[᭔᭐ 40 B]
᭔᭐
ᬚᬸᬯᬳᬢᬹᬃᬢᬶᬢᬶᬬᬂ᭟ᬳᬤᬸᬄᬳᬤᬶᬦᬲᬶᬩ᭄ᬫᭂᬮᬄ᭞ᬩᬦ᭄ᬥᬶᬗᬂᬢᬶᬢᬶᬬᬂᬳᬶᬭᬶᬓᬶ᭞ᬳᬤᬶᬧᭀᬮᬶᬄᬓᬦ᭄ᬜᬶᬗᬓ᭄᭞ᬦᬢᬄᬧᬜᭂᬫᬸᬳᬦ᭄ᬧᬦ᭄ᬢᬸᬦ᭄᭞ᬫᬶᬯᬄᬕᭂᬤᬳᬾᬫᬘᬦ᭄ᬥ᭞ᬬᬦ᭄ᬭᬶᬂᬘᬭᬶᬓ᭄᭞ᬧᬶ
ᬗ᭄ᬓᬮᬶᬄᬧᭀᬮᬶᬄᬫᬜᬫ᭄ᬩᬂ᭟ᬲᬶᬬᭀᬲ᭄ᬢᬶᬢᬶᬬᬂᬧᬥᬾᬯᬾᬓᬦ᭄᭞ᬫᬗᬸᬩᭂᬂᬓᬲᭂᬮᬢ᭄ᬩᬸᬓᬶ᭠ᬢ᭄᭞ᬯ᭄ᬬᬤᬶᬦ᭄ᬭᬫᬾᬫᬭᬶᬂᬓᭀᬣ᭞ᬧᬲᬃᬫᬮᬫ᭄ᬲᬶᬬᭀᬲ᭄ᬩᬶᬲ᭄ᬓᬸᬧ᭄᭞ᬦᬵᬗᬶᬂᬲᬫᬸᬦ᭄ᬫᬦᬄᬢᬶᬢᬶᬬᬂ᭞ᬢᬶ
ᬢᬶᬬᬂᬳᬾᬮᬶᬂᬤᬾᬦᬶᬂᬕᭂᬦᬳᬾᬫᬤᭀᬮᬦ᭄᭟ᬫᬧᬫᬶᬢᬾᬲᬓᬶᬂᬤᬸᬤ᭞ᬯᬳᬸᬢᬶᬢᬶᬬᬂᬫᬗ᭄ᬭᬱᬦᬶᬦ᭄᭞ᬢᬦ᭄ᬧᬾᬦ᭄ᬥᬄᬳᬶᬤᬕᬂᬮᬭᬢ᭄᭞ᬦᬾᬦ᭄ᬢᭂᬦ᭄ᬗᭂᬮᬄᬢᬶᬫ᭄ᬧᬮ᭄ᬳᬶᬧᬸᬦ᭄᭞ᬬᬦ᭄ᬢᬶᬢᬶᬬᬂᬓᬭᬶ
ᬭᬶᬂᬤᬸᬤ᭞ᬓᬕᭂᬤᭂᬕᬶᬦ᭄᭞ᬦᬾᬦ᭄ᬢᭂᬦ᭄ᬢᬶᬢᬶᬬᬂᬓᬓ᭄ᬯᬶᬦ᭄ᬜᬫ᭟ᬚᬜ᭄ᬚᬶᬦ᭄ᬳᬤᬶᬦᬾᬭᬶᬂᬢᬶᬢᬶᬬᬂ᭞ᬲᬤᬸᬓᬾᬚᬕᬶᬫᬧᬫᬶᬢ᭄᭞ᬧᬸᬦᬶᬓᬳᬾᬮᬶᬗᬂᬢᬶᬢᬶᬬᬂ᭞ᬫᬓᬦᭂᬓᭂᬮ᭄ᬓᭂᬫᬶᬢ᭄ᬳᬶᬤᬸᬧ᭄᭞ᬤᬾᬦᬶᬂᬓᬦ᭄ᬢᬸᬦ᭄ᬲᭂᬗ᭄ᬓ
[᭔᭑ 41 A]
