[᭓᭙ 39 B]
᭓᭙
ᬢ᭄ᬦᬗ᭄ᬕᬸᬂᬓᬲᭂᬥᬶᬳᬦ᭄᭟ᬢᬍᬃᬓᭀᬢᬸᬗ᭄ᬓᬲᬂᬢᬶᬢᬶᬬᬂ᭞ᬦᬵᬗ᭄ᬳᬶᬂᬓᬦ᭄ᬢᬸᬦ᭄ᬢᬶᬢᬶᬬᬂᬳᬾᬮᬶᬂ᭞ᬲᬤᬸᬓᬾᬭᬶᬂᬓᬮᬗᬜᬃ᭞ᬫᬦᬄᬳᬚᭂᬭᬶᬓᬾᬮᬗ᭄ᬓᬸᬂ᭞ᬫᬗ᭄ᬤᬲᬵᬫ᭄ᬧᬸᬦ᭄ᬮᬗ᭄ᬓᬸᬂᬩᭂᬭᬢ᭄᭞ᬓᬤᬶᬩᭂᬮᬶ᭞ᬩᭂᬭᬢ᭄ᬫᬫᬶ
ᬦᭂᬳᬶᬦ᭄ᬭᬕ᭟ᬤᬾᬦᬶᬂᬢᬦ᭄ᬤᬤᭀᬲ᭄ᬢᬸᬗ᭄ᬓᬲᬶᬂ᭞ᬢᭀᬬᬦ᭄ᬯᬱ᭄ᬧᬦᬕᬶᬄᬫᬶᬚᬶᬮ᭄᭞ᬧᬸᬦᬶᬓᬦᬾᬗᬯᬶᬦᬂᬢᬶᬢᬶᬬᬂ᭞ᬕᬕᭂᬮᬶᬲᬦ᭄ᬭᬭᬶᬫᬦ᭄ᬢᬸᬓ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬓᬦ᭄ᬢᭂᬦᬂ᭞ᬓᬤᬶᬩᭂᬮᬶ᭞ᬧᬘᬂᬳ᭠
ᬦᬵᬄᬫᬩᭂᬮᬲᬦ᭄᭟ᬢᭀᬬᬦ᭄ᬳᬓ᭄ᬱᬶᬦᬾᬧᬸᬦᬶᬓ᭞ᬫᬫᭂᬭᬢ᭄ᬜᬸᬲᬸᬯᭀᬭᬶᬗ᭄ᬳᬢᬶ᭞ᬓᬦ᭄ᬢᬶᬲ᭄ᬩᭂᬭᬕ᭄ᬫᬦᬳᬦᬂ᭞ᬢᬦ᭄ᬲᬶᬤ᭄ᬥᬳᬦ᭄ᬢᬸᬓ᭄ᬫᬦᬗ᭄ᬕᬸᬂ᭞ᬲᬸᬯᬸᬂᬕᬸᬫᬶᬦᬾᬭᬰᬬᬂ᭞ᬲᭂᬥᭂᬓ᭄ᬮᬶᬗ᭄ᬲᬶᬃ᭞ᬓᬩᬸᬓᬶᬢ᭄ᬓᭂ᭠
ᬮᬩ᭄ᬲᬭᬸᬯᬂ᭟ᬫᬶᬭᬶᬩ᭄ᬩᭂᬮᬶᬤᬶᬢᬸᬗᭂᬦᬄ᭞ᬯᬳᬸᬢᬶᬢᬶᬬᬂᬫᬦᭂᬲᭂᬓᬶᬦ᭄᭞ᬤᬤᬶᬩᭂᬮᬶᬢ᭄ᬯᬭᬗᭂᬦᬄ᭞ᬩᬢᬸᬤᭀᬕᬾᬦ᭄ᬤᬶᬢᬸᬓᬦ᭄ᬢᬸᬦ᭄᭞ᬢᭀᬗᭀᬲ᭄ᬩᭂᬮᬶᬲᬋᬂᬢᬶᬢᬶᬬᬂᬗᬶᬓᭂᬢ᭄ᬚᬜ᭄ᬚᬶ᭞ᬫᬗᬯᬾ᭠
[᭔᭐ 40 A]
