[᭔᭒ 42 B]
᭔᭒
ᬢ᭄᭞ᬫᬳᬯᬶᬦᬦ᭄᭞ᬗᬢᬸᬕ᭄ᬢᬕ᭄ᬢᬗ᭄ᬓᬳᬾᬯᭂᬢᬸ᭞ᬳᬚᬳᬦ᭄ᬳᬯᬶᬦᬦ᭄ᬳᬶᬘᬮ᭄᭞ᬲᬵᬫ᭄ᬧᬸ᭠ᬦ᭄ᬤᬦᬾᬫᬫᬯᭀᬲᬶᬦ᭄᭟ᬤᬾᬦᬶᬂᬤᬦᬾᬲᬵᬫ᭄ᬧᬸᬦ᭄ᬯᬶᬓᬦ᭄᭞ᬲᬸᬭᬢᬦᬾᬧᬦᬵᬂᬬ᭄ᬬᬦ᭄ᬤᬬᬶᬭᬹᬓ᭄ᬫᬶ᭞ᬭᬶᬂ
ᬓᬭᬗᬲᭂᬫ᭄ᬫᬮᬸᬗ᭄ᬕᬸᬄ᭞ᬲᭀᬩᬢ᭄ᬲᬋᬂᬫᬲᭂᬓᭀᬮᬄ᭞ᬤᬕᬶᬂᬲᬸᬭᬢ᭄᭞ᬲᬸᬭᬢ᭄ᬳᬤᬶᬲᬦᬾᬤᬸᬫᬸᬦ᭄᭞ᬢᬶᬢᬶᬬᬂᬲᬵᬫ᭄ᬧᬸᬦ᭄ᬫᬦᬭᬶᬫ᭞ᬓᬮᬶᬄᬤᬕᬶᬂᬳᬶᬧᬸᬦ᭄ᬲᬫᬶ᭟ᬳᬤᬶᬫᭂᬍᬤ᭄ᬫᬮᬜ᭄ᬘᬭ᭠
ᬦ᭄᭞ᬢᬶᬢᬶᬬᬗᬾᬓᬓᭀᬣᬫᬗ᭄ᬤᬉᬦᬶᬂ᭞ᬦᬧᬶᬳᬯᬶᬦᬦ᭄ᬢᬦ᭄ᬤᬸᬭᬸᬲ᭄᭞ᬫᬶᬦᬩ᭄ᬯᬦ᭄ᬢᬄᬦᬾᬦ᭄ᬢᭂᬦ᭄ᬲᭂᬗ᭄ᬕᬂ᭞ᬧᬃᬡ᭄ᬦᬦ᭄ᬢᬶᬢᬶᬬᬂ᭞ᬲᬓᬾᬂᬧᬓᭀᬩᭂᬢ᭄ᬭᬶᬂᬓᬬᬸᬦ᭄᭞ᬲᬫᭂᬢᭀᬦᬦ᭄ᬦᬾᬦ᭄ᬢᭂᬦ᭄ᬩᬾᬩᬲ᭄᭞ᬧᬘᬂᬗᬶ
ᬘ᭄ᬙᬦᬶᬦ᭄ᬫᬮᬮᬶ᭟ᬢᬶᬢᬶᬬᬂᬉᬦᬶᬂᬧᬸᬦᬶᬓ᭞ᬳᬤᬶᬫᭂᬍᬤ᭄ᬓᬓᬭᬗᬲᭂᬫ᭄ᬫᬮᬮᬶ᭞ᬧᭂᬃᬮᬸ᭠ᬗᬮᬶᬄᬳᬗᬶᬦ᭄ᬩᬭᬸ᭞ᬭᬶᬂᬕᭂᬦᬄᬦᬾᬮᬦᬂᬳᬃᬣ᭞ᬦᬵᬗ᭄ᬳᬶᬂᬲᬬᬂ᭞ᬢᬶᬢᬶᬬᬂᬤᬸᬭᬸᬂᬧᬢᬶᬯᬯᬸᬄ᭞ᬓᬮᬶᬄᬤᬸᬭᬸᬂ᭠
[᭔᭓ 43 A]
