[᭔᭗ 47 B]
᭔᭗
ᬗ᭄ᬓᬦ᭄᭟ᬤᬾᬦᬶᬂᬳᬾᬮᬶᬂᬫᬗ᭄ᬤᬲᬶᬤ᭄ᬥ᭞ᬭᬶᬂᬮᬦᬂᬳᬃᬣᬓᬧᬗ᭄ᬕᬶᬄ᭞ᬳᬯᬦᬦ᭄ᬲᬓᬤᬶᬫᬓ᭄ᬱ᭞ᬗᬗ᭄ᬕᬾᬧᬬᬲ᭄ᬓᬤᬶᬫᬗ᭄ᬓᬶᬦ᭄᭞ᬧᭂᬲᬸᬧᭂᬮᬸᬄᬳᬗᬭᬶᬢᬶᬲ᭄᭞ᬤ᭄ᬯᬦᬶᬂᬤᬦᬾᬤᬸᬭᬸᬂᬘᬮᬸᬄ᭞ᬗᬶᬮᬸᬭᬕᬦᬾᬭ
ᬱᬬᬂ᭞ᬫᬗᬗ᭄ᬕᬾᬩᬚᬸᬬᬸᬓᬾᬦ᭄ᬲᬶ᭞ᬩᬾᬢᭂᬮ᭄ᬭᬫ᭄ᬩᬸᬢ᭄᭞ᬲᭂᬧᬦ᭄ᬢᬶᬢ᭄ᬭᬾᬦ᭄ᬯᭀᬮ᭄ᬦᬾᬲᭀᬓ᭄ᬮᬢ᭄᭟ᬫᬾᬫᬾᬢ᭄ᬭᬶᬫᬯᬳᬸᬜᬶᬗᬓ᭄᭞ᬢᭂᬃᬲᭂᬭᬄᬢᭂᬓᬾᬦ᭄ᬳᬗ᭄ᬭᬾᬡᬶ᭞ᬩᭀᬬᬦᬸᬦ᭄ᬤᬾᬦ᭄ᬢᬦ᭄ᬗᬮᬭᬂ᭞ᬳ
ᬗ᭄ᬭᬾᬡᬶᬦᬾᬫᬗ᭄ᬓᬶᬦ᭄ᬫᬶᬚᬶᬮ᭄᭞ᬭᬕᬦᬾᬓᬧᬶᬦᭂᬳᬶᬦ᭄᭞ᬓᬤᬶᬮᬗᬦ᭄ᬫᬓᭂᬩᬸ᭞ᬓᬲᬦ᭄ᬤᬶᬂ᭠ᬩᬵᬦ᭄ᬥᬃᬫ᭄ᬫᬬᬰ᭞ᬓᭂᬜᭂᬫ᭄ᬓᭂᬜᭂᬫ᭄ᬫᬜᬶᬗᬓᬶᬦ᭄᭞ᬲᬬᬜ᭄ᬘᬮᬸᬄ᭞ᬳᬗ᭄ᬭᬾᬡᬶᬲᬬᬦ᭄ᬩᬶᬬᬲ᭟ᬳᬓᬾᬄ᭠
ᬳᬦᬓᬾᬤᬶᬚᬮᬦ᭄᭞ᬧᬬᬲᬦᬾᬚᬫᬦ᭄ᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬮᬧᬗᬦ᭄᭞ᬳᬾᬭᬗᬾᬲᬵᬫ᭄ᬧᬸᬦ᭄ᬢᬦ᭄ᬓᬭᬶ᭞ᬭᬸᬫᬲᬢ᭄ᬲᬵᬫ᭄ᬧᬸᬦ᭄ᬳᬶᬮᬶᬤ᭄᭞ᬳᬦ᭄ᬢᬸᬓ᭄ᬲᬹᬃᬬ᭄ᬬᬓᬾᬫᬓᬸᬯᬸᬕ᭄᭞ᬤᬾᬦᬶᬂᬭᬫᬾ᭠
[᭔᭘ 48 A]