ᬧᬶᬲᬦ᭄᭞ᬮᬶᬦ᭄ᬢᬂᬯᭂᬗᬶ᭞ᬫᬃᬕ᭄ᬕᬶᬦᬾᬢᬦ᭄ᬯᬾᬦ᭄ᬢᭂᬦ᭄ᬗᭂᬦᬄ᭟ᬢᬶᬢᬶᬬᬂᬦᬾᬦ᭄ᬢᭂᬦ᭄ᬫᬗᭀᬩᭂᬢᬂ᭞᭠ᬤᬾᬦᬶᬂᬢᬶᬢᬶᬬᬂᬓᬦ᭄ᬢᬸᬦ᭄ᬳᬾᬮᬶᬂ᭞ᬓᬦ᭄ᬢᬸᬦ᭄ᬭᬶᬂᬫᬦᬄᬫᬭᬯᬢ᭄᭞ᬭᬱᬗᬾᬦ᭄ᬓᬾᬦ᭄ᬫᬗ᭄ᬤᬢᬸᬮᬸᬲ᭄᭞ᬦᭂᬕ᭄ᬢᭂᬕᬂ
ᬫᬦᬳᬾᬲᬩᬃ᭞ᬢᬸᬃᬧᭂᬫ᭄ᬩ᭄ᬭᬦᬶ᭞ᬧᬘᬂᬦᭂᬫ᭄ᬧᬸᬄᬓᬳᬶᬤᬸᬧᬦ᭄᭟ᬬᬾᬦᬶᬂᬦᬾᬦ᭄ᬢᭂᬦ᭄ᬲᬓᬶᬂᬲᬚ᭞ᬫᬶᬦᬩ᭄ᬮᬫᬶᬧᬸᬢᬸᬲ᭄ᬳᬢᬶ᭞ᬦᬲᬶᬩᬾᬭᬭᬶᬲ᭄ᬲᭂᬮ᭄ᬲᭂᬮᬂ᭞ᬲᬂᬳ᭄ᬬᬂᬯᬶᬥᬷᬳᬗ᭄ᬕᬾᬦ᭄ᬢᬗ᭄ᬕᬸ᭞ᬤ᭄ᬯᬦᬶᬂᬫᬗ᭄ᬓᬶᬦ᭄ᬲᬵ
ᬫ᭄ᬧᬸᬦ᭄ᬲᬶᬦᬄ᭞ᬧᬢᭂᬉᬭᬶᬧ᭄᭞ᬲᬵᬫ᭄ᬧᬸᬦ᭄ᬲᬶᬦᬄᬫᬲᬶᬓᬶᬬᬦ᭄᭟ᬧᬶᬦᬓᬳᬗ᭄ᬕᬾᬦ᭄ᬓᬫᬸᬮᬦ᭄᭞ᬲᬦᬾᬢᬦ᭄ᬯᬾᬦ᭄ᬢᭂᬦ᭄ᬦᬡ᭄ᬥᬶᬗᬶᬦ᭄᭞ᬬᬤᬶᬦ᭄ᬕᬸᬫᬶᬦᬾᬓᬶᬬᬫᬢ᭄᭞ᬚᬕᬢᬾᬬᬧᭂᬢᭂᬂᬭᬶᬩᬸᬢ᭄᭞ᬬᬤᬶ᭠
ᬦ᭄ᬲᬤᬕᬶᬂᬚᬕᬢ᭄᭞ᬫᬗᭂᬤᭂᬕᬶᬦ᭄᭞ᬢᬶᬢᬶᬬᬂᬦᬾᬦ᭄ᬢᭂᬦ᭄ᬫᬲᭂᬮ᭄ᬲᭂᬮᬦ᭄᭟ᬤᬾᬦᬶᬂᬳᬤᬶᬲᬵᬫ᭄ᬧᬸᬦ᭄ᬮᬾᬤᬂ᭞ᬓᬬᬸᬦ᭄ᬲᬳᬶᬤᬸᬧ᭄ᬲᬫᬢᬶ᭞ᬧᬸᬦᬶᬓᬦᬾᬫᬗᬯᬶᬦᬂ᭞ᬲᬦᬾᬫᬗ᭄ᬓᬶᬦ᭄ᬢᬶᬢᬶᬬᬂᬫᬵᬢᬹᬃ᭞ᬫᬗ᭄ᬤ
Kaca:Bali-lontar-geguritan-anggreni-300ppi.pdf/41
Kaca puniki sampun kauji-wacén
