[᭓᭖ 36 B]
᭓᭖
ᬳᬦ᭄ᬢᬸᬓ᭄ᬳᬚᬶᬦ᭄ᬢᬶᬢᬶᬬᬂ᭞ᬲᬧᬸᬦᬶᬓᬶᬳᬯᬶᬦᬦᬾ᭞ᬳᬯᬶᬦᬦ᭄ᬢᬶᬢᬶᬬᬂᬭᬯᬸᬄ᭞ᬤᬸᬭᬸᬲᬂᬩᭂᬮᬶ᭠ᬫᬫᬃᬕ᭄ᬕᬶ᭞ᬬᬤᬶᬦ᭄ᬳᭂᬤᭀᬄᬫᬩᭂᬮᬲᬦ᭄᭞ᬉᬭᬶᬧ᭄ᬢᬶᬢᬶᬬᬂᬓᬵᬢᬹᬃ᭞ᬮᬾᬤᬂᬩᭂᬮᬶᬫᬦᭂᬭᬶᬫ᭞ᬲᬓᬾ
ᬯᬦ᭄ᬢᬄ᭞ᬧᬶᬦᬸᬦᬲ᭄ᬢᬶᬢᬶᬬᬂᬳᬲᬶᬓᬶ᭞ᬯᬸᬲᬦ᭄ᬩᭂᬮᬶᬫᬲᭂᬮ᭄ᬲᭂᬮᬦ᭄᭟ᬳᬶᬗ᭄ᬕᬶᬄᬮᬾᬤᬗᬂ᭠ᬩᭂᬮᬶᬦᬾᬫᬗ᭄ᬓᬶᬦ᭄᭞ᬗ᭄ᬭᬭᬶᬲ᭄ᬫᬫᬃᬕ᭄ᬕ᭞ᬲᬸᬯᬾᬳᬶᬭᬶᬂᬢᬶᬢᬶᬬᬂ᭞ᬮᬶᬮᬬᬂᬲᭂᬥᬶᬄᬓᬬᬸᬦᬾ᭞ᬲᬵᬫ᭄ᬧᬸᬦᬂ
ᬓᬬᬸᬦᬾᬗᬫ᭄ᬩᬸᬮ᭄᭞ᬲᭂᬫᭂᬗᬾᬗᬯᬶᬦᬂᬩᭂᬘᬶᬓ᭄᭞ᬳᬭᬧᬦ᭄ᬧᭀᬮᬶᬄᬧᬸᬗ᭄ᬓᬸᬭᬦ᭄᭞ᬧᬕᭂᬳᬂᬭᬶᬂᬓᬬᬸᬦ᭄᭞ᬧᬘᬂᬗᬭᬸᬗᬶᬦ᭄ᬲᬕᬭ᭞ᬫᬚᬸᬓᬸᬗᬦ᭄᭞ᬢᬶᬢᬶᬬᬂᬲᬋᬂᬫᬦᬬᬸᬗᬶᬦ᭄᭞ᬧᬘᬂᬓᭂᬫ᭄ᬩᬮᬶᬓ
ᬲᬲᬓ᭄᭟ᬫᬗ᭄ᬤᬲᬵᬫ᭄ᬧᬸᬦ᭄ᬩᬶᬫ᭄ᬩᬂᬧᬫᬃᬕ᭄ᬕᬶᬦ᭄ᬩᭂᬮᬶ᭞ᬗ᭄ᬕᬶᬄᬤᬸᬫᬤᬓ᭄᭞ᬲᬂᬳ᭄ᬬᬂᬯᬶᬥᬷᬲ᭄ᬯᬾᬘ᭄ᬙ᭞ᬮᬦᬂᬳᬃᬣᬧᬲᬳᬸᬭᬾ᭞ᬳᬤᬶᬯ᭄ᬬᬓ᭄ᬢᬶᬳᬾᬮᬶᬂᬓᬦ᭄ᬢᬸᬦ᭄᭞ᬲ᭄ᬯᬾᬘ᭄ᬙᬦᬾᬭᬶᬂᬢᬶᬢᬶᬬᬂᬦᬾᬫᬗ᭄ᬓᬶᬦ᭄᭞ᬫᬦᬸᬮᬸᬗᬶᬦ᭄ᬓ᭠
[᭓᭗ 37 A]
