[᭔᭖ 46 B]
᭔᭖
ᬬᬓᬦ᭄ᬤᬧᬦ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬫᬶᬬᬲ᭄ᬲᬫᬶ᭞ᬧᬥᬤᬶᬢᬸ᭞ᬤᬶᬓᭀᬃᬱᬶᬦᬾᬧᬥᬦᭂᬕᬓ᭄᭟ᬲᬵᬫ᭄ᬧᬸᬦ᭄ᬲᬫᬶᬧᬘᬂᬦᭂᬕᬓ᭄᭞ᬤᬬᬸᬭᬹᬓ᭄ᬫᬶᬓᭂᬲ᭄ᬬᬩ᭄ᬗᬓ᭄ᬱᬶ᭞ᬩᭂᬗᭀᬂᬲᬸᬯᬾᬢᬹᬃᬳᬗᬸᬘᬧ᭄᭞ᬧᬥ᭠
ᬲ᭄ᬦᬧᬶᬓᬾᬧᬸᬦᬶᬓᬶ᭞ᬳᬦᬾᬳᬗ᭄ᬕᭀᬦ᭄ᬳᬤᬶᬦᬶᬓᬶ᭞ᬢᬦ᭄ᬧᬾᬦ᭄ᬤᬄᬩᬦ᭄ᬢᬮ᭄ᬫᬧᭂᬮᬸᬢ᭄᭞ᬳ᭠ᬗ᭄ᬭᬾᬡᬶᬳᭂᬗ᭄ᬲᭂᬓ᭄ᬫᬶᬋᬗᬂ᭞ᬳᬗᭀᬩ᭄ᬤᬦᬾᬫᬜᬶᬗᬓᬶᬦ᭄᭞ᬲᬃᬯ᭄ᬯᬩᬭᬸ᭞ᬧᬗᬗ᭄ᬕᭀᬦᬾᬦᬸᬭᬸᬢ᭄ᬢᬫᬦ᭄᭟
ᬲᬾᬬᭀᬢ᭄ᬲᭂᬧᬦ᭄ᬮᬓᬃᬲᭀᬓ᭄ᬮᬢ᭄᭞ᬩᬚᬸᬢᬾᬢᭀᬭᭀᬦ᭄ᬬᬸᬓᬾᬦ᭄ᬲᬶ᭞ᬢᬗ᭄ᬓᬄᬢᬶᬗᬃᬳᬧᭂᬫ᭄ᬧᬢᬦ᭄᭞ᬳᬧᬗᭂᬦᬄᬜᭀᬜᭀᬗᬶᬮᬶᬲ᭄᭞ᬩᬸᬍᬄᬧᬸᬢᬶᬄᬓᬸᬦᬶᬂᬜᬗ᭄ᬓᬶᬄ᭞ᬓᬮᬶᬄᬦᬾᬦ᭄ᬢᭂᬦ᭄ᬗᬗ᭄ᬕᭀ᭠
ᬓᬮᬸᬗ᭄᭞ᬭᬫ᭄ᬩᬸᬢ᭄ᬳᬶᬗ᭄ᬕᭂᬮ᭄ᬩᬶᬩᬶᬄᬩᬭᬓ᭄᭞ᬫᬦᬤ᭄ᬢᬤ᭄ᬳᭂᬢᬲ᭄ᬧᭂᬮᬱ᭄ᬝᬶᬓ᭄᭞ᬫᬶᬲᬶᬧᬸᬧᬸᬃ᭞ᬫᭂᬓᬘᭂᬦᬶᬓ᭄ᬢᬸ᭠ᬯᬂᬓᭂᬃᬣᬲ᭄᭟ᬳᬬᬸᬳᬗ᭄ᬭᬾᬡᬶᬓᬢᬶᬗ᭄ᬕᬮᬦ᭄᭞ᬧᬗᬗ᭄ᬕᭀᬓᬤᬶᬭᬶᬳᬶᬦ᭄᭞ᬫᬧᬬᬲ᭄ᬓᬤᬶᬭᬶᬂᬤᬾᬰ᭞ᬤᬬᬸ
[᭔᭗ 47 A]
