[᭒᭘ 28 B]
᭒᭘
ᬤᬶᬦ᭄ᬗᬦ᭄ᬢᭀᬲ᭄ᬫᬓᬯᭂᬗᬶ᭞ᬫᬕᬦ᭄ᬢᬶᬩᬵᬜ᭄ᬘᬬᬦ᭄ᬩᬶᬦ᭄ᬢᬂ᭞ᬢᬶᬢᬶᬬᬂᬜᬤ᭄ᬬᬧᬘᬂᬗᬦ᭄ᬢᬶ᭞ᬧᬵᬢᬹᬢᬾᬲᬓᬤᬶᬳᬤᬶ᭞ᬦᬾᬦ᭄ᬢᭂᬦ᭄ᬧᬘᬂᬫᬧᬶᬓᬬᬸᬦ᭄᭞ᬫᬫᬸᬗ᭄ᬓᬶᬃᬭᬶᬂᬧᭂᬃᬚᬜ᭄ᬚᬶᬬᬦ᭄᭞ᬲᬗ᭄ᬓᬮᬶᬄᬭᬭᬶᬲ᭄ᬫ᭠
ᬮᬶᬗ᭄ᬕᬶᬄ᭞ᬤᬸᬳᬸᬃᬩᬢᬸ᭞ᬦᬵᬗ᭄ᬳᬶᬂᬢᭂᬕᬓᬾᬫᬵᬢᭂᬧᬦ᭄᭟ᬳᬗ᭄ᬕ᭄ᬭᬾᬡᬶᬬᬫᭂᬡ᭄ᬥᭂᬧᬶᬲᬦ᭄᭞ᬤᬸᬳᬸᬃᬗᬸᬦ᭄ᬢᬸᬓ᭄ᬢᬸᬃᬓᬩᬶᬮ᭄ᬩᬶᬮ᭄᭞ᬫᭂᬦᭂᬂᬢᬢᬦ᭄ᬳᬦᬗᬸᬘᬧ᭄᭞ᬤᬾᬦᬶᬂᬤᬸᬭᬸᬂᬫᬓᬯᬶᬢᬶᬦ᭄᭞ᬮᬦᬂᬳᬃᬣᬫᬗ
ᬯᬶᬢᬶᬦ᭄᭞ᬳᬢᬹᬃᬤᬦᬾᬩᬦ᭄ᬩᬦ᭄ᬳᬮᬸᬲ᭄᭞ᬲᬧᬸᬦᬧᬶᬲᬸᬭᬢ᭄ᬢᬶᬢᬶᬬᬂ᭞ᬫᬶᬦᬩ᭄ᬓᬳᬕᭂᬗᬦ᭄ᬲᬶᬲᬶᬧ᭄᭞ᬲᬓᬶᬩᭂᬦ᭄ᬥᬸ᭞ᬳᬤᬶᬢᬦ᭄ᬓᬬᬸᬦ᭄ᬫᭂᬫ᭄ᬩᬮᬲ᭄᭟ᬓᬢᭀᬲ᭄ᬧᭂᬃᬮᬸᬗᬯᬾᬦ᭄ᬢᭂᬦᬂ᭞ᬧᭂᬃᬢᭂᬫᬸᬳᬦᬾᬧᬸᬦᬶᬓᬶ᭞
ᬦᬵᬗ᭄ᬳᬶᬂᬲᬸᬚᬢᬶᬦ᭄ᬦᬾᬧᬶᬲᬦ᭄᭞ᬫᬗ᭄ᬤᬳᬤᬶᬫᬗ᭄ᬓᬶᬦ᭄ᬳᬸᬦᬶᬂ᭞ᬳᬤᬶᬫᬭᬕᬳᬢᬶ᭞ᬭᬶᬂᬢᬗ᭄ᬓᬄᬢᬶ᭠ᬢᬶᬬᬂᬫᬮᬸᬗ᭄ᬕᬸᬄ᭞ᬳᬤᬶᬯᬦ᭄ᬢᬄᬉᬭᬶᬢᬶᬢᬶᬬᬂ᭞ᬫᬗᬶᬘ᭄ᬙᬾᬦ᭄ᬳᬸᬭᬶᬧ᭄ᬳᬶᬭᬶᬓᬶ᭞ᬬᬦ᭄ᬢᬦ᭄ᬢᬸᬮᬸᬲ᭄᭞ᬳᬤᬶᬫᬜ᭄ᬯᬾ᭠
[᭒᭙ 29 A]
