[᭓᭕ 35 B]
᭓᭕
ᬦ᭄ᬧᬫᬃᬕ᭄ᬕᬶᬦᬾᬍᬲᬸ᭞ᬭᬶᬂᬳᬋᬧ᭄ᬳᬸᬫᬄᬳᬗ᭄ᬭᬾᬡᬶ᭞ᬳᬸᬫᬳᬾᬬᬤᬢ᭄ᬓᬸᬦ᭞ᬧᬫᬃᬕ᭄ᬕᬶᬦᬾᬗᬸ᭠ᬦ᭄ᬢᬸᬮ᭄᭞ᬤᬾᬦᬶᬂᬳᬭᬧᬦᬾᬢᭂᬮᬲ᭄᭞ᬓᬤᬶᬲᭂᬓᬃ᭞ᬫᬳᭂᬫ᭄ᬧᭂᬢ᭄ᬩᬵᬦ᭄ᬲᬸᬗ᭄ᬕᬧᬸᬮᬶᬂ᭞ᬓᬸᬤ᭄ᬬᬂᬢᬶᬢᬶᬬᬂᬚ᭠
ᬦᬶᬗᬮᬧ᭄᭟ᬉᬮᬶᬤᬶᬢᬸᬗ᭄ᬕᬯᬾᬦᬂᬲᬓᬶᬢ᭄ᬳᬢᬶ᭞ᬢ᭄ᬯᬭᬲᬶᬤ᭄ᬥ᭞ᬫᬢᬫ᭄ᬩᬲᬾᬯᭀᬲᬦ᭄᭞ᬲᬚᬩᬢᬫ᭄ᬩᬦ᭄ᬳᬗ᭄ᬭᬾᬦᬶᬦᬾ᭞ᬲ᭄ᬭᬶᬬᭀᬓᬶᬦ᭄ᬢᬶᬬᬶᬗᬾᬮᬶᬬᬸ᭞ᬫᬚᬚᬃᬤᬶᬧᬶᬗ᭄ᬕᬶᬃᬫᬃᬕ᭄ᬕᬶ᭞ᬓᬢᭂᬫ᭄ᬧᬸᬄᬩᬵ
ᬦ᭄ᬳᬗᬶᬦ᭄ᬩᬭᬢ᭄᭞ᬫᬶᬦᬩ᭄ᬬᬫᬗ᭄ᬮᬶᬧᬹᬃᬓᬾᬢᭀᬤᬦᬾᬫᬫᭂᬦᭂᬳᬂ᭞ᬢᬫ᭄ᬩᭂᬄᬲᬸᬗ᭄ᬓᬦ᭄᭞ᬤᬾᬦᬶᬂᬤᬦᬾᬓᬦ᭄ᬢᬸᬦ᭄ᬳᬾᬮᬶᬂ᭞ᬲᬤᬸᬓᬾᬭᬶᬂᬩᬸᬓᬶᬢ᭄ᬓᭂᬮᬩ᭄᭟ᬉᬫᬤᬾᬰᬓᬮᬶᬄᬧᬸᬘᬓ᭄ᬲᬭᬶ᭞ᬢᬸᬓᬤ᭄ᬲ
ᬗ᭄ᬲᬂ᭞ᬓᬮᬶᬄᬤᬾᬰᬤᬸᬤ᭞ᬓᬫᬸᬮᬦ᭄ᬤᬾᬰᬳᬲᬮᬾ᭞ᬫᬮᬶᬄᬧᬶᬤᬦ᭄ᬧᬥᬧᬗ᭄ᬕᬸᬄ᭞ᬭᬶᬂᬕᭂᬦᬳᬾᬫᬗᬶᬓᭂᬢ᭄ᬚᬜ᭄ᬚᬶ᭞ᬗᬯᬾᬫᬦᬄᬩ᭄ᬬᬧᬭ᭞ᬳᬗ᭄ᬭᬾᬡᬶᬬᬓᬦ᭄ᬢᬸᬦ᭄᭞ᬓᬮᬳᬶᬦ᭄ᬦᬾᬫᬗ᭄ᬓᬶᬦ᭄ᬩᬸᬤᬮ᭄᭞᭠
[᭓᭖ 36 A]