ᬤᬶᬢᬶᬢᬶᬬᬂ᭞ᬤᬾᬦᬶᬂᬢᬫ᭄ᬩᬦ᭄ᬳᬶᬧᬸᬦ᭄᭞ᬯᬦ᭄ᬢᬄᬳᬤᬶᬲᬦᬾᬫᬓ᭄ᬢ᭞ᬩᭀᬬᬮᬶᬬᬦ᭄᭞ᬬ᭠ᬤᬶᬦ᭄ᬳᬶᬤᬸᬧ᭄ᬬᬤᬶᬦ᭄ᬫᬢᬶ᭞ᬯᬦ᭄ᬢᬄᬳᬤᬶᬦᬾᬗᬯᬶᬦᬂ᭟ᬳᬬᬸᬳᬗ᭄ᬭᬾᬡᬶᬭᬭᬶᬲ᭄ᬫᬢᬹᬃᬫᬦᬶᬲ᭄᭞ᬩᭂᬮᬶᬮ᭠
ᬦᬂ᭞ᬬᬾᬦᬶᬂᬲᬚᬓᬾᬢᭀ᭞ᬧᬶᬋᬗᬂᬳᬢᬹᬃᬢᬶᬢᬶᬬᬗᬾ᭞ᬫᬗ᭄ᬤᬩᭂᬮᬶᬦᬾᬦᬵᬢᭂᬦ᭄ᬕᬗ᭄ᬕᬸ᭞ᬲᬂ᭠ᬳ᭄ᬬᬂᬲᬹᬃᬬ᭄ᬬᬲᬢ᭄ᬫᬓᬲᬓ᭄ᬱᬶ᭞ᬓᬮᬶᬄᬲᬤᬕᬶᬗᬶᬂᬚᬕᬢ᭄᭞ᬧᬸᬧᬸᬢᬂᬫᬳᬸᬭᬸᬓ᭄᭞ᬬᬦᬶᬂᬩᭂᬮᬶᬲᬵᬫ᭄ᬧᬸ
ᬦ᭄ᬢᬫᬢ᭄᭞ᬲᬵᬫ᭄ᬧᬸᬦᬂᬮᬶᬧ᭄ᬬ᭞ᬩᭂᬲᬶᬓ᭄ᬳᬮᬶᬄᬢᬶᬢᬶᬬᬂᬫᬸᬮᬶᬄ᭞ᬩᭂᬮᬶᬳᬗ᭄ᬕᭀᬦ᭄ᬢᬶᬢᬶᬬᬂᬲᭀ᭠ᬫᬄ᭟ᬓᬸᬤᬂᬢᬶᬩᬦ᭄ᬬᬤᬶᬦ᭄ᬓᬸᬤᬂᬰᬰᬶᬄ᭞ᬢᬶᬢᬶᬬᬂᬫᬶᬲᬤ᭄ᬬ᭞ᬲᬤ᭄ᬬᬫᬜᬦ᭄ᬢᭀᬲᬂ᭞ᬬᬤᬶᬦ᭄ᬓ᭄ᬬᬫ᭠
ᬢ᭄ᬕᬸᬫᬶᬦᬾ᭞ᬲᬵᬫ᭄ᬧᬸᬦ᭄ᬩᭂᬮᬶᬧᬘᬂᬢᬓᬸᬢ᭄᭞ᬢᬶᬢᬶᬬᬂᬚᬸᬚᬸᬃᬲᬢ᭄ᬬᬾᬂᬚᬜ᭄ᬚᬶ᭞ᬩᭀᬬᬚᬯᬾᬦ᭄ᬢᭂᬦ᭄ᬲᬶᬯᭀᬲᬦ᭄᭞ᬧᬘᬂᬓᬯᬦ᭄ᬢᬶᬤᬸᬫ᭄᭞ᬲᬓᬮᬫᬶᬯᬄᬦᬶᬱ᭄ᬓᬵᬮ᭞ᬩᭀᬬᬧᬶᬲᬦ᭄᭞ᬢᬶᬢᬶᬬᬂ᭠
Kaca:Bali-lontar-geguritan-anggreni-300ppi.pdf/37
Kaca puniki sampun kauji-wacén
