[᭔᭔ 44 B]
᭔᭔
ᬮᬫ᭄᭞ᬯᬾᬦ᭄ᬢᭂᬦ᭄ᬕᭂᬦᬄᬢᬶᬢᬶᬬᬂᬩᭂᬘᬶᬓ᭄᭞ᬫᬤᬤᬸᬦᬸᬂ᭞ᬭᬶᬂᬤᬬᬸᬭᬹᬓ᭄ᬫᬶᬧᭂᬲᬾᬗᬦ᭄᭟ᬲᭀᬩᬢ᭄ᬲᬋᬂᬫᬲᭂᬓᭀᬮᬄ᭞ᬲᬶᬦᬄᬍᬕᬦᬾᬓᬧᬗ᭄ᬕᬶᬄ᭞ᬬᬾᬦᬶᬂᬲᬋᬂᬩᭂᬮᬶᬢᬶᬢᬶᬬᬂ᭞ᬓ᭠
ᬧᬗ᭄ᬕᬶᬄᬲᬩᬶᬮᬂᬯᬳᬶ᭞ᬧᬘᬂᬦᬫ᭄ᬩᬦᬶᬦ᭄ᬳᬢᬶ᭞ᬗᬶᬘᬮᬂᬫᬦᬳᬾᬭᬶᬦ᭄ᬥᬸ᭞ᬢᭂᬧᬢ᭄ᬢᬗ᭄ᬕᬮ᭄ᬢᬸᬚᬸᬩᭂᬮᬲ᭄᭞ᬢᬶᬢᬶᬬᬂᬧᬘᬂᬭᬯᬸᬄᬫ᭄ᬭᬶᬓᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬲᬸᬭᬢᬾᬭᬭᬶᬲ᭄ᬓᬶᬭᬶᬫᬂ᭟ᬲᬵᬫ᭄ᬧᬸ
ᬦ᭄ᬢᬗ᭄ᬕᬮ᭄ᬢᬸᬚᬸᬩᭂᬮᬲ᭄᭞ᬳᬶᬕᬸᬲ᭄ᬢᬶᬳᬬᬸᬳᬗ᭄ᬭᬾᬡᬶᬫᬾᬫᬾᬢᬺᬡᬶᬫᬗᬢᭂᬳᬂ᭞ᬫᬦᭂᬕᬓᬶᬦ᭄ᬫᭀᬢᭀᬃᬩᬶᬲ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬦᬾᬫᬗ᭄ᬓᬶᬦ᭄᭞ᬤᬬᬸᬭᬹᬓ᭄ᬫᬶᬫᬶᬯᬄᬇᬩᬸ᭞ᬗᭂᬮᬶᬲᬂᬜᬕ᭄ᬚᬕ᭄ᬫ
ᬜᬧ᭞ᬲᬋᬂᬲᬫᭂᬢᭀᬦᬾᬮᬓᬶ᭞ᬫᬧᭂᬲᬾᬗᬦ᭄᭞ᬳᬶᬤᬩᬕᬸᬲ᭄ᬥᬃᬫ᭄ᬫᬬᬰ᭟ᬫᬸᬮᬩᭂᬘᬶᬓ᭄ᬫᬓᬦ᭄ᬢᬾᬦᬦ᭄᭞ᬳᬗ᭄ᬭᬾᬡᬶᬭᬶᬂᬤᬳᬸᬭᬹᬓ᭄ᬫᬶ᭞ᬦᬵᬗ᭄ᬳᬶᬂᬢᬶᬗ᭄ᬓᬳᬾᬫᬮᬾᬦᬦ᭄᭞ᬬᬤᬶᬦ᭄ᬫᬦᬄᬲᬶ