ᬲᬫᬶᬓᬵᬗᭂᬦ᭄᭞ᬢᬍᬃᬢᬸᬗ᭄ᬓᬲᬂᬮᬯᬦᬶᬦ᭄᭞ᬩᬶᬮᬂᬤᬗ᭄ᬓᬬᬫᬭᬃᬬ᭄ᬬᬦ᭄᭟ᬲᬶᬦᬄᬓᬦ᭄ᬢᭂᬦ᭄ᬫᬸᬜ᭄ᬘᬸᬓ᭄ᬳᬸᬫᬳᬾᬲᬫᬶ᭞ᬲᬶᬦᬭᬶᬦ᭄ᬧᬦᬲ᭄᭞ᬮᬦᬂᬳᬃᬣᬓᭀᬘᬧ᭄᭞ᬫᬗᬸᬗ᭄ᬕᬳᬂᬧᬫᬃᬕ᭄ᬕᬶᬦᬾ᭞ᬭᬶᬂᬓ
ᬮᬗᬜᬃᬭᬯᬸᬄ᭞ᬤᬤᭀᬲ᭄ᬫᬗ᭄ᬓᬶᬦ᭄ᬤᬦᬾᬫᬗᬓ᭄ᬱᬶ᭞ᬳᬦᬓ᭄ᬮᬸᬄᬫᬶᬭᬶᬩ᭄ᬩᬚᬂ᭞ᬫᬗᬦ᭄ᬢᭀᬲᬫᬚᬸᬚᬸᬓ᭄᭞ᬳᬦᬓ᭄ᬳᬮᬶᬢ᭄ᬫᬗᬶᬭᬶᬗᬂ᭞ᬲᬵᬫ᭄ᬧᬸᬦ᭄ᬲᬶᬦᬄ᭞ᬳᬶᬕᬸᬲ᭄ᬢᬶᬳᬬᬸᬳᬗ᭄ᬭᬾᬡᬶ᭞ᬯᬬᬦ᭄ᬧᬸᬢᬸᬫᬗᬶ᭠
ᬭᬶᬗᬂ᭟ᬤᬤᬶᬯᭂᬢᬸᬓᬬᬸᬦᬾᬗᬢᬸᬕ᭄ᬢᬕ᭄ᬚᬢᬶ᭞ᬤᬾᬦᬶᬂᬜᬶᬗᬓ᭄᭞ᬳᬦᬓ᭄ᬳᬶᬲ᭄ᬢ᭄ᬭᬶᬩᬚᬂ᭞ᬭᬱᬓᬶ᭠ᬢᬮ᭄ᬬᬫᬸᬜᭀᬦᬾ᭞ᬲᬵᬫ᭄ᬧᬸᬦ᭄ᬫᬗ᭄ᬓᬶᬦ᭄ᬓᬘᬸᬡ᭄ᬥᬸᬓ᭄᭞ᬳᬗ᭄ᬭᬾᬡᬶᬬᬓᬘᬶᬗᬓᬶᬦ᭄᭞ᬭᬭᬶᬲ᭄ᬤᬦᬾᬫᬵᬢᬹᬃᬩ᭠
ᬦ᭄ᬩᬦ᭄᭞ᬳᬤᬶᬲᬓᬶᬂᬢᬸᬮᬸᬲ᭄᭞ᬓᬦ᭄ᬢᭀᬲ᭄ᬳᬤᬶᬫᬜᬦ᭄ᬢᭀᬲᬂ᭞ᬓᬤᬶᬢᬶᬢᬶᬬᬂ᭞ᬳᬗ᭄ᬭᬾᬡᬶᬭᬭᬶᬲ᭄ᬜᬳᬸᬭᬶᬦ᭄᭞ᬫᬸᬮᬲᬭᬢ᭄ᬫᬦᬄᬢᬶᬢᬶᬬᬂ᭟ᬳᬶᬩᬶᬢᬶᬢᬶᬬᬂᬧᭀᬮᬶᬄᬓᬦ᭄ᬤᬶᬓᬳᬶᬦ᭄᭞ᬗᬮᬶᬗ᭄ᬲᬶᬭᬂ᭞
Kaca:Bali-lontar-geguritan-anggreni-300ppi.pdf/36
Kaca puniki sampun kauji-wacén
