[᭓᭘ 38 B]
᭓᭘
ᬓᬶᬂᬲᬲᬓ᭄᭞ᬲᬓᬶᬂᬫᬾᬫᬾᬢᭂᬕᭂᬄᬗᬶᬭᬶᬫ᭄᭟ᬧᬵᬢᬹᬢ᭄ᬮᬦᬂᬫᬗ᭄ᬓᬶᬦ᭄ᬫᬦ᭄ᬢᬸᬓ᭄᭞ᬲᬓᬦ᭄ᬢᬸᬦ᭄ᬫᬾᬫᬾᬫᬉᬭᬶᬧ᭄᭞ᬓᭂᬫ᭄ᬩᬮᬶᬓᬚᬕᬢ᭄ᬲᬲᬓ᭄᭞ᬲᬧᬸᬦᬶᬓᬤᬕᬶᬂᬢᬸᬮᬶᬲ᭄᭞ᬦᬵᬗ᭄ᬳᬶᬂᬤᬦᬾᬤᬸᬭᬸᬂ
ᬧᬶᬲᬦ᭄᭞ᬧᬘᬂᬓᬬᬸᬦᬾᬓᭂᬫ᭄ᬩᬮᬶ᭟ᬳᬓᬾᬄᬧᬶᬢᬸᬗᬦᬾᬢᬸᬫ᭄ᬩᬸᬄ᭞ᬢᭂᬃᬩᬬᬂᬩᬬᬂᬤᬶᬳᬢᬶ᭞ᬫᬧᬓᬬᬸᬦ᭄ᬢᬸᬓᬂᬕᬫ᭄ᬩᬂᬫᬧᬓᬬᬸᬦ᭄ᬫᬧᭀᬮᬶᬢᬶᬓ᭄᭞ᬫᬧᬓᬬᬸᬦ᭄ᬤᬤᬶᬤᬕᬂ᭞ᬫᬗᬸᬩᬸᬗᬂᬳᬾ
ᬓᭀᬦᭀᬫᬶ᭟ᬧᬮᬶᬂᬢᬶᬦ᭄ᬤᬓᬦᬾᬲᬸᬯᬸᬂ᭞ᬭᬶᬂᬯᬳᬸᬦᬾᬫᬗᬯᬶᬢᬶᬦ᭄᭞ᬳᬶᬭᬶᬓᬭᬶᬂᬓᬭᬗᬲᭂᬫ᭄᭞ᬤ᭄ᬯᬦᬶᬂᬤᬦᬾᬤᬸᬭᬸᬂᬳᬸᬦᬶᬂ᭞ᬤᬸᬭᬸᬂᬯᬾᬦ᭄ᬢᭂᬦ᭄ᬧᭂᬃᬕᬳᬸᬮᬦ᭄᭞ᬫᬳᬯᬶᬦᬦ᭄ᬚᬧᬄᬫᬶᬚᬶᬮ᭄᭟ᬫ
ᬗ᭄ᬓᬶᬦ᭄ᬲᭂᬥᭂᬓ᭄ᬳᬭᬶᬫᬶᬗ᭄ᬕᬸ᭞ᬓᬧᬲᬃᬤᬦᬾᬫᬮᬮᬶ᭞ᬭᬭᬶᬲ᭄ᬯᬾᬦ᭄ᬢᭂᬦ᭄ᬫᬗ᭄ᬓᬶᬦ᭄ᬲᬸᬭᬢ᭄᭞ᬤᬕᬂᬤᬸᬤᬓᬢᬶᬢᬶᬧᬶᬦ᭄᭞ᬳᬗ᭄ᬭᬾᬡᬶᬬᬫᬦᬶᬢᬶᬧᬂ᭞ᬤᬕᬶᬂᬲᬸᬭᬢ᭄ᬲᬧᬸᬦᬶᬓᬶ᭟᭚᭜᭚ᬧᬸᬧᬸᬄᬕᬶᬦᬤ᭚᭜
[᭓᭙ 39 A]