ᬘ᭄ᬙᬦᬶᬦ᭄ᬢᬶᬢᬶᬬᬂ᭟ᬧᬵᬢᬹᬢ᭄ᬢᬶᬢᬶᬬᬂᬲᬵᬫ᭄ᬧᬸᬦ᭄ᬧᭂᬚᬄ᭞ᬬᬦ᭄ᬢᬦ᭄ᬳᬤᬶᬗᬦ᭄ᬤᬶᬓᬳᬶᬦ᭄᭞ᬲᬤᬸᬄ᭠ᬓᬧᬗ᭄ᬕᬶᬄᬭᬶᬂᬚᬮᬦ᭄᭞ᬧᬸᬦᬶᬓᬗᬯᬶᬦᬂᬉᬭᬶᬧ᭄᭞ᬧᬸᬦᬶᬓᬗᬯᬶᬦᬂᬫᬮᬶᬄ᭞ᬓᬤᬶᬫᬚᬸᬫᬸᬦ᭄ᬤᬸᬃᬓᬬᬸ᭠
ᬦ᭄᭞ᬩᭂᬘᬶᬓ᭄ᬦ᭄ᬤᬶᬓᬬᬭᬶᬂᬢᬶᬢᬶᬬᬂ᭞ᬳᬗ᭄ᬕ᭄ᬭᬾᬡᬶᬭᬭᬶᬲ᭄ᬫᬦᬗᬶᬲ᭄᭞ᬲᭂᬕᬸᬲᭂᬕᬸ᭞ᬢᭀᬬᬦ᭄ᬳᬓ᭄ᬱᬶᬤᬺᬱ᭄ᬫᭂᬤᬮ᭄᭟ᬮᬦᬂᬳᬃᬣᬗᬮᬦ᭄ᬢᬸᬭᬂ᭞ᬗᬸᬤ᭄ᬬᬂᬳᬤᬶᬤᬤᬶᬦᬗᬶᬲ᭄᭞ᬧᬸᬦᬧᬶᬓᭀᬦᬾ
ᬦ᭄ᬢᭂᬦ᭄ᬩᭂᬭᬢ᭄᭞ᬳᬤᬶᬧᬘᬂᬦᬗ᭄ᬕᬸᬂᬭᬸᬕᬶ᭞ᬮᬦ᭄ᬢᬸᬭᬦ᭄ᬫᬫᭂᬮᬲᬶᬦ᭄᭞ᬚᬦ᭄ᬫᬦᬾᬦᬾᬫᬗ᭄ᬕᬶᬄᬮ᭠ᬘᬸᬃ᭞ᬢᭀᬬᬦ᭄ᬳᬓ᭄ᬱᬶᬦᬾᬧᬸᬦᬶᬓ᭞ᬲᬦᬾᬫᬮᬶᬫ᭄ᬩᬄᬭᬶᬂᬧᬶᬧᬶ᭞ᬍᬩᬶᬄᬮᬓᬸ᭞ᬩᬦ᭄ᬤᬶᬗᬂᬭᬶᬂᬤᬾ᭠
ᬯᬾᬓ᭄ᬢᬶᬢᬶᬬᬂ᭟ᬲᬵᬫ᭄ᬧᬸᬦ᭄ᬩᬗᭂᬢ᭄ᬫᬗᭀᬩᭂᬢᬂ᭞ᬯᬸᬲᬦᬂᬳᬤᬶᬫᬦᬗᬶᬲ᭄᭞ᬳᬶᬘ᭄ᬙᬾᬦ᭄ᬢᬶᬢᬶᬬᬂᬓᬧᬱ᭄ᬝᬶᬬᬦ᭄᭞ᬧᬸᬢᬸᬲᬦ᭄ᬧᭀᬦᬾᬲᬾᬫᬗ᭄ᬓᬶᬦ᭄᭞ᬚᬢᬸᬳᬂᬭᬶᬂᬢᬶᬢᬶᬬᬂᬫᬗ᭄ᬓᬶᬦ᭄᭞ᬬᬦ᭄ᬯᬦ᭄ᬢᬄᬯᬾ᭠
Kaca:Bali-lontar-geguritan-anggreni-300ppi.pdf/29
Kaca puniki sampun kauji-wacén
