[᭔᭑ 41 B]
᭔᭑
ᬳᬤᬶᬲᬶᬦᬄᬢᭂᬭᬂ᭞ᬗᬦ᭄ᬤᬶᬓᬳᬶᬦ᭄᭞ᬲᬵᬫ᭄ᬧᬸᬦ᭄ᬫᬮᬶᬄᬫᬓᬸᬩ᭄ᬤᬬᬦ᭄᭟ᬧᬵᬢᬹᬢ᭄ᬳᬤᬶᬫᬗᬚᬸᬫᬂ᭞ᬳᬤᬶᬧᬵᬢᬹᬢ᭄ᬫᬜᬘᬤᬶᬦ᭄᭞ᬫᭂᬗ᭄ᬕᬳᬶᬦ᭄ᬢᬶᬢᬶᬬᬂᬲᬬᬗᬂ᭞ᬲᬸᬭᬢᬾᬳᬗ᭄ᬕᬶᬦ᭄ᬧᬲᬶᬮᬸᬃ᭞ᬧᬘ
ᬲᬫᬶᬫᬳᭂᬤᭀᬳᬦ᭄᭞ᬓᬤᬶᬫᬗ᭄ᬓᬶᬦ᭄᭞ᬗᬶᬭᬶᬂᬲᬫᬶᬗᬶᬭᬶᬫ᭄ᬲᬸᬭᬢ᭄᭟ᬲᬧᬸᬦᬶᬓᬯ᭄ᬬᬓ᭄ᬢᬶᬬᬦ᭄᭞ᬳᬗ᭄ᬭᬾᬡᬶᬢᭂᬕᭂᬲ᭄ᬫᬯᭀᬲᬶᬦ᭄᭞ᬳᭂᬦᭂᬗᬓᭂᬦᬘᬭᬶᬢ᭞ᬤᭂᬧᬂᬤᬦᬾᬗᬚᬧ᭄ᬲᬸᬯᬸᬂ᭞
ᬤᬾᬦᬶᬂᬧᬥᬲᬫᬶᬩᭂᬤᬓ᭄᭞ᬫᬤᬓ᭄ᬳᬕ᭄ᬮᬶᬲ᭄᭞ᬩᬸᬓᬸᬦᬾᬫᬢᬶᬫᬸᬮᬯᬲ᭄᭟᭚᭜᭚ᬧᬸᬧᬸᬄᬧᬗ᭄ᬓᬸᬃ᭚᭜᭚ᬓᬭᬗᬲᭂᬫ᭄ᬘᬭᬶᬢᬬᬂ᭞ᬲᬓᬶᬂᬭᬶᬳᬶᬦ᭄ᬫᬸᬮᬓᭀᬣᬳᬶᬦ᭄ᬥᬄᬩᭂᬃᬲᬶᬄ᭞ᬕᭂᬦᬳᬾ᭠
ᬦᬫ᭄ᬧᬶᬓ᭄ᬭᬶᬂᬢᬗ᭄ᬕᬸ᭞ᬓᭀᬣᬦᬾᬫᬮᭀᬩᭀᬗᬦ᭄᭞ᬓᬲᬕᬭ᭞ᬫᬃᬕ᭄ᬕᬶᬦᬾᬫᬦᭀᬮᭀ᭠ᬳᬮᬸᬲ᭄᭞ᬲᭂᬮᬕ᭄ᬳᬦ᭄ᬢᬸᬓ᭄ᬢᬸᬓᬤ᭄ᬚᬸᬗ᭞ᬢᭀᬬᬦ᭄ᬳᬶᬧᬸᬦ᭄ᬳᭂᬦᬶᬂᬩᭂᬃᬲᬶᬄ᭟ᬕᬸᬦᬸᬂᬋᬜ᭄ᬚᬦᬶᬢᬶᬗ᭄ᬕᬃᬧᬶᬲᬦ᭄᭞ᬓ
[᭔᭒ 42 A]