ᬫᬓᭂᬦᬮᬦ᭄᭞ᬬᬤᬶᬦ᭄ᬯᬃᬡ᭄ᬦᬤᬸᬭᬸᬂᬉᬦᬶᬂ᭟ᬧᬸᬦᬧᬶᬓᬾᬫᬯᬶᬦᬦ᭄᭞ᬮᬦᬂᬳᬃᬣᬜᬶᬤ᭄ᬥᬬᬂᬗᭂᬢᬸᬰᬢᬶ᭞ᬓᬬᬸᬦ᭄ᬳᬤᬶᬦᬾᬫᬗᬬᬸᬄ᭞ᬓᬦ᭄ᬢᬶᬳᬤᬶᬫᬲᭂᬥᬶᬳᬦ᭄᭞ᬫᬳᬯᬶᬦᬦ᭄᭞ᬳᬤᬶᬗᬚᬸ
ᬫ᭄ᬓᬮᬶᬄᬜᬸᬳᬸᬦ᭄᭞ᬲᬧᬲᬶᬭᬓᬾᬧᬸᬦᬶᬓ᭞ᬲᬦᬾᬮᬗ᭄ᬓᬸᬂᬲᬤ᭄ᬬᬕᬢᬶ᭟ᬉᬮᬸᬂᬧᭀᬮᬶᬄᬫᬦᬸᬤᬸᬓᬂ᭞ᬩᬸᬗ᭄ᬢᬦ᭄ᬤᬸᬤᬓᬤᬶᬫᭂᬦᬸᬳᬾᬳᬓᬢᬶᬄ᭞ᬲᬦᬾᬢᬸᬫ᭄ᬩᬸᬄᬤᬶᬓᭀᬭᬶᬩᬢᬸ᭞ᬓᬳᬧᬶᬢ᭄ᬩᬵ
ᬜ᭄ᬢᬶᬦᭂᬂᬓᭂᬫ᭄ᬩᬃ᭞ᬳᬢᬹᬃᬢᬶᬢᬶᬬᬂ᭞ᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬓᬩᬃᬮᬸᬯᬸᬂ᭞ᬲᬵᬫ᭄ᬧᬸᬦ᭄ᬓᬾᬳᬤᬶᬧᬯᬶᬓᬦ᭄᭞ᬩᬸᬮᬦ᭄ᬳᬕᬸᬲ᭄ᬢᬸᬲᬾᬫᬗ᭄ᬓᬶᬦ᭄᭟ᬧᬘᬂᬯᬾᬦ᭄ᬢᭂᬦ᭄ᬓᬭᬫᬾᬬᬦ᭄᭞ᬧᬶᬢᬸᬂᬤᬶᬦᬵ᭞ᬕᭀᬂᬳᬗ᭄ᬓᭂᬮᬸᬗᬾᬫ
ᬢᬡ᭄ᬥᬶᬂ᭞ᬲᬲᭀᬮᬳᬦᬾᬫᬢᬸᬭᬸᬢ᭄᭞ᬳᬤᬶᬉᬕᬶᬳᬧᬂᬢᭂᬓ᭞ᬤᬶᬦᬵᬧᬸᬦᬶᬓ᭞ᬭᬶᬂᬚᬸᬫᬄᬢᬶᬢᬶᬬᬗᬾᬫᬤᬸᬦᬸᬂ᭞ᬓᬬᬸᬦ᭄ᬳᬤᬶᬫᬗ᭄ᬤᬲᭂᬗ᭄ᬕᬂ᭞ᬲᬫ᭄ᬩᬶᬮ᭄ᬗᬶᬭᬸᬧ᭄ᬳᬗᬶᬦ᭄ᬧᬕᬶ᭟ᬬᬦᬶᬂᬲᬵᬫ᭄ᬧᬸᬦ᭄ᬗᬮᬶᬗ᭄ᬲᬶᬭᬂ
Kaca:Bali-lontar-geguritan-anggreni-300ppi.pdf/43
Kaca puniki sampun kauji-wacén