ᬦᬾᬓᬮᬶᬦ᭄ᬢᬂ᭞ᬮᬦᬂᬳᬶᬲ᭄ᬢ᭄ᬭᬶᬢᭂᬩᭂᬂᬕᬢᬶ᭞ᬮᬶᬦ᭄ᬢᬂᬫᬸᬯᬸᬕ᭄᭞ᬦᬵᬗ᭄ᬳᬶᬂᬚᬢᬶᬦᬾᬧᭂᬃᬮᬸᬯᬂ᭟ᬩᭀᬬᬦᭀᬦ᭄ᬢᭀᬦ᭄ᬦᬾᬫᬲᭀᬮᬄ᭞ᬦᬵᬗ᭄ᬳᬶᬂᬦᭀᬦ᭄ᬢᭀᬦ᭄ᬦᬾᬫᬩᬮᬶᬄ᭞ᬢᭀᬗᬾᬲ᭄ᬓᭀᬃᬱᬶᬳᬫ᭄ᬧᬶᬃᬳᭂ᭠
ᬮᬲ᭄᭞ᬳᬓᬾᬄᬧᬕᬯᬾᬗᭂᬩᭂᬓᬶᬦ᭄᭞ᬫᬗ᭄ᬓᬶᬦ᭄ᬳᬘᬭᬫᬸᬮᬳᬶ᭞ᬪᬹᬧᬢᬶᬦᬾᬲᬵᬫ᭄ᬧᬸᬦ᭄ᬭ᭠ᬯᬸᬄᬧᭂᬃᬢᬡ᭄ᬥᬶᬗᬦᬾᬓᬩᬸᬓᬓ᭄᭞ᬚᬦ᭄ᬫᬭᬯᬸᬄᬗᭂᬩᭂᬓᬶᬦ᭄᭞ᬲᬫᬶᬫᬸᬯᬸᬕ᭄᭞ᬯᬦ᭄ᬢᬶᬮᬦᬾᬓᭀ᭠
ᬲᭂᬓ᭄ᬧᬶᬲᬦ᭄᭟ᬲᬓᬶᬂᬳᬤᭀᬄᬬᬫᬭᬯᬢ᭄᭞ᬤᬶᬢᭂᬗᬄᬚᬦ᭄ᬫᬦᬾᬳᬮᬶᬢ᭄᭞ᬓᬘᬶᬗ᭠ᬓᬶᬦ᭄ᬳᬦᬓ᭄ᬢ᭄ᬭᬸᬡ᭞ᬧᬫᬃᬕ᭄ᬕᬶᬦᬾᬩᬦ᭄ᬩᬦ᭄ᬭᬯᬶᬢ᭄᭞ᬯᬃᬡ᭄ᬦᬲᬸᬋᬫ᭄ᬫᬩᬚᬸᬩᭂᬃᬲᬶᬄ᭞ᬭᬫ᭄ᬩᬸᬢᬾᬧᬜ᭄ᬚᬂᬗᬫ᭄ᬧᬸ᭠
ᬮᬸᬓ᭄᭞ᬓᬫ᭄ᬩᭂᬦ᭄ᬜᬦᬾᬲᬭᬸᬂᬲᭀᬓ᭄ᬮᬢ᭄᭞ᬦᬵᬗ᭄ᬳᬶᬂᬦᬾᬦ᭄ᬢᭂᬦ᭄ᬗᬗ᭄ᬕᭀᬦ᭄ᬤᬲᬶ᭞ᬚᬕᬶᬫᬲᬸᬓ᭄᭞᭠ᬓᬯᬦ᭄ᬢᬶᬮᬦᬾᬫᬘᬶᬗᬓ᭄᭟ᬫᬶᬦᬩ᭄ᬯᬾᬦ᭄ᬢᭂᬦ᭄ᬓᬳᬦ᭄ᬢᭀᬲᬂ᭞ᬫᬮᬶᬄᬭᭀᬫ᭄ᬩᭀᬗᬦᬾᬧ᭄ᬭᬵᬧ᭄ᬢᬶ᭞ᬢ᭄ᬭᬸᬡᬶᬢ᭄ᬭᬸ
Kaca:Bali-lontar-geguritan-anggreni-300ppi.pdf/48
Kaca puniki sampun kauji-wacén
