[᭓᭔ 34 B]
᭓᭔
ᬲᭂᬓᭂᬦ᭄ᬫᬶᬭᬕᬶ᭞ᬓᬸᬫ᭄ᬧᬸᬮ᭄ᬯᬢᭂᬓ᭄ᬢᬭᬸᬡ᭞ᬫᬫᬦᬄᬫᬶᬲᬾᬤᬬᬂ᭞ᬳᬯᬦᬦ᭄ᬢᬶᬢᬶᬬᬂᬳᬚᭂᬭᬶᬄ᭞ᬬᬦ᭄ᬧᬶᬡ᭄ᬥᬓᬗ᭄ᬓᬢ᭄᭞ᬩᬾᬜ᭄ᬚᬂᬲᭂᬫᭂᬗᬦ᭄ᬩᬸᬤᬮᬶᬦ᭄᭟᭚᭜᭚ᬧᬸᬧᬸᬄᬥᬗ᭄ᬥᬂ᭚᭜᭚
ᬕᬸᬲ᭄ᬢᬶᬮᬦᬂᬳᬃᬣᬬᬫᬮᬶᬗ᭄ᬕᬶᬄᬧᬭᬕᬬᬦ᭄᭞ᬲᬵᬫ᭄ᬧᬸᬦ᭄ᬢᬢᬲ᭄ᬍᬫᬄ᭞ᬢᬶᬢᬶᬓᬓ᭄ᬭᬸᬬᬸᬓ᭄ᬲᬶᬬᬧᬾ᭞ᬳᬾᬮᬶᬂᬭᬶᬂᬭᬕᬓᬢᬸᬦ᭄ᬤᬸᬂ᭞ᬓᬩᬯᭀᬲᬂᬭᬕᬦᬾᬧᭂᬮᬶᬄ᭞ᬗᬍᬫᭂᬲᬶᬦ᭄ᬳᬦᬓ᭄ᬩᬚᬂ᭞ᬤᬶ
ᬦᬶᬢᬦ᭄ᬧᬵᬢᬹᬢ᭄᭞ᬫᬶᬦᬩ᭄ᬦᬲᬶᬩ᭄ᬢᬶᬢᬶᬬᬂᬫᬮᬂ᭞ᬯᬦ᭄ᬢᬄᬕᬦ᭄ᬢᬶ᭞ᬫᬶᬦᬩ᭄ᬧᬓᬃᬤ᭄ᬥᬶᬦᬾᬭᬶᬳᬶ᭠ᬦ᭄᭞ᬢᬶᬢᬶᬬᬂᬫᬗ᭄ᬓᬶᬦ᭄ᬗᬧᬗ᭄ᬕᬶᬳᬂ᭟ᬫᬶᬦᬩ᭄ᬲᬓᬶᬂᬧᬓᬃᬤ᭄ᬥᬶᬦ᭄ᬳᬸᬬᬚᬶ᭞ᬮᬦ᭄ᬳᬶᬩᬶᬬᬂ᭞ᬗᬃᬤ᭄ᬥᬶᬓᬤᬶᬢᬶᬢᬶᬬᬂ᭞᭠
ᬫᬶᬦᬩ᭄ᬓᬶᬭᬗᬦ᭄ᬬᬰᬦᬾ᭞ᬳᬯᬦᬦ᭄ᬢᬶᬢᬶᬬᬂᬫᬫᬗ᭄ᬕᬸᬄ᭞ᬓᬲᬗ᭄ᬲᬭᬦ᭄ᬓᬤᬶᬫᬗ᭄ᬓᬶᬦ᭄᭞ᬮᬸᬤᬶᬦ᭄ᬢᬶᬯᬲ᭄ᬢᬦ᭄ᬧᬓᬥᬂ᭞ᬲᬶᬭᬧᬘᬂᬘᬸᬫ᭄ᬧᬸ᭞ᬗᬗ᭄ᬕᭀᬦ᭄ᬫᬦ᭄ᬢᬸᬢᬶᬢᬶᬬᬂᬢᬶᬯᬲ᭄᭞ᬢᬦ᭄ᬧᬳᭀᬭᬢ᭄᭞ᬲᬶᬭᬳ
[᭓᭕ 35 A]
