[᭔᭕ 45 B]
ᬫᬜᬧᬲᬩᬶᬮᬂᬯᬳᬶ᭞ᬳᬗ᭄ᬕ᭄ᬭᬾᬡᬶᬬᬓᬤᬶᬓᬶᬢᬮ᭄᭞ᬦᬧᬶᬫᬮᬶᬄᬬᬦ᭄ᬫᬲᬡ᭄ᬥᬶᬂ᭞ᬩᭀᬬᬲᬫᭂᬢᭀᬦ᭄ᬮᬓᬶ᭞ᬮᬗ᭄ᬓᬸᬂᬭᬢ᭄ᬫᬸᬗ᭄ᬕ᭄ᬯᬶᬂᬓᬬᬸᬦ᭄᭞ᬧᬘᬂᬦᭂᬕᬓ᭄ᬫᬳᬢᭂᬧᬦ᭄᭞ᬫᬲᬡ᭄ᬥᬶᬂᬫ᭄ᬯᬂᬮᬓᬶ
ᬮᬓᬶ᭞ᬓᬭᬶᬓᬶᬓᬸᬓ᭄᭞ᬤᬾᬦᬶᬂᬤᬸᬭᬸᬂᬧᬢᬶᬩ᭄ᬬᬲ᭟ᬲᬫᭂᬢᭀᬦᬾᬲᬦᬾᬮᬦᬂ᭞ᬳᬓᬾᬄᬗᭂᬮᬄᬓᬯᬦ᭄ᬓᬭᬶᬩ᭄᭞ᬓᬮᬶᬄᬩᬾᬩᬲ᭄ᬫᬲᬸᬓ᭄ᬭᬸᬫᬄ᭞ᬳᬯᬦᬦ᭄ᬓᬤᬶᬳᬗ᭄ᬕ᭄ᬭᬾᬡᬶ᭞ᬲᬸᬯᬾᬧᬶᬲᬦ᭄ᬫᬳᬸ
ᬭᬸᬓᬶᬦ᭄᭞ᬗᬤᬸᬗᬂᬭᬕᬦᬾᬤᬶᬢᬸ᭞ᬫᬢᬸᬳᬶᬦ᭄ᬧᬬᬲ᭄ᬢᬶᬫ᭄ᬧᬮ᭄᭞ᬧᬬᬲᬦᬾᬤᬬᬸᬭᬹᬓ᭄ᬫᬶ᭞ᬩᬶᬮᬂᬭᬯᬸᬄ᭞ᬧᬬᬲᬦᬾᬓᬤᬶᬓᭀᬣ᭟ᬦᬾᬫᬗ᭄ᬓᬶᬦ᭄ᬗ᭄ᬭᬱᬭᬶᬂᬭᬕ᭞ᬧᬬᬲᬦᬾᬢᬦ᭄ᬫᬲᬳᬶᬄ
ᬭᬕᬗᬗ᭄ᬕᬾᬩᬢᬶᬓ᭄ᬧᬜ᭄ᬚᬂ᭞ᬓᬮᬶᬄᬫᬓᬓᬮᬸᬂᬧᭂᬮᬗᬶ᭞ᬩᬚᬸᬓᬓᬶᬓᬸᬤᬯ᭄ᬬᬓ᭄ᬢᬶ᭞ᬢᬶᬫ᭄ᬧᬮ᭄ᬢᬶᬫ᭄ᬧᬮ᭄ᬲᬫᬶᬤᬶᬢᬸ᭞ᬤᬬᬸᬭᬹᬓ᭄ᬫᬶᬧᬮᬶᬂᬢᬶᬗ᭄ᬕᬃ᭞ᬭᭀᬓ᭄ᬲᭂᬧᬦ᭄ᬩᬚᬸᬬᬸᬓᬾᬦ᭄ᬲᬶ᭞ᬫᬲᬧᬢᬸ᭞ᬳᭂᬩᭀ᭠
[᭔᭖ 46 A]