ᬭᬹᬓ᭄ᬫᬶᬫᬦᭂᬲᭂᬓᬶᬦ᭄᭞ᬫᬮᬳᬦ᭄ᬫᬵᬢᬹᬭᬦ᭄ᬪᬓ᭄ᬢᬶ᭞ᬓᬲᬸᬭᬫᬵᬢᭂᬳᬦ᭄ᬳᬗ᭄ᬓᭂᬮᬸᬂ᭞ᬲᬵᬫ᭄ᬧᬸᬦᬂ᭠ᬓᬧᬲᬃᬫᬮᬫ᭄᭞ᬳᬗ᭄ᬭᬾᬡᬶᬭᬭᬶᬲ᭄ᬫᬜᬳᬸᬭᬶᬦ᭄᭞ᬢᬶᬢᬶᬬᬂᬓᬶᬫᬸᬤ᭄᭞ᬗᬗ᭄ᬕᬾᬧᬬᬲ᭄ᬧᭂᬫ᭄ᬩᬭᬸᬳᬦ᭄
᭟ᬦᬾᬦ᭄ᬢᭂᬜ᭄ᬘᭀᬘᭀᬓ᭄ᬭᬶᬂᬤᬾᬯᬾᬓ᭄ᬢᬶᬢᬶᬬᬂ᭞ᬓᬮᬶᬄᬢᬶᬢᬶᬬᬂᬤᬸᬭᬸᬂᬉᬦᬶᬂ᭞ᬫᬓᬤᬶᬤᬸᬭᬸᬂᬫ᭄ᬬᬲᬬᬂ᭞ᬓᬤᬶᬧᬬᬲᬾᬧᬸᬦᬶᬓᬶ᭞ᬤᬬᬸᬭᬹᬓ᭄ᬫᬶᬫᬜᬳᬸᬭᬶᬦ᭄᭞ᬧᬸᬦᬶᬓᬫᬗ᭄ᬤᬾᬦ᭄ᬜᬘᬮᬸᬄ᭞ᬬ᭠
ᬦᬶᬂᬭᬶᬳᬶᬦ᭄ᬤᬸᬭᬸᬂᬓᬧᭂᬭᬄ᭞ᬬᬜ᭄ᬚᬫᬦᬾᬓᬤᬶᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬮᬓᬸ᭞ᬧᬬᬲ᭄ᬧᬸᬦᬶᬓᬶ᭠ᬓᬧᬭ᭟ᬬᬤᬶᬦ᭄ᬳᬤᬶᬦᬾᬦ᭄ᬢᭂᬦ᭄ᬫᬓ᭄ᬢ᭞ᬧᬬᬲ᭄ᬲᬦᬾᬓᬤᬶᬫᬗ᭄ᬓᬶᬦ᭄᭞ᬕᬫ᭄ᬧᬂᬧᬶᬲᬦ᭄ᬳᬦ᭄ᬢᬸᬓ᭄ᬢᬶᬢᬶᬬᬂ᭞ᬢᬶ
ᬢᬶᬬᬂᬲᬵᬫ᭄ᬧᬸᬦ᭄ᬲᭂᬤ᭄ᬬᬲᬫᬶ᭞ᬳᬶᬭᬶᬓᬶᬢᭂᬗᬄᬍᬫᬭᬶ᭞ᬳᬓᬸᬤᬫᬦ᭄ᬢᬸᬓ᭄ᬭᬶᬂᬓᬬᬸᬦ᭄᭞ᬲ᭠ᬲᬵᬫ᭄ᬧᬸᬦ᭄ᬯᬸᬲᬦ᭄ᬫᬢᬸᬗ᭄ᬓᬲ᭄᭞ᬤᬲ᭄ᬤᬸᬦᬾᬯᬗ᭄ᬤᬾᬳᬗ᭄ᬭᬾᬡᬶ᭞ᬧᬘᬂᬫᬶᬮᬸ᭞ᬫᬦᭀᬦ᭄ᬢᭀᬦ᭄ᬮᬾᬕᭀᬂᬧᬲ᭠
Kaca:Bali-lontar-geguritan-anggreni-300ppi.pdf/47
Kaca puniki sampun kauji-wacén