᭚ᬓᬭᬗᬲᭂᬫ᭄ᬓᬮᬶᬄᬤᬸᬤ᭞ᬩᭀᬬᬳᬤᭀᬄᬬᬦ᭄ᬫᬃᬕ᭄ᬕᬶᬦᬶᬦ᭄᭞ᬩᭂᬮᬶᬲᬵᬫ᭄ᬧᬸᬦ᭄ᬫᬩᭂᬮᬲᬦ᭄᭞ᬭᬶᬂᬢᬶᬢᬶᬬᬂᬗᬯᬶᬦᬂᬳᬶᬩᬸᬄ᭞ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬫᬩᭂᬮᬲᬦ᭄᭞ᬫᬶᬦᬩ᭄ᬩᭂᬮᬶ᭞ᬓᭀᬩᭂᬢ᭄ᬓᬧᬗ᭄ᬕᬶᬄ
ᬭᬶᬂᬢᬶᬢᬶᬬᬂ᭟ᬲᬢ᭄ᬫᬓᬫᬳᭂᬫ᭄ᬧᭂᬢ᭄ᬓᬯᬢ᭄᭞ᬢᬹᬃᬢᬶᬢᬶᬬᬂᬓᬲᬗ᭄ᬲᬬᬳᬶᬦ᭄᭞ᬬᬤᬶᬦ᭄ᬢᬶᬢᬶᬬᬂᬫᬤ᭄ᬯᬾᬢᬶᬫ᭄ᬧᬮ᭄᭞ᬭᬶᬂᬓᬭᬗᬲᭂᬫ᭄ᬫᬮᬸᬗ᭄ᬕᬸᬄ᭞ᬤᬬᬸᬭᬹᬓ᭄ᬫᬶᬧᭂᬲᬾᬗᬦ᭄ᬳᬶᬤ᭞ᬩᭀᬬᬦᬸᬕᬶ᭞
ᬢᬶᬢᬶᬬᬂᬓᬳᬶᬘ᭄ᬙᬾᬦ᭄ᬓᬓᭀᬣ᭟ᬬᬦ᭄ᬢᬦ᭄ᬯᬾᬦ᭄ᬢᭂᬦ᭄ᬲᬦᬾᬩᬸᬯᬢ᭄᭞ᬢᬶᬢᬶᬬᬂᬢᬦ᭄ᬓᬶᬘ᭄ᬙᬾᬦ᭄ᬫᬮᬮᬶ᭞ᬤᬾᬦᬶᬂᬩᭂᬮᬶᬫᬩᭂᬮᬲᬦ᭄᭞ᬦᬾᬗᬯᬦᬂᬫᬦᬄᬭᬶᬦ᭄ᬤᬸ᭞ᬢᬶᬢᬶᬬᬂᬯᬦ᭄ᬢᬄᬦᬶᬧᬸᬫᬦᬄ᭞ᬫ
ᬗᬢᬹᬭᬶᬦ᭄᭞ᬩᭂᬮᬶᬓᬾᬲᬄᬲᬓᬶᬂᬤᬸᬤ᭟ᬧᬶᬢᬳᭂᬦᬂᬧᬘᬂᬲᬶᬤ᭄ᬥ᭞ᬢᬶᬢᬶᬬᬂᬜᬭᬸᬲᬳᬶᬲᬳᬶ᭞ᬫᬗ᭄ᬓᬶᬦ᭄ᬩᭂᬮᬶᬦᬾᬦ᭄ᬢᭂᬦ᭄ᬗᭂᬦᬄ᭞ᬢᬶᬢᬶᬬᬂᬫᬗ᭄ᬓᬶᬦ᭄ᬲᬶᬦᬄᬢᬳᬸ᭞ᬤᬤᭀᬲ᭄ᬳᬦᬔᭂᬮᬸᬄᬩᬚᬂ᭞ᬍᬫᬳᬢᬶ᭞ᬩᭂᬭ
Kaca:Bali-lontar-geguritan-anggreni-300ppi.pdf/39
Kaca puniki sampun kauji-wacén