ᬓ᭄ᬩᬾᬢᭂᬮ᭄ᬩᬶᬩᬶᬄᬩᬭᬓ᭄᭟ᬕᬸᬕᬸᬧᬾᬗᬯᬶᬦᬂᬚᭂᬗᬄ᭞ᬦᬵᬗ᭄ᬳᬶᬂᬕᬸᬕᬸᬧ᭄ᬢᬶᬕᬂᬯᬳᬶ᭞ᬯᬸᬲ᭄ᬧᬸᬦᬶᬓᬩ᭄ᬬᬲᬧᬶᬲᬦ᭄᭞ᬬᬤᬶᬦ᭄ᬓᬶᬢᬮᬦ᭄ᬳᬓᬶᬤᬶᬓ᭄᭞ᬉᬘᬧᬂᬤᬶᬦᬵᬦᬾᬫᬦᬶ᭞ᬕᭀᬂᬧᬲᬗ᭄ᬓᬦ᭄ᬧᬘᬂᬫᬵ
ᬤᬸ᭞ᬤᬬᬸᬭᬹᬓ᭄ᬫᬶᬗᬦ᭄ᬤᬶᬓᬬᬂ᭞ᬗᬮᬶᬄᬓᭀᬃᬱᬶᬦᬳᬸᬃᬓᬃᬘ᭄ᬘᬶᬲ᭄᭞ᬧᬂᬤᬶᬫᬮᬸ᭞ᬢᭂᬕᬓᬾᬬᬫᬩᬋᬗᬦ᭄᭟ᬩᬾᬜ᭄ᬚᬂᬯᬳᬸᬧᬲᭂᬫᭂᬗᬦ᭄᭞ᬲᬫᬶᬲᬫ᭄ᬧᬸᬦ᭄ᬯᬸᬲᬦ᭄ᬫᬦ᭄ᬤᬶ᭞ᬤᬬᬸᬭᬹᬓ᭄ᬫᬶᬲᬵᬫ᭄ᬧᬸᬦ᭄ᬫᬳ᭄ᬬ᭠
ᬲ᭄᭞ᬢᭂᬗᬄᬓᬫᬭᬾᬧᬤᬶᬤᬶ᭞ᬳᬗ᭄ᬭᬾᬡᬶᬭᬭᬶᬲ᭄ᬗᬫ᭄ᬩᬶᬮ᭄᭞ᬧᬗᬗ᭄ᬕᬾᬦᬾᬦᬾᬳᬩᬸᬗ᭄ᬓᬸᬲ᭄᭞ᬗᬚᬩᬬᬂᬩᬢᬶᬓ᭄ᬧᬜ᭄ᬚᬂ᭞ᬫᬾᬋᬓ᭄ᬧᬓᬮᭀᬗᬦ᭄ᬳᬲ᭄ᬮᬶ᭞ᬭᬳ᭄ᬯᬶᬂᬩᬚᬸ᭞ᬓᬓᬶᬓᬸᬤᬓᬮᬸᬂᬲᬢᬺ᭟ᬥᬃ᭠
ᬫ᭄ᬫᬬᬰᬫᬜᬦ᭄ᬢᭀᬲᬂ᭞ᬤᬶᬓᭀᬃᬱᬶᬲᬫ᭄ᬩᬶᬮ᭄ᬫᬜᬜᬶ᭞ᬩᬶᬦ᭄ᬳᬚᬳᬦ᭄ᬲᬕᬾᬢ᭄ᬢᭂᬓ᭞ᬢᬶᬫ᭄ᬧᬮ᭄ᬧᬥᬮᬸᬄᬫᬸᬯᬦᬶ᭞ᬗᬡ᭄ᬥᭀᬓᭀᬥᬓ᭄ᬳᭀᬢᭀᬫᬢᬶᬲ᭄᭞ᬧᬗᬗ᭄ᬕᭀᬦᬾᬲᭂᬃᬩᬩᬭᬸ᭞ᬢ᭄ᬯᬭᬳᬤ
Kaca:Bali-lontar-geguritan-anggreni-300ppi.pdf/46
Kaca puniki sampun kauji-wacén
