ᬕ᭞ᬳᬶᬗ᭄ᬕᬶᬄᬢᬶᬢᬶᬬᬂᬯᬳᬸᬫ᭄ᬭᬶᬓᬶ᭞ᬳᬯᬦ᭄ᬲᬫᬶ᭠ᬫᬗ᭄ᬲᭂᬕᬦ᭄᭞ᬤᬬᬸᬭᬹᬓ᭄ᬫᬶᬫᬦᭂᬲᭂᬓᬶᬦ᭄᭞ᬗᬸᬤᬳᬤᬶᬘᬦ᭄ᬤᭂᬕ᭄ᬫᬮᬶᬄ᭞ᬮᬦᬂᬳᬃᬣᬬᬓᬢᬸᬚᬸ᭞ᬜ᭠
ᬜ᭄ᬘᬘᬶᬗᬓ᭄ᬜᭂᬫ᭄ᬲᭂᬫᬂ᭞ᬕᭂᬮᬶᬲᬂᬳᬤᬶᬫᬫᬃᬕ᭄ᬕᬶ᭞ᬢᬶᬢᬶᬬᬂᬫᬵᬢᬹᬃ᭞ᬲᬶᬭᬧᭂᬲᬾᬗᬦ᭄ᬧᬸᬦᬶᬓ᭟ᬢᬶᬫ᭄ᬧᬮ᭄ᬢᬶᬬᬗᬾᬧᬸᬦᬶᬓ᭞ᬮᬦᬂᬳᬃᬣᬓᬧᬭᬩᬶᬦ᭄᭞ᬤᬬᬸᬭᬹᬓ᭄ᬫᬶᬫᬗᭂᬮᬶᬲᬂ᭞ᬗᬫ᭄ᬩᬶᬮ᭄ᬢᬗᬦᬾ
ᬳᬗ᭄ᬭᬾᬡᬶ᭞ᬓᬓᭂᬤᭂᬂᬫᬲᬸᬓ᭄ᬕᭂᬮᬶᬲ᭄᭞ᬲᬫ᭄ᬩᬶᬮ᭄ᬓᭂᬜᭂᬫ᭄ᬲᬯᬂᬳᬚᬸᬫ᭄᭞ᬗ᭄ᬮᬯᬸᬢ᭄ᬓᬓᭀᬃᬱᬶᬦᬾᬦᭂᬕᬓ᭄᭞ᬮᬦᬂᬳᬃᬣᬓᬓᬮᬳᬶᬦ᭄᭞ᬲᬶᬲᬶᬦ᭄ᬢᬗ᭄ᬮᬸᬓ᭄᭞ᬫᬮᬶᬗ᭄ᬕᬶᬄᬤᬦᬾᬗᬭᬕ᭟ᬗᬶᬮᬶᬲ᭄ᬧᬶᬲᬦ᭄ᬓ
[᭔᭙ 49 A]
ᬧᬶᬋᬗᬂ᭞ᬥᬃᬫ᭄ᬫᬬᬰᬤᬬᬸᬭᬹᬓ᭄ᬫᬶ᭞ᬓᭂᬤᬾᬓ᭄ᬗᬓᬓ᭄ᬗᭀᬜᬂᬓᭂᬮᬢ᭄᭞ᬲᬓᬾᬯᬦ᭄ᬢᭂᬦ᭄ᬬᬳᬗ᭄ᬭᬾᬡᬶᬗᬸᬦ᭄ᬢᬸᬓ᭄ᬱᬫ᭄ᬩᬶᬮ᭄ᬫᬫᬃᬕ᭄ᬕᬶ᭞ᬮᬦ᭄ᬢᬭᬦ᭄ᬓᬬᬸᬦᬾᬩᬶᬗᬸᬂ᭞ᬤᬾᬦᬶᬂᬢ᭄ᬯᬭᬫᬜᬶᬤ᭄ᬥᬬᬂ᭞ᬮᬦᬂᬳᬃᬣᬘ᭄ᬭᬶ
ᬢᬫᬗ᭄ᬓᬶᬦ᭄᭞ᬮᬶᬦ᭄ᬢᬂᬳᬶᬗᬸᬄ᭞ᬓᬬᬸᬦ᭄ᬧᬸᬲᬶᬂᬫᬗᬦ᭄ᬢᭂᬦᬂ᭟ᬧᭂᬮᬸᬳᬾᬧᭂᬲᬸᬤᬶᬕᬶᬥᬢ᭄᭞ᬩᭂᬗᭀᬂᬳᬗᭀᬩ᭄ᬤᬦᬾᬗᬓ᭄ᬱᬶ᭞ᬤᬾᬦᬶᬂᬭᬫᬾᬭᬶᬂᬯᬦ᭄ᬢᬶᬮᬦ᭄᭞ᬓᬮᬶᬄᬦᬾᬦ᭄ᬢᭂᬦ᭄ᬓᬳᬸᬦᬶᬗᬶᬦ᭄᭞ᬫᬲᭀ᭠
ᬮᬄᬮᬾᬕᭀᬗᬾᬫᬗ᭄ᬓᬶᬦ᭄᭞ᬫᬸᬜᬶᬦ᭄ᬳᭂᬕᭀᬗᬾᬗᬭᬸᬤᬸᬓ᭄᭞ᬦᬵᬗ᭄ᬳᬶᬂᬕᬸᬲ᭄ᬢᬶᬮᬦᬂᬳᬃᬣ᭞᭠ᬤᬦᬾᬤᬸᬭᬸᬂᬫᬗ᭄ᬭᬱᬦᬶᬦ᭄᭞ᬓᬫ᭄ᬩᬂᬲᬸᬯᬸᬂ᭞ᬭᬱᬦᬾᬦ᭄ᬢᭂᬦ᭄ᬗᭂᬜ᭄ᬚᭂᬓ᭄ᬢᬦᬄ᭟ᬤᬬᬸᬭᬹᬓ᭄ᬫᬶᬥᬃᬫ᭄ᬫᬬᬰ᭞ᬓᬮᬶᬄ
ᬓᬓᬦ᭄ᬢᭂᬦᬦ᭄ᬲᬫᬶ᭞ᬓᭂᬜᭂᬫ᭄ᬓᭂᬜᭂᬫ᭄ᬫᬘᬘᬶᬗᬓ᭄᭞ᬲᬫᬶᬫᬜᬶᬗᬓ᭄ᬳᬗ᭄ᬭᬾᬡᬶ᭞ᬤᬬᬸᬭᬹᬓ᭄ᬫᬶᬫᬵᬢᬹᬃᬭᬭᬶᬲ᭄᭞ᬲᬫ᭄ᬩᬶᬮ᭄ᬜᬶᬗᬓ᭄ᬱᬶᬲᬶᬦ᭄ᬢᬸᬗ᭄ᬮᬸᬓ᭄᭞ᬧᬸᬦᬶᬓᬳᬦᬓᬾᬢ᭄ᬭᬸᬡ᭞ᬲᬦᬾᬳᬚᬸᬫ᭄᭞ᬳᬸᬜ᭄ᬚᬸᬂᬳᬤᬶ
Kaca:Bali-lontar-geguritan-anggreni-300ppi.pdf/49
Kaca puniki sampun kauji-wacén