ᬲᬳᬶᬳᬶᬦ᭄ᬕᬸᬦᬸᬂᬳᬕᬸᬗᬾᬤᬶᬩᬮᬶ᭞ᬯᬾᬦ᭄ᬢᭂᬦ᭄ᬢᬫᬦ᭄ᬲᬦᬾᬓᬲᬸᬩ᭄᭞ᬕᭂᬦᬄᬳᬫᬮ᭠ᬜ᭄ᬘᬭᬦ᭄᭞ᬢᬶᬃᬣᬕᬗ᭄ᬖ᭞ᬓᬧᬶᬗ᭄ᬓᬮᬶᬄᬢ᭄ᬮᬕᬉᬚᬸᬂ᭞ᬧᬲᬶᬲᬶᬜ᭄ᬚᬲᬶᬦᬾᬢᬶᬗ᭄ᬕᬃ᭞ᬧᬸᬜᬦ᭄ᬳᭂᬜᬸᬳᬾ
ᬫᬭᬶᬭᬶᬕ᭄᭟ᬤᬶᬢᬸᬧᬸᬲᬢ᭄ᬧᬫ᭄ᬭᬶᬦ᭄ᬢᬳᬦ᭄᭞ᬩᬶᬮᬂᬢᬳᬸᬦ᭄ᬭᬶᬂᬫᬦᬸᬚᬸᬧ᭄ᬭᭀᬓ᭄ᬮᬫᬲᬶ᭞ᬭ᭠ᬓ᭄ᬬᬢᬾᬲᬫᬶᬫᬓᬸᬫ᭄ᬧᬸᬮ᭄᭞ᬦᭂᬢᭂᬧᬂᬧᬭᬬᬳᬦ᭄᭞ᬓᬯᬾᬦ᭄ᬢᭂᬦᬂ᭞ᬧᬲᬃᬫᬮᬫᬾᬳᬫᬶᬗ᭄ᬕᬸ᭞
ᬕᭀᬂᬳᬗ᭄ᬓᭂᬮᬸᬂᬧᭂᬃᬢᬡ᭄ᬥᬶᬗᬦ᭄᭞ᬧ᭄ᬭᬕᬶᬩᬲᬫᬶᬫᬲᭂᬮᬶᬃ᭟ᬤᬶᬢᬸᬕᬸᬲ᭄ᬢᬶᬮᬦᬂᬳᬃᬣ᭞ᬭᬚᬶᬦ᭄ᬧᬶᬲᬦ᭄ᬫᬳᬸᬭᬸᬓ᭄ᬱᬩᬶᬮᬂᬯᬳᬶ᭞ᬓᬮᬶᬄᬲᬋᬂᬫᬶᬮᬸ᭞ᬫᬳᬸᬭᬸᬓ᭄ᬫᬲᭀᬮᬳᬦ᭄᭞ᬲᬾᬦ᭄ᬤ᭄ᬭᬢᬭᬶ᭞ᬗᭂᬫᭂ
ᬢᬂᬧᬘᬂᬫᬧᬥᬸ᭞ᬫᬗ᭄ᬓᬶᬦ᭄ᬯᬮᬶᬦᬶᬜ᭄ᬘᬭᬶᬢ᭞ᬳᬶᬕᬸᬲ᭄ᬢᬶᬳᬬᬸᬳᬗ᭄ᬭᬾᬡᬶ᭟ᬯᬾᬦ᭄ᬢᭂᬦ᭄ᬫᬶᬦᬩ᭄ᬤᬯᬸᬄᬢᬶᬕ᭞ᬕᬸᬲ᭄ᬢᬶᬳᬬᬸᬓᭂᬜ᭄ᬚᭂᬓᬦ᭄ᬜᭂᬫᬸᬄᬧᬤᬶ᭞ᬲᬕᬾᬢ᭄ᬳᬦᬓ᭄ᬳᬮᬶᬢ᭄ᬭᬯᬸᬄ᭞ᬜᬕ᭄ᬚᬕ᭄ᬗᬢᬹᬭᬂᬲᬸᬭ᭠
Kaca:Bali-lontar-geguritan-anggreni-300ppi.pdf/42
Kaca puniki sampun kauji-wacén