ᬦᬓᬾᬫᬦᭀᬮᬶᬄ᭞ᬧᬘᬂᬗᬸᬩᬸᬄᬫᬳᬂᬗᬫᬄ᭟ᬫᬶᬦᬩ᭄ᬢᬶᬢᬶᬬᬂᬫᬢᬶᬗ᭄ᬓᬳᬶᬭᬶᬓᬶ᭞ᬧᬶᬦᬶᬄᬭᬸᬲᬓ᭄᭞ᬫᬶᬭᬶᬩ᭄ᬧᬶᬦᬶᬄᬫᭂᬮᬄ᭞ᬲᬧᬭᬶᬲᭀᬮᬄᬳᬦᬓᬾ᭞ᬳᬯᬦᬦ᭄ᬢᬶᬢᬶᬬᬂᬓᬢᬸᬦ᭄ᬤᬸᬂ᭞ᬕᭂᬮᬶᬲ᭄ᬫᬗ᭄ᬓᬶ᭠
ᬦ᭄ᬮᬶᬧᬹᬃᬲᬫᬶ᭞ᬳᬾᬮᬶᬂᬭᬶᬂᬳᬲᬮ᭄ᬤᬸᬤ᭞ᬳᬗ᭄ᬭᬾᬡᬶᬬᬧᬢᬸᬄ᭞ᬫᬲᬶᬄᬧᬥᬉᬮᬶᬤᬸᬤ᭞ᬫᬳᬯᬶᬦᬦ᭄᭞ᬫᬗ᭄ᬓᬶᬦ᭄ᬲᬶᬦᬄᬕᬮᬂᬓᬗᬶᬦ᭄᭞ᬢᬍᬃᬤᬸᬭᬸᬂᬤᬤᭀᬲ᭄ᬓᬶᬬᬧ᭄᭟ᬭᬭᬶᬲ᭄ᬤᬦᬾᬩᬗᬸᬦ᭄ᬮᬸᬢ᭄ᬫᬲᬸᬕᬶ
ᬮᬦ᭄ᬢᬲ᭄ᬦᭂᬕᬓ᭄᭞ᬗᬸᬜ᭄ᬘᬃᬢ᭄ᬭᬶᬲᬦ᭄ᬥ᭄ᬬ᭞ᬭᬫᬾᬫᬸᬜᬶᬜ᭄ᬘᬭᬸᬓ᭄ᬘᬸᬓᬾ᭞ᬮᬶᬫᬸᬢᬾᬓᬢᭀᬦ᭄ᬤᬶᬢᬶᬫᬸᬃ᭞ᬲᬹᬃᬬ᭄ᬬᬦᬾᬫᬦᬥᬭᬶᬦ᭄ᬫᬗ᭄ᬓᬶᬦ᭄᭞ᬧ᭄ᬭᬫᬗ᭄ᬓᬶᬦ᭄ᬭᬭᬶᬲ᭄ᬕᬮᬂ᭞ᬧᬸᬜ᭄ᬘᬓ᭄ᬕᬸᬦᬸᬂᬳᬕᬸᬂ᭞ᬲᬵᬫ᭄ᬧᬸᬦ᭄ᬲᬫᬶᬲᬶᬦᬄᬕ
ᬮᬂ᭞ᬮᬗ᭄ᬓᬸᬂᬳᬶᬦ᭄ᬥᬄ᭞ᬓᬤᬶᬫᬜᭂᬧᬸᬄᬫᬵᬲ᭄ᬯᬶᬮᬶᬲ᭄᭞ᬭᬫᬾᬳᬦᬓᬾᬓᬚᬩ᭟ᬳᭂᬮᬸᬄᬳᬾ᭠ᬮᬸᬄᬭᬫᬾᬧᬥᬓᬩᬾᬚᬶ᭞ᬗᬫ᭄ᬩᬶᬮ᭄ᬢᭀᬬ᭞ᬲᬂᬳ᭄ᬬᬂᬲᬹᬃᬬ᭄ᬬᬫᭂᬤᬮ᭄᭞ᬫᬗ᭄ᬕᬯᬾᬩᬶᬗᬸᬂᬓᬬᬸᬦᬾ᭞ᬓᬦ᭄ᬢᭂ
Kaca:Bali-lontar-geguritan-anggreni-300ppi.pdf/35
Kaca puniki sampun kauji-wacén