[᭔᭕ 45 A]
ᬬᭀᬲ᭄ᬲᬫᬶ᭞ᬩᬯᭀᬲᬂᬫᬗ᭄ᬓᬶᬦ᭄ᬳᬗ᭄ᬭᬾᬡᬶ᭞ᬓᭂᬦᭂᬄᬓᬤᬶᬳᬦᬓ᭄ᬤᬸᬲᬸᬦ᭄᭞ᬤᬾᬦᬶᬂᬕᭂᬦᬄᬭᬶᬂᬧᬤᬰᬦ᭄᭞ᬓᬮᬄᬓᬯᬾᬦ᭄ᬢᭂᬦᬦ᭄ᬲᭂᬧᬶ᭞ᬤᬾᬦᬶᬂᬳᬶᬤᬸᬧ᭄᭞ᬭᬶᬗ᭄ᬓᬸᬮᬯᬃᬕ᭄ᬕᬩᭂᬭᬤᬢ᭄᭟ᬗᬫ
ᬗ᭄ᬕᭂᬳᬂᬳᬤᬢ᭄ᬓᬸᬦ᭞ᬓᬮᬶᬄᬤᬾᬰᬳᬫᬦ᭄ᬲᭂᬧᬶ᭞ᬧᬸᬦᬶᬓᬦᬾᬫᬗᬯᬶᬦᬂ᭞ᬓᬬᬸᬦᬾᬲ᭠ᬩᬃᬲᬲᬳᬶ᭞ᬤᭂᬕ᭄ᬤᭂᬕ᭄ᬳᬫᬦ᭄ᬫᬶᬯᬄᬩᬺᬲᬶᬄ᭞ᬲᬶᬬᭀᬲ᭄ᬧᬶᬲᬦ᭄ᬫᬸᬗ᭄ᬕ᭄ᬯᬶᬂᬓᬬᬸᬦ᭄᭞ᬤᬬᬸᬭᬹᬓ᭄ᬫᬶᬫᬭᬶᬂᬓᭀᬣ᭞
ᬓᬮᬶᬄᬲᬫᭂᬢᭀᬦᬾᬲᬫᬶ᭞ᬫᬸᬮᬦ᭄ᬳᬶᬤᬸᬧ᭄᭞ᬭᬶᬂᬢᭂᬗᬄᬕᭂᬥᭀᬗᬾᬳᬶᬦ᭄ᬥᬄ᭟ᬲᬫᬶᬯᬢᭂᬓ᭄ᬓᬓᬦ᭄ᬢᬾᬦᬦ᭄᭞ᬢᬶᬗ᭄ᬓᬄᬮᬓᬸᬚᬫᬦ᭄ᬫᬗ᭄ᬓᬶᬦ᭄᭞ᬧᭂᬃᬕᬳᬸᬮᬦ᭄ᬲᬫᬶᬓᭀᬣ᭞ᬲᬫᭂᬢᭀᬦᬾᬮ᭠
ᬓᬶᬮᬓᬶ᭞ᬲᬫᬶᬧᬥᬫᬗ᭄ᬭᬜ᭄ᬚᬶᬂ᭞ᬫᬲᭂᬓᭀᬮᬄᬚᬫᬦ᭄ᬩᬃᬬ᭄᭞ᬲᬗ᭄ᬓᬦ᭄ᬳᬦᬹᬢ᭄ᬧᬬᬲ᭄ᬳᬸᬫᬄ᭞᭠ᬍᬩᬶᬄᬳᬶᬦ᭄ᬥᬄᬢᬹᬃᬫᬦᬭᬶᬓ᭄᭞ᬩᭀᬬᬳᬤᬸᬂ᭞ᬩᬦ᭄ᬤᬶᬗᬂᬭᬶᬂᬤᬾᬰᬤᬾᬰ᭟ᬯ᭄ᬬᬤᬶᬦ᭄ᬫᬦᬶᬲ᭄ᬧᬜᬫ᭄ᬩ᭄ᬭᬫ᭞
Kaca:Bali-lontar-geguritan-anggreni-300ppi.pdf/45
Kaca puniki sampun kauji-wacén