ᬦᬂᬭᬶᬦ᭄ᬤᬸᬫᬦᬄ᭟ᬭᬭᬶᬲ᭄ᬢᬶᬢᬶᬬᬂᬦᭂᬥᬸᬦᬂ᭞ᬭᬯᬸᬄᬭᬶᬂᬧᬜ᭄ᬘᭀᬭᬦ᭄ᬫᬗ᭄ᬓᬶᬦ᭄᭞ᬭᬶᬂᬮᬶᬗ᭄ᬕᬶᬄᬩᭂᬮᬶᬦᬾᬳᭂᬩᬄ᭞ᬋᬋᬄᬢᬶᬢᬶᬬᬂᬢᬍᬃᬲᬸᬯᬸᬂ᭞ᬤᬾᬦᬶᬂᬲᬵᬫ᭄ᬧᬸᬦ᭄ᬫᬳᭂᬤᭀᬳᬦ᭄᭞ᬓᬤᬶᬫᬗ᭄ᬓᬶᬦ᭄᭞ᬯᬳᬸ
ᬲᬶᬤ᭄ᬥᬓᬫᬦᬳᬦ᭄᭟ᬤᬶᬦᬵᬲᬦᬾᬲᬵᬫ᭄ᬧᬸᬦ᭄ᬢᬶᬗ᭄ᬕᬮ᭄᭞ᬲᬧᬸᬦᬧ᭄ᬬᬂᬫᬗ᭄ᬓᬶᬦ᭄ᬗᬮᬶᬄ᭞ᬧᬘᬂ᭠ᬫᬮᬶᬄᬗᬫᬮᬶᬬᬂ᭞ᬦᬾᬦ᭄ᬢᭂᬦ᭄ᬜᬶᬤ᭄ᬥᬬᬂᬓᬧᬗ᭄ᬕᬸᬄ᭞ᬳᬫᬸᬂᬓᬭᬶᬧᬭᬶᬗᬢᬦ᭄᭞ᬗᬯᬾᬲᭂᬥᬶᬄᬬᬾᬄᬫ
ᬢᬦ᭄ᬢᬶᬢᬶᬬᬗᬾᬫᭂᬤᬮ᭄᭟ᬢᬶᬢᬶᬬᬂᬫᬗ᭄ᬓᬶᬦ᭄ᬭᬭᬶᬲ᭄ᬩᬸᬤᬮ᭄᭞ᬢᭂᬓᭂᬤ᭄ᬚᬸᬫᬄᬗᬭᬂᬢᬸᬮᬶᬲ᭄᭞᭠ᬫᬢᬶᬢᬶᬧ᭄ᬢᬶᬢᬶᬬᬂᬭᬶᬂᬤᬕᬂ᭞ᬩᬶᬦ᭄ᬧᬶᬤᬦ᭄ᬩᭂᬮᬶᬓᬧᬗ᭄ᬕᬸᬄ᭞ᬯᬮᬸᬬᬭᬶᬂᬧᬗᬶᬧᬶᬬᬦ᭄᭞ᬯ᭄ᬬᬤᬶᬦ᭄ᬫᬮᬮᬶ᭞᭠
ᬲᬸᬯᬸᬂᬚᬕᬢᬾᬭᬱᬬᬂ᭟ᬲᬧᬸᬦᬶᬓᬤᬕᬶᬂᬲᬸᬭᬢ᭄᭞ᬮᬦᬂᬳᬃᬣᬫᬫᬯᭀᬲᬶᬦ᭄᭞ᬭᬭᬶᬲ᭄ᬫᬗᬯᬾᬩᬮᬲᬦ᭄᭞ᬢᬶᬢᬶᬬᬂᬭᬶᬂᬤᬕᬂᬲᬵᬫ᭄ᬧᬸᬦ᭄᭞ᬲ᭄ᬯᬭᬦ᭄ᬲᬸᬭᬢ᭄ᬳᬫ᭄ᬮᬤ᭄ᬧ᭄ᬭᬡ᭞ᬳᬤᬸᬄᬳᬤᬶ᭞ᬧᬶᬋᬗᬂ᭠
Kaca:Bali-lontar-geguritan-anggreni-300ppi.pdf/40
Kaca puniki sampun kauji-wacén
